အမှောင်ချ ခံရသော ဖြစ်ရပ် (သို့) ရော့စ်ဝဲလ် ပန်းကန်ပြားပျံ အဖြစ်အပျက်

 ရော့စ်ဝဲလ် ပန်းကန်ပြားပျံ အဖြစ်အပျက်သည် အမေရိကန်ပြည်ထောင်စုတွင် ယနေ့တိုင် ပဟေဠိဖြစ်နေ ရသည့် ဇာတ်လမ်း တစ်ခုဖြစ်ခဲ့သည်။ ၁၉၄၇ ခုနှစ် ဇွန်လ သို့မဟုတ် ဇူလိုင်လ တွင် နယူး မက္ကဆီကိုပြည်နယ်၊ ရော့စ်ဝဲလ်မြို့အနီးရှိ မွေးမြူရေးခြံတစ်ခြံအနီးတွင် အမျိုးအမည် မခွဲခြားနိုင်သော ယာဉ်တစ်စီး ပျက်ကျခဲ့သည်။ 

ထိုယာဉ် အပျက်အစီး အပိုင်းအစ အနများကိုကြည့်ပြီး မည်သည့်နေရာမှ လာသည့် ယာဉ်ဖြစ်ကြောင်းကို ယနေ့တိုင် မဖော်ထုတ်နိုင်ခဲ့သေးပေ ။ အမေရိကန် လေတပ် က ထိုယာဉ် အပိုင်းအစ များသည် အမေရိ ကန်ပြည်ထောင်စု လေတပ်ထောက်လှမ်းရေးအတွက် လွှတ်တင်ထားသော မိုးပျံပူဖောင်း တစ်ခု၏ အစိတ် အပိုင်းများဖြစ်ကြောင်း ထိုစဉ်က ထုတ်ဖော်ပြီး ပြည်ဖုံးကား ချခဲ့သော်လည်း အများက လက်ခံ ထားကြသည်မှာ အမျိုးအမည်မသိ အာကာသထဲမှ လာသော ပန်းကန်ပြားပျံ တစ်ခုဖြစ်နိုင်ပြီး ဂြိုဟ်သားများကိုပါ အစိုးရ အနေ ဖြင့် ထိန်းသိမ်း ရရှိထားသည်ဟု ထင်မှတ်ခဲ့ကြသည်။

 ပြန်ပေါ်လာခြင်း

၁၉၄၇ ခုနှစ် ဇာတ်လမ်းသည် ၁၉၇၀ ပြည့်နှစ်ပိုင်းလောက်တွင် ပြန်ပြီး လှုပ်လှုပ် ရှားရှားဖြစ်လာသည်။ အမေရိကန် အစိုးရသည် မိုးပျံ ပူဖောင်းဖြစ်သည် ဆိုပြီး ဇာတ်သိမ်း ခဲ့သော်လည်း နှစ်ပေါင်း သုံးဆယ်ကျော်ကြာမှ ထိုစဉ်က အပျက်အစီးများကို စစ်ဆေးခဲ့စဉ်က ပါဝင်ခဲ့သည့် မေဂျာ ဂျက်စီ မာဆဲလ်နှင့် ပန်းကန်ပြားပျံ ကျွမ်း ကျင် ပညာရှင်တစ်ဦးဖြစ်သူ စတင်တန် ဖရိုက်မင်း တို့ အင်တာဗျူး တစ်ခုတွင် အစိုးရ၏ ဖုံးကွယ်ထားချက်များ ပြန်ပြီးပေါ်လာခဲ့ရသည်။

မာဆဲလ် က အစိုးရသည် ပန်းကန်ပြားပျံ ကို တွေ့ခဲ့ရသည် ဆိုသည့် အကြောင်း ကို ဖုံးကွယ် ထားကြောင်းဆိုသည့် သတင်းသည် ချက်ချင်း ပျံ့နှံ့သွားခဲ့သည်။ ၁၉၈၀ ပြည့်နှစ် ဖေဖော်ဝါရီ တွင် National Enquirer မဂ္ဂဇင်းကြီး ကလည်း မာဆဲလ်နှင့် သီးခြား အင်တာဗျူးတစ်ခုကို ထပ်မံလုပ်ခဲ့သည်။ 

ထိုအချိန်ကျမှ ရော့စ်ဝဲ ပန်းကန်ပြားပျံ အဖြစ်အပျက်ကို တစ်ကမ္ဘာလုံးက အရေးစိုက် လာကြရတော့သည်။ မာဆဲလ်ပြောပြချက်အရ အမေရိကန် အစိုးရသည် ပန်းကန်းပြားပျံ ကိုသာမက၊ ဂြိုဟ်သား များကိုပါ ဖုံးကွယ်ထားပြီး မိုးပျံပူဖောင်းနှင့် အစားထိုး ထားသည့် ဇာတ်လမ်းသည် ပေါ်ပေါက်လာခဲ့ရသည်။ 

ထိုစဉ်က မျက်မြင်သက်သေများ၏ အဆိုအရလည်း ပြင်းထန်စွာပေါက်ကွဲသည့် နေရာအနှံ့ အပြားရှိခဲ့ကြောင်း၊ စုစုပေါင်း ၁၁ နေရာ ခန့် တွင် ပေါက်ကွဲ ပျက်စီးသည့် ပုံစံများကို တွေ့ကြရကြောင်း ထိုစဉ် ကတည်းက သက်သေခံချက်များ ရှိသည်။ ၁၉၈၉ ခုနှစ်တွင် အလောင်းကောင်များကို စစ်ဆေးသည့် ဂလင်း ဒဲနစ် ဆိုသူကလည်း သူကိုယ်တိုင် ဂြိုဟ်သား အလောင်းများကို ထိုစဉ်က ရင်ခွဲကာ စစ်ဆေးပေးခဲ့ရသည်ဟု ဖွင့်ဟဝန်ခံခဲ့သည်။

 စုံစမ်းစစ်ဆေးခြင်း

လူတွေကြားထဲတွင် သတင်းများ ပျံ့နှံ့ပြီး စိတ်ဝင်စားလာ သဖြင့် အမေရိကန် ကွန်ဂရက် လည်း စုံစမ်း စစ်ဆေးပေးရန် တောင်းဆိုမှုများ ပြုလုပ်လာခဲ့သည်။ အမေရိကန်ပြည်ထောင်စု လေတပ် မှ စုံစမ်းရေး အဖွဲ့တစ်ဖွဲ့ကို ဖွဲ့ပြီး စုံစမ်း စစ်ဆေးမှု များကို ပြုလုပ်ပေးခဲ့ရသည်။

စုံစမ်း စစ်ဆေးချက်များကို နှစ်ပိုင်း ခွဲကာ တင်ပြခဲ့ကြသည်။ ပထမတစ်ပိုင်း ကို ၁၉၉၅ ခုနှစ်တွင် ထုတ်ပြန် ခဲ့ပြီး ၁၉၄၇ ခုနှစ်က တွေ့ရှိခဲ့သည့် အပျက်အစီး အစိတ်အပိုင်းများသည် ထိပ်တန်း လျှို့ဝှက်ထားသော Mogul ပရောဂျက် ၏ အစိတ် အပိုင်းများဖြစ် ကြောင်း ထုတ်ပြန်ကြေညာခဲ့သည်။ 

Mogul ပရောဂျက် ဆိုသည်မှာ အမေရိကန်လေတပ်က ကောင်းကင်ထဲသို့ စေလွှတ်ထား သော မိုးပျံ ပူဖောင်း စီမံချက်ဖြစ်ပြီး၊ အမြင့် တစ်နေရာမှနေ၍ ဆိုဗီယက် တို့ အနုမြူဗုံးများ စမ်းသပ်ရာတွင် ထွက်ပေါ်လာမည့် အသံများကို ထောက်လှမ်းရန် အသံလှိုင်း စနစ်များ တပ်ဆင်ထားသော ထောက်လှမ်းရေးစီမံချက်ဖြစ်သည်။

ဒုတိယ အစီရင်ခံစာကို ၁၉၉၇ ခုနှစ်တွင် ထုတ်ပြန်ပြီး ဂြိုဟ်သားများ ဆိုသည်မှာ မဟုတ်ကြောင်း၊ ရင်ခွဲ စစ်ဆေးမှုများ ရှိခဲ့သော်လည်း ထိုအလောင်းများသည် ဂြိုဟ်သားများ မဟုတ်ကြောင်း၊ မိုးပျံပူဖောင်းကြီး ပျက်ကျစဉ်က ကံဆိုးစွာဖြင့် ထိခိုက် မိပြီး သေဆုံးသွားသူများ၏ ရုပ်အလောင်းများသာဖြစ်ကြောင်း ထုတ်ပြန် အစီရင်ခံငြင်းဆန်ပြီး ပြည်ဖုံးကား ချခဲ့တော့သည်။

ရော့စ်ဝဲ ဇာတ်လမ်းနောက်ကွယ်တွင် ဖြစ်ရပ်မှန်ကို မျက်မြင် သက်သေများအား လိုက်လံမေးမြန်းထားသည့် စာအုပ်များ အပြင် မှတ်တမ်းများနှင့် ယင်း အဖြစ်အပျက်တို့ကို အခြေခံ ထားသည့် ရုပ်ရှင် ဇာတ်လမ်းအများအပြား ပေါ်ထွက်လာခဲ့သည်။ ပန်းကန် ပြားပျံ သုတေသီများနှင့် ပညာရှင်များ ကမူ ယင်း အဖြစ်အပျက် များနှင့် ပတ်သက်ပြီး အစိုးရဖြေရှင်းချက်များကို လက်မခံဘဲ ဖုံးကွယ်ထားချက်ဖြစ်သည်ဟု လက်ခံ ယူဆ ခဲ့ကြ သည်။

ရော့စ်ဝဲ မျက်မြင်သက်သေပေါင်း ၆၀၀ ကျော် ခန့်ရှိသည်။ ၁၉၄၇ ခုနှစ်ထုတ် သတင်းစာများနှင့် မျက်မြင် သက်သေ များ၏ ထွက်ဆို ချက်များသည် ပန်းကန်ပြားပျံ ပျက်ကျသည့် ဘက်သို့သာ ဦးတည်နေပြီး၊ မျက်မြင်သက်သေများ၏ ပြောဆိုချက်များကို လူတိုင်းက ယုံကြည်နေကြသော်လည်း အစိုးရကမူ ယနေ့တိုင် မိုးပျံ ပူဖောင်း ဟုသာ ငြင်းဆိုနေဆဲဖြစ်သည်။

ကိုးကား
 The Roswell Incident, Charles Berlitz and William Moore
https://en.wikipedia.org/wiki/Roswell_UFO_incident
http://www.ufoevidence.org/documents/doc384.htm
http://www.huffingtonpost.com/2012/08/03/roswell-ufo-crash_n_1715663.html