08 March 2019

အမှားကြာ အမှန်လို့ ယူဆတတ်တယ်




အလောင်းတော်ကဿ       ပ ဟု ဆိုလိုက်လျှင် အများစုက မြတ်ဗုဒ္ဓ လက်ထက် အရှင်မဟာ ကဿ ပ ကိုပြေးမြင် တတ်ကြပါ သည်။ အမှန်လည်း အလောင်းတော် ကဿ ပ ကို အရှင်မဟာ ကဿ ပအဖြစ် ယုံကြည်ကြသည်။
အင်တာနက် သမိုင်း စာမျက်နှာများက အစ အရှင်မဟာ ကဿ ပ ကို ရေးသား ပုံဖော်နေကြသည်ကိုတွေ့ရ၏။

ကလေးတွေ ဖတ်ရှုလေ့လာဖို့ အတွက် ဘုရားသမိုင်း စာအုပ်များ ဝယ်ပေးဖြစ်သည်။ အချို့သမိုင်း များက တိကျရေရာသော သမိုင်း မဟုတ်ပေ။ ထိုးဇာတ်တွေက များနေ၏။ ဒဏ္ဍာရီ ပုံပြင်ဆန်လှ သည်။ လူကြီးသူမ များက အဟုတ်ထင် သ ဖြင့် သမိုင်းမှတ်တမ်း စာအုပ် များရေးသား ထုတ်ဝေပြီးရောင်းချကြသည်။ ကလေး သူငယ်များက လည်း အဟုတ်ဟု မှတ်ထင်နေကြ လိမ့်မည်။ အမှတ်မှားပါက သမိုင်း အမှန်များပျောက်တော့ မည်။

" အမှားကြာလျှင် အမှန်ဖြစ် အမှန်စင်စစ် အမှားထင် ဘုရားရှင် ပင် ဟော၍ မရ" ဟူသကဲ့သို့ အမှားကြာ လာသည့် အခါ အမှန် ဟု ယူ ဆ တတ်ကြသည်။ အမှန် ဖြစ်လာခြင်းတော့ မဟုတ်ပေ။ အမှန်ဟု ထင်မြင် ယူဆလာခြင်းသာဖြစ်သည်။

အလောင်းတော်ကဿ         ပ ကို သွားရောက် ဖူးမြော်ကြသူတွေများ လှသည်။ မြန်မာ အများစုသည် ပင် နယ်လှည့် ဘုရားဖူးခြင်းဖြင့်သာ အချိန်ကုန်နေတတ်ကြသည်။ စာပေ ဖတ်ရှုလေ့လာခြင်းကား နည်း
ပါး လှ၏။

မရောက်ဘူးသည့် အရပ်ဒေသ သို့ ဒေသန္တရ ဗဟုသုတဖြစ်စေခြင်း ငှါ သွားသင့်၏။ မိမိသွားရောက် လေ့လာ သောအခါ၌လည်း ဓာတ်ပုံ ရိုက်ခြင်းနှင့် အချိန်မကုန်စေပဲ စနစ်တစ်ကျလေ့လာထားသင့်၏။

မိမိစီးသောမြင်း အထီး အမ ကွဲ သင့်သည် မဟုတ်လော့။ အများစုက ဘုရားဖူးခရီး ဟူ၍သာ သွားလိုက်ကြ သည်။ ပါရမီမြောက် ဘုရားဖူး သွားခြင်းမျိုး မဟုတ်ပဲ ပျားရည်ဆမ်း ခရီး ( ဟန်းနီးမွန်း ခရီး) သာဖြစ် ခဲ့ ကြသည်က များ၏။




အလောင်းတော်ကဿ          ပ ၏ သမိုင်းဖြစ်ရပ်မှန် ကို တည်တော ဆရာတော်ကြီး၏ ယနေ့ ဗုဒ္ဓဝါဒပြဿ        နာ များ စာအုပ်တွင် စတင်၍ ဖတ်ရှုခဲ့သည်။ ပေါင်လောင် ရှင် ကဿ          ပ ဟု ဆရာတော်ကြီးကဖြေကြား ထားတော်မူ၏။

ယခု အမျိုးသား ပညာဝန် ဦးဖိုးကျား ၏ အလောင်းတော်ကဿ       ပ စာအုပ် ကို ဖတ်ရှုလေ့လာမိပြန်သည်။ပေါင်လောင်ရှင်ကဿ         ပ ဟုပင် ဆိုထားပြန်၏။ ဦးဖိုးကျား၏ စာသည်သဘာဝ ယုတ္တိလည်း ရှိသည်။ အာဂမ ယုတ္တိလည်းကျသည်။ စနစ် တစ်ကျလေ့လာပြီး ရေးသားထား ခြင်းသာဖြစ်သည် ။

သမိုင်းဖြစ်ရပ်မှန်ကို လေ့လာသူတိုင်း ဦးဖိုးကျား၏ အလောင်းတော် ကဿ          ပ စာအုပ်ကို လေ့လာ ဖတ်ရှုစေချင်သည်။

မြတ်စွာဘုရား လက်ထက်က အရှင်မဟာကဿ         ပ အကြောင်း ကိုလည်း လေ့လာဖူးသည်။ ရွှေပါရမီ ဆရာတော်ရေးသော" လမ်းခွဲ တာ ဝမ်းနည်းစရာလား" စာအုပ်၌ လည်း ဖတ်ရှု ဘူးသည်။
ဖိုးလမင်း ၏" လမ်းအခွဲမှာ ဝမ်းမနည်းပါ" တရားတော်လည်း နာယူ ဘူးသည် ။
သီတဂူ ဆရာတော်ကြီး၏ တရားေ တာ်၌လည်း နာယူ မှတ်သား ဘူး သည်။

ကြည်ညိုစရာ လေးစားစရာ အားကျ အတုယူစရာ စံပြုထိုက်သော မထေရ်မြတ်တစ်ပါးသာဖြစ်သည်။မြတ်စွာဘုရားနှင့် သင်္ကန်းချင်း လဲလှယ် ကတည်းက သာသနာတော် ပခုံးပြောင်း တာဝန်ပေး
အပ်ကြောင်း သတိထားမိသည်။

ပထမ သင်္ဂါယနာတင်သည့် အခါ၌ အရှင်မဟာကဿ        ပ မထေရ်မြတ် က ဦးဆောင်ခဲ့သည်။ ပရိနိဗ္ဗာန် စံခဲ့ သည်မှာ လည်း ရာဇဂြိုဟ်ပြည် ဝေဘာရတောင်မှာပင် ပရိနိဗ္ဗာန် စံဝင် ခဲ့ကြောင်း စာပေ မှတ်တမ်း များ၌ တွေ့ရသည်။

ယခုမြန်မာပြည်သူပြည်သားများ သွားရောက် လေ့လာဖူးမြော်နေ သော မထေရ် မှာ ပုဂံခေတ် နရပတိ စည်သူမင်း လက်ထက် ပေါင် လောင်ရှင် ကဿ        ပ သာဖြစ်သည်။

သို့သော် အများစု ယုံကြည်နေ ကြသည်က မြတ်ဗုဒ္ဓ လက်ထက် အရှင်မဟာကဿ       ပ ဟု ယူဆနေကြသည်။ထိုကဲ့သို့ ယူဆနိုင်ဖို့ အတွက်လည်း သက်ဆိုင်ရာ တာဝန် ရှိသူများက ဖန်တီးထားကြ သည်။

မြတ်စွာဘုရားနှင့် သင်္ကန်းချင်းလဲလှယ်ဟန် ရုပ်တုတော်များပြုလုပ် ထားကြသည်။ မြတ်ဗုဒ္ဓ လက်ထက် အရှင်မဟာကဿ         ပ ဟု ပုံ မှား ရိုက် ထားကြသည်။ သို့မှလည်း နယ် လှည့် ဘုရားဖူးများရောက်ရှိ လာပြီး စီးပွာရေး သမား များ အတွက် အဆင်ပြေမည် မဟုတ်ပါလား။

မြန်မာ အများစု စေတီဘုရားများကို အသုံးချ၍ လုပ်စားနေကြ သည် က များနေတတ်ပါသည်။ စာရေးဆရာ အများစု ကလည်း သမိုင်း အမှန် ကို တင်ပြမှု အားနည်း ကြသည်။ သမိုင်းဆရာများ စာရေးဆရာများ စီးပွား ရှာ သူများ လုပ်ကြံဖန်တီး ပုံမှားရိုက်နေသောကြောင့် အနာဂတ် မျိုးဆက်သစ် ကလေး ငယ်များ သမိုင်း အမှန်နှင့် ဝေးကြရတော့မည်။

အရှင်မဟာကဿ        ပ သည်လည်း သံဃာ ၊ ပေါင်လောင်ရှင် ကဿ        ပ သည်လည်း သံဃာ၊ မထေရ်မြတ်နှစ်ပါးလုံး သည် သံဃာ ရတနာ ၌ အကျုံးဝင်၏။ သံဃာ့ဂုဏ်ကို ရည် မှန်း၍ ပူဇော်တတ်ဖို့သာ လို သည်။

သို့သော် သမိုင်း အမှန်ကိုတော့ တိတိကျကျ မှတ်တမ်းတင်ထားဖို့ ကောင်းပေသည်။ အများစု သမိုင်းအမှန်ကို တင်ပြဖို့ ဝန်လေးနေ တတ်ကြသည်။

အမှား ကြာလာသည်နှင့် အမျှ အမှားကို ပင် အမှန်ဟု ယူဆလာကြ တော့မည်။

ဤပိုစ့် ကို အများနှင့် ဆန့်ကျင်ဘက် ဖြစ်နေသည့်အတွက် မရေး လိုသော်လည်း စာပေ ဖတ်ရှုလေ့လာစေ လိုသော ဆန္ဒဖြင့် ရေးသား လိုက်ခြင်းသာဖြစ်ပါသည်။ ယနေ့ ဖတ်ရှုလေ့လာမိသော စာပေ ကို လည်း ရေးပါ ဟု ဆိုလာ သည့် အတွက်လည်း ရေးဖြစ်သွားခြင်းဖြစ် သည်။

စာရေးသူ လေ့လာ ဖတ်ရှုမိထား သည့် ဦးဖိုးကျား ၏ အလောင်း တော် ကဿ        ပ စာအုပ်လေးကို စိတ်ဝင်စား သူများ အနေဖြင့် မဖြစ်မနေ လေ့လာ ဖတ်ရှုကြပါဟု လည်း စေတနာဖြင့် တိုက်တွန်း အပ်သည်။

မူရင်း Credit
အမျိုးသားပညာဝန်​ ဦးဖိုးကျား ရဲ့အ​လောင်း​တေ.ာ်​ကဿ       ပ သမိုင်း စာအုပ်​ ရှာ​ဖွေဖတ်​ရှူ့ကြကုန်​​လော .......
ခရဒ်ဒစ် - မူရင်းတင်သူ


လ ၇ိပ် ချို


No comments:

Post a Comment