တရုတ်ပြည် သို့ မြန်မာနိုင်ငံ၏ အဓိကဝင်ပေါက် မူဆယ်မြို့၏ ညစ်ပတ် ပေရေနေသော လမ်းမများပေါ်တွင် ‘ပန်ဆေး’ ပြည်သူ့စစ် အဖွဲ့မှ တိုက်ခိုက်ရေးသမားများ ဥဒဟို သွားလာနေကြသည်။
မြန်မာ-တရုတ် နယ်စပ် မူဆယ်မြို့တွင် လက်နက်များ၊လောင်းကစား ရုံ များ၊ မူးယစ်ဆေးဝါးနှင့် ပြည့်တန်ဆာ လုပ်ငန်း များ မှ ပေါ်ထွက်လာသည့် ငွေကြေးများ အလျှံပယ်ဖြစ်နေသည်။
တရုတ်ပြည်နှင့် မြန်မာနိုင်ငံ အကြား ၎င်းတို့ နယ်စပ် တစ်လျှောက် တပ်ဖွဲ့များ ဖြန့်ချမှု မပြုရန် သဘောတူညီ ချက် တစ်ရပ်ရှိသည်။ သို့ဖြစ်၍ KIA နှင် TNLA အပါအဝင် ယင်းဒေသ၌ လှုပ်ရှားနေ ကြသည့် တိုင်းရင်းသား လက်နက်ကိုင်အဖွဲ့များနှင့် ဗဟိုအစိုးရ အကြားနှစ်ရှည် လများပဋိပက တစ်ခုတွင် မြန်မာ့တပ်မတော်သည် ဌာနေပြည်သူ့စစ်အဖွဲ့များကို ကိုယ်စားလှယ်များအဖြစ် အသုံးပြုခဲ့ သည်။
ရှမ်းပြည်နယ်၏ နယ်စပ်မြို့ မူဆယ်ကို လက်နက်ကိုင် အဖွဲ့ ၁ဝ ဖွဲ့က အုပ်စီးထားသည်ဟု ဆိုသည်။ ယင်းတို့ အနက် ‘ပန်ဆေး’ အဖွဲ့ သည် မူဆယ်မြို့၏ အင်အား အကြီးဆုံးပြည်သူ့စစ် အဖွဲ့များအနက် တဖွဲ့ ဖြစ်သည်။
ပန်ဆေး အဖွဲ့တွင် အဖွဲ့ဝင် ရာပေါင်းများစွာ ရှိပြီး အမ်-၁၆ ရိုင်ဖယ် များ၊ ကာလက်ရ်ှနီကော့ဗ် ရိုင်ဖယ်များ စသည်ဖြင့် ခေတ်မီ လက်နက် များ ကိုင်ဆောင် ထားကြသည်။
ပန်ဆေးပြည်သူ့စစ် အဖွဲ့တွင် ကိုယ်ပိုင် ကျောက်စိမ်းတွင်းများ၊ စီးကရက် စက်ရုံများ၊ ကာရာအိုကေ ဘားများရှိသည်။ စီနီယာ ပန်ဆေး အဖွဲ့ဝင် တစ်ဦးက ၎င်းတို့ အဖွဲ့သည် မူးယစ်ဆေးဝါးနှင့် အခြားဥပဒေနှင့် ဆန့်ကျင်သော လုပ်ရပ်များတွင် ပါဝင်ပတ် သက်ခြင်း မရှိဟု ပြောကြားသည်။
မူဆယ် ရှိ အခြားပြည်သူ့စစ် အဖွဲ့များနည်းတူ ပန်ဆေး အဖွဲ့သည် တပ်မတော်၏ အုပ်ချုပ်မှုအောက်၌ ရှိသည်။ အပြန်အလှန် အနေနှင့် တစ်စုံ တစ်ခုသော အတိုင်းအတာအထိ လွတ်လပ် စွာလှုပ်ကိုင်ခွင့် ရသည်။ ပြည်သူ့စစ် အဖွဲ့ဝင်များက သူတို့ကိုယ် သူတို့ ငြိမ်းချမ်းရေး ထိန်းသိမ်းသူများ အဖြစ် ညွှန်းဆိုကြသည်။
၎င်းတို့သည် ပြည်သူလူထု အပေါ် အနိုင်ကျင့် ဗိုလ်ကျ ဥပဒေနှင့် မညီသည့် လုပ်ငန်းများ လုပ်ကိုင်နေကြ သော သူပုန် အုပ်စုများကို တိုက်ခိုက်နေသည် ဟုလည်း ပြောကြသည်။
သို့ရာတွင် နိုင်ငံရေးလေ့လာ စိစစ်သူ ဒေးဗစ် မက်သီဆန် က မူဆယ်မြို့၏ တရားမဝင် စီးပွားရေး လုပ်ငန်း နောက်ကွယ်၌ ပြည်သူ့စစ် အဖွဲ့များရော၊ သူပုန်များပါ ပါဝင် ပတ်သက်နေသည်ဟု ပြောသည်။
” သူတို့ဟာ သေနတ်တွေ ကိုင်ဆောင်ပြီး မြို့ပတ်ကာ ကားမောင်း နေကြတယ်။ လောင်းကစားရုံတွေကို ဖွင့် ထားကြတယ်။ ယာဘ မူးယစ်ဆေးတွေ ရောင်းနေကြတယ်”ဟု ၎င်းက ပြောသည်။
မြန်မာ ကုန်သည်များသည် မူဆယ်မြို့မှ တစ်ဆင့် တရုတ်ပြည်သို့ ဆန်၊ ငါး၊ သစ်သီးများ တင်ပို့သည်။ တရုတ် ပြည်မှ လျှပ်စစ် ပစ္စည်း များ၊ လူသုံးကုန် ပစ္စည်းများ တင်သွင်းသည်။ အောက်တိုဘာနှင့် ဒီဇင်ဘာ အကြား တရားဝင်ကုန် သွယ်မှု တန်ဖိုး အမေရိကန် ဒေါ်လာ ၁ ဘီလီယံ ခန့်ရှိသည်။
သို့သော် တရားဝင် ကုန်သွယ်မှုထက် စိတ်ကြွဆေး၊ ဘိန်း၊ တိရစ္ဆာန် အစိတ်အပိုင်းများ၊ ကျောက်စိမ်း စသည့် တရားမဝင် ကုန်သွယ်မှုက မူဆယ်တွင် အဆမတန် ကြီးထွားလျက်ရှိသည်။
မြန်မာနိုင်ငံသည် ယခုအခါ ကမ္ဘာပေါ်တွင် စိတ်ကြွဆေးပြား အများ ဆုံးထုတ်လုပ်သည့် နိုင်ငံများအနက် တနိုင်ငံဖြစ်နေသည်။
