ဘုရားဂုဏ်တော် ရွတ်ဖတ် ပူဇော်ခြင်းအကျိုး

ပုထုဇဉ် လူသား အပေါင်း တို့သည် နေ့စဉ်နှင့် အမျှ စား၊ ဝတ်၊ နေ၊ ရေး အရေးကြီး သုံးပါး ကို ဆောင်ရွက်နေကြ၏။ ဉာဏ လုပ်သားများ ကလည်း ဉာဏ အလျှောက် ကာယ လုပ်သားများကလည်း ကာယ အလျှောက် လုပ်ကိုင်နေထိုင်ကြရ၏။

ထို အလုပ်ခွင်တွင် ကာယ လုပ်သားပဲဖြစ်ဖြစ်၊ ဉာဏ လုပ်သားပဲဖြစ်ဖြစ်၊ အကုသိုလ် စိတ်ရိုင်းများ မဝင်စေရန် ဗုဒ္ဓဂုဏ်တော် တစ်ခုခုကို စိတ်ထဲမှာ ပွားနေလျှင် ကုသိုလ်စိတ်တွေဖြစ်ပြီး အလွန် အကျိုးထူးများရရှိပါ၏။ စာရေးသူ၏ တူမလေး ကျောင်းဆရာမလေးခေါ် အေးကျော့ သည် စာသင်ခန်းထဲမှာပဲဖြစ်ဖြစ်၊ အနားယူ ခန်းမှာပဲဖြစ်ဖြစ် ဗုဒ္ဓ၏ အရဟံ ဂုဏ်တော်ကိုပဲ အမြဲ ပွားများနေတတ်၏။

ယင်း အကျိုးကျေးဇူးကြောင့် အိမ်ထောင်ကျသော အခါမှာလည်း သူတော်ကောင်း တရားကို လက်ကိုင်ထားသူ အများအကျိုးကိုဆောင်ရွက်တတ်သူ ပညာရေးမှူး တစ်ဦးဖြင့် အိမ်ထောင်ကျခဲ့ရ၏။

အိမ်ထောင်ကျပြီးတော့ သားကောင်း ရတနာ (၃) ဦးကို ရရှိခဲ့ပြန်၏။ အကြီးဆုံးသော သားရတနာက ဝိဇ္ဇာဘွဲ့နှင့် ဓမ္မစရိယ တန်းအောင်မြင်ပြီး ပရိယတ္တိစာသင်တိုက်ကြီး တစ်တိုက်မှာ ပဓာန၊ နာယက ဆရာတော်တစ်ပါး ဖြစ်နေ၏။

သားလတ် မှာ တပ်မတော် တွင် ဗိုလ်ကြီးအဆင့် ရာထူးဖြင့် အမှူထမ်းဆောင်နေ ပါ၏။ သားငယ် ကတော့ အိမ်ထောင်မပြုပဲ မိခင်ကြီးကို စောင့်ရှောက်ပြုစုနေပါ၏။ ဤကား မြတ်ဗုဒ္ဓ၏ အရဟံ ဂုဏ်တော် တစ်ပါးပင် ဖြစ်ပါသေး၏။ မြတ် ဗုဒ္ဓ၏ ဂုဏ်တော်တစ်ပါးစီကို ပွားရသော အကျိုးကျေးဇူးများကို ဖော်ပြပါမည်။

၁။ အရဟံ ဂုဏ်တော် ပွားလျှင်၊ ဘေးရန်ကင်းကျန်းမာ၏၊ လာဘ်လာပေါများ၏၊ နေရာထိုင်ခင်းကောင်းကောင်း နေထိုင်ရ၏။

၂။ သမ္မာသမ္ဗုဒ္ဓေါ ဂုဏ်တော်ကို ပွားများလျှင်၊ စိတ်ရွှင်လန်း၏၊ ဉာဏ်ပွင့်လင်း၏၊ စာမေးပွဲတွေ လွယ်လွယ်ကူကူအောင်မြင်၏။

၃။ ဝိဇ္ဇာစရဏသမ္ပန္နာ ဂုဏ်တော် ပွားလျှင်၊ ဝိဇ္ဇာပညာဖြင့် အသက်မွေးရ၏၊ ပြိုင်ဘက်မရှိ တတ်မြောက်ကျွမ်းကျင်ရ၏။

၎။ သုဂတော ဂုဏ်တော် ပွားလျှင်၊ စကားစစ်ထိုးနိုင်၏၊ အမှုအခင်းနိုင်၏၊ အရောင်း အဝယ်ကောင်း ၏၊ အရေးကြီး ကိစ္စပြောဆိုအောင်မြင်၏။

၅။ လောကဝိဒူ ဂုဏ်တော်ကို ပွားလျှင်၊ လောကရေး၊ လူမှုရေး အဖြာဖြာတို့ကို ရှင်း ရှင်း လင်းလင်း ပိုင်ပိုင်နိုင်နိုင်သိ၏။

၆။ အနုတ္တရော ဂုဏ်တော်ကို ပွားလျှင်၊ လူ၊ နတ်တို့၏ အလယ်တွင်ကျော်ဇော၏၊ လူတစ်ကာ ချစ်ခင်ခြင်း လေးစားခြင်းကိုခံရ၏။

၇။ သတ္တာဒေဝမနုဿ နံ ဂုဏ်တော်ကို ပွားလျှင်၊ နှုတ်စ၊ လျှာစ ထက်မြက်ရ၏၊ ဆိုတိုင်းရ၏၊ ပြောတိုင်းအောင်၏၊ ကြံတိုင်းပြီးမြောက်ရ၏။ (စိတ္တဇ၊ ဝေဒနာရှင်များကို ဤ ဂုဏ်တော်ကိုရွှတ်ပြီး ရေမန်းထုတ်လျှင် ပျောက်ကင်းရ၏။)

၈။ ဗုဒ္ဓေါ ဂုဏ်တော်ကို ပွားလျှင်၊ ဘေးဆိုး၊ ရန်ဆိုး၊ ကြမ္မာဆိုး၊ အမျိုးမျိုး မှ လွတ်ကင်း၍၊ ချမ်းသာခြင်း အမျိုးမျိုးနှင့်ပြည့်စုံရ၏။

၉။ ဘဂဝါ ဂုဏ်တော် ကို ပွားလျှင်၊ ဘုန်းတန်ခိုးကြီး၏၊ တေဇော် အနုဘော်ကြီး ၏၊ မိမိပြောသမျှ၊ ဟောသမျှ၊ အောင်မြင်ရ၏။

ဗုဒ္ဓဘုရားရှင်လက်ထက်တော်က “သုဘူတိ” အမည် ရှိသော ရဟန်း မထေရ် တစ်ပါး ရှိခဲ့၏။ ထိုမထေရ် ဘဝ တစ်ခုတွင် ဗုဒ္ဓ၏ ဂုဏ်တော်များကို အမြဲမပြတ် ရွတ်ဖတ်ခဲ့၏။ ထိုဗုဒ္ဓါနုဿ တိ ဘာဝနာ ကုသိုလ်ကြောင့် ကမ္ဘာပေါင်းများစွာ အပါယ်တံခါး ပိတ်၍၊ နတ်သားဘဝ အကြိမ်သုံးသောင်း ဖြစ်ခဲ့ရ၏။ သိကြားမင်းဘဝ အကြိမ် (၈၀) ဖြစ်ခဲ့ရ၏။

စကြာမင်း အဖြစ် အကြိမ် တစ်ထောင် ဖြစ်ခဲ့ရ၏။ ရိုးရိုး ပဒေသရာဇ်၊ ဧကရာဇ် မင်း အဖြစ်ကား မရေမတွက်နိုင်အောင် ဖြစ်ခဲ့ရ၏။ ဖြစ်လေရာဘဝတိုင်း စည်းစိမ်ဥစ္စာများ၏။ လျှော့ပါးခြင်းမရှိ။ ယခုနောက်ဆုံး ဂေါတမဗုဒ္ဓဘုရားရှင် လက်ထက်တော်တွင် ထိုမထေရ်သည် အဘိညာဉ်နှင့် ဈာန်ဝင်စားသောအရာတွင် အမြတ် ဆုံး ဧတဒက်ဘွဲ့ကို ရရှိ၏။ ရဟန္တာ မထေရ်မြတ်ကြီးဖြစ်ပြီး နိဗ္ဗာန်အငြိမ်း ဓာတ်ကြီးသို့ အပြီးတိုင် စံဝင်သွားတော်မူပါတော့၏။

ဂုဏ်တော် ပွားရခြင်း အကျိုးကျေးဇူးများက များပြားလှ၏။ အကျိုး (၁၇) မျိုးကို ပွားများသူတိုင်း ရရှိပါ၏။

၁။ မိမိ ခန္ဓာကိုယ် အတွင်းသန္တာန်သည်၊ စေတီအိမ်နှင့် တူသည်ဖြစ်၍ သူတစ်ပါးတို့၏ ပူဇော်မှု လေးစားမှုကို ခံယူရ၏။

၂။ စိတ်ဓာတ် ရဲရင့်တည်ကြည်၏။

၃။ သေခါနီး မတွေဝေဘဲ သေရ၏။ သေပြီးနောက် ကောင်းရာ သုဂတိဘုံ သို့ ရောက် ရ၏။

၎။ နောင်အခါ ဘုရားနှင့်တွေ့လျှင် သစ္စာလေးပါး တရားတော်ကြီးကို သိလွယ် ၏။

၅။ အမျိုး မြတ်၏။

၆။ သူတစ်ပါး အရိုအသေပြုခြင်းကို အမြဲခံရ၏။

၇။ ချီးမွှမ်းထိုက်သော ကိုယ် င်္ဂါနှင့် ပြည့်စုံ၏။

၈။ အဆင်းလှ၏ အရွယ်နုပျိုရ၏။

၉။ ကိုယ်အနံ့ ကြိုင်သင်းရ၏။

၁၀။ ခံတွင်းရနံ့ မွေးကြိုင်ရ၏။

၁၁။ ကြီးကျယ်သော ဉာဏ်ပညာနှင့် ပြည့်စုံ၏။

၁၂။ နက်နဲသော ဉာဏ်ပညာနှင့် ပြည့်စုံ၏။

၁၃။ ထက်မြက်သော ဉာဏ်ပညာနှင့် ပြည့်စုံ၏။

၁၄။ လျင်မြန်သော ဉာဏ်ပညာနှင့် ပြည့်စုံ၏။

၁၅။ ရွှင်သော ဉာဏ်ပညာနှင့် ပြည့်စုံ၏။

၁၆။ ဆန်းကြယ်သော ဉာဏ်ပညာနှင့် ပြည့်စုံ၏။

၁၇။ စကားကောင်း ကို ဆိုနိုင်၏။

ဤ ဂုဏ်တော်များကို ရွတ်ဖတ်ပါ သဖြင့် ရရှိသော အကျိုးကျေးဇူး (၁၇) မျိုး ကို ပညာ ရှိ ဆရာတော်ကြီးများက လွယ်လွယ်ကူကူ မှတ်မိစေရန် ကဗျာ၊ လင်္ကာ၊ သီစပ်ထား၏။

စေတီ အတူ၊ စိတ်မူ တည်ကြည်၊
ရောက်မှီ နတ်ရွာ၊ တွေ့ခါ သိလွယ်၊
မြင့်နွယ် အမျိုး၊ ရိုးကျိုး ခံရ၊
ပြည့်ဝ အင်္ဂါ၊ ဆင်းလှ စွာနှင့်
ကာယ ခံရင်း ကြိုင်သင်းမွှေးကြူ
ကြီးထူ ပညာ၊ နက်စွာ ထက်ရွှင်
လျင်မြန် ဆန်းကျယ်၊ ကောင်းကြွယ် စကား
ဆိုနိုင်ငြားသည်၊ ဘုရား ဂုဏ်တော်
ပွားကျိုးတည်း။

ဤ ဘုရားဂုဏ်တော် ပွားရပါသဖြင့် ရရှိသော အကျိုး (၁၇) မျိုးကို ထေရီတေရာပါဠိတော်နှင့် အဌကထာ တို့၌ ဖော်ပြထားပါ၏။

ယင်းကြောင့် ဗုဒ္ဓဘာသာဝင် သူတော်ကောင်းတို့သည် စား၊ ဝတ်၊ နေ၊ ရေးဆောင်ရွက်ကြရင်း ဉာဏ လုပ်သားပဲဖြစ်ဖြစ်၊ ကာယ လုပ်သားပဲဖြစ်ဖြစ် အလုပ် လုပ်ကြ ရင်း အကုသိုလ် စိတ်များ မဝင်ရပဲ၊ ကုသိုလ်စိတ်များ ဖြစ်နေစေရန် မြတ်ဗုဒ္ဓ ၏ ဂုဏ်တော် တစ်ခုခုကို ပွားများနေနိုင်ကြပါစေရန် တိုက်တွန်းလိုက်ရပါ၏။

ယခု ကာလများ ဘေးအန္တရာယ်တွေ ကလည်း များလှ၏။ ရောဂါ အမျိုးမျိုးတို့ကလည်း တစ်ခုပြီး တစ်ခု ပေါ်ပေါက်လာရ၏။ ကမ္ဘာကြီးသည် လောဘ၊ ဒေါသ၊ မောဟ မီးကြီး သုံးမျိုး လောင်မြိုက်ခြင်းကို ခံနေရ၏။ လူသားတွေ၏ ပြုလုပ်မှုကြောင့် လူသားတွေပဲ ပြန်ခံရ၏။

မည်သည့် တိုင်းပြည်၊ မည်သည့် လူမျိုး၊ မည်သည့် ဘာသာဝင်တွေ ကပဲ လုပ် လုပ် မိမိပြည်တောင်စု နိုင်ငံတော်ကြီးတွင် ဘေးဥပါဒ် အမျိုးမျိုး၊ ရောဂါ အမျိုးမျိုးမဖြစ်ပေါ်စေကြစေရန် ဤမျှ လွယ်ကူ လှသော ဗုဒ္ဓ၏ ဂုဏ်တော် တစ်ခုခုကို လူ တိုင်း ပွားများနိုင်ကြပါစေဟု တိုက်တွန်းလိုက်ရပါတော့သတည်း။

အရှင် သုဓမ္မသာရ
(ဇမ္ဗူဒိပ် ဂျာနယ်)

www.bwar99.blogspot.com

___________________________________________________

ဘုရား ဂုဏ်တော် (၉) ပါး ပါဠိ+မြန်မာပြန်နှင့် ဂုဏ်တော်ပွားရကျိုး

ဣတိပိ သောဘဂဝါ
(၁)။အရဟံ
(၂)။သမ္မာသမ္ဗုဒ္ဓေါ
(၃)။ဝိဇ္ဇာစရဏသမ္ပန္တွော
(၄)။သုဂတော
(၅)။လောကဝိဒူ
(၆)။အနုတ္တရော ပုရိသဒမ္မသာရထိ
(၇)။သတ္ထာ ဒေဝမနုဿာနံ
(၈)။ဗုဒ္ဓေါ
(၉)။ဘဂဝါ

(၁)။အရဟံ = ကိလေသာ အညစ်အကြေးတို့မှ ကင်းဝေးစင်ကြယ်တော်မူသော မြတ်စွာဘုရား။

(၂)။သမ္မာသမ္ဗုဒ္ဓေါ = သိစရာမှန်သမျှ တစ်စမကျန် သယမ္ဘူဥာဏ်ဖြင့် အမှန်အတိုင်း သိတော်မူသော မြတ်စွာဘုရား။

(၃)ဝိဇ္ဇာစရဏသမ္ပန္တွော = အသိတရား အကျင့်တရားတို့နှင့် ပြည့်စုံတော်မူသော မြတ်စွာဘုရား။(ဝါ)ဝိဇ္ဇာသုံးပါး၊ဝိဇ္ဇာရှစ်ပါး၊စရဏတရား (၁၅)ပါးတို့နှင့်ပြည့်စုံတော်မူသော မြတ်စွာဘုရား။

* ဝိဇ္ဇာ သုံးပါး *

(၁)။ပုဗ္ဗေနိဝါသာနုဿတိဥာဏ်=ရှေးရှေးဘဝတို့၌ ဖြစ်ပျက်ခဲ့သမျှကို ပြန်၍ သတိရနိုင်သောဥာဏ်။
(၂)။ဒိဗ္ဗစက္ခုဥာဏ် = နတ်မျက်စိကဲ့သို့ အဝေး၌ရှိသောအရာ၊သေးငယ်သော အရာတို့ကိုမြင်နိုင်သောဥာဏ်။
(၃)။အာသဝက္ခယဥာဏ်=ကိလေသာ အာသေဝေါတို့ကို ကုန်ခန်းစေသော ဥာဏ်။

* ဝိဇ္ဇာ ရှစ်ပါး *

(၁)။ပုဗ္ဗေနိဝါသာနုဿတိဥာဏ်။
(၂)။ဒိဗ္ဗစက္ခုဥာဏ်။
(၃)။အာသဝက္ခယဥာဏ်။
(၄)။ဝိပဿနာဥာဏ်=ရုပ်နာမ်တို့၏ အနိစ္စ ဒုက္ခ အနတ္တ သဘောတို့ကို သိသောဥာဏ်။
(၅)။စေတောပရိယဥာဏ်=သူတစ်ပါးစိတ်ကိုသိသောဥာဏ်။
(၆)။မနောမယိဒ္ဓိဥာဏ်=မိမိခန္ဓာကိုယ်အတွင်း၌ တစ်ခြားခန္ဓာကိုယ်တစ်ခုကို စိတ်ဖြင့်ဖန်ဆင်းနိုင်းသော ဥာဏ်။
(၇)။ဒိဗ္ဗသောတဥာဏ် =အဝေးမှ အသံ၊ သေးငယ်သော အသံတို့ကို ကြားနိုင်သောဥာဏ်။
(၈)။ဣဒ္ဓိဝိဓဥာဏ်=တန်ခိုး အမျိုးမျိုး ဖန်ဆင်းနိုင်သော ဥာဏ်။

* စရဏတရား တစ်ဆယ့်ငါးပါး *

(၁)။သီလ=ကိုယ် နှုတ် နှစ်ပါးကို စောင့်စည်း ထိန်းသိမ်းခြင်း ငါးပါးသီလ၊ရှစ်ပါးသီလ၊ပါတိမောက္ခသီလစသည်များ။
(၂)။ဣန္ဒြိယသံဝရ=မျက်စိ နား နှာခေါင်း လျှာ ကိုယ် စိတ် ဟူသော ဣနြေ္ဒခြောက်ပါးနှင့်စပ်၍ ကိလေသာမဖြစ်ရအောင် ဖြစ်ပေါ်သမျှကို သတိဖြင့် ရှုသိနေခြင်း။
(၃)။ဘောဇနေ မတ္တညုတာ=ချင့်ချိန်၍ စားသောက်ခြင်း။
(၄)။ဇာဂရိယာနုယောဂ=နိုးနိုးကြားကြားရှိမှု၊သတိတည်းဟူသော နိုးကြားမှု အမြဲရှိနေခြင်း။
(၅)။သဒ္ဓါ =ရတနာ သုံးပါးနှင့် ကံ ကံ၏ အကျိုးကို ယုံကြည်မှု။
(၆)။သတိ=ကုသိုလ်ကောင်းမှုတို့ကို သတိရခြင်း။
(၇)။ဟိရီ=မကောင်းမှုပြုရမည်ကို ရှက်ခြင်း။
(၈)။သြတ္တပ္ပ=မကောင်းမှုပြုရမည်ကို ကြောက်လန့်ခြင်း။
(၉)။ဝီရိယ=ကုသိုလ်ရေးတို့၌ အားထုတ်ခြင်း။
(၁၀)။သုတ=အပြစ်ကင်းသော အကြားအမြင်ဗဟုသုတ။
(၁၁)။ပညာ=အသိ၊ အလိမ္မာ၊အတတ်ပညာ။
(၁၂)။ပထမဈာန်။
(၁၃)။ဒုတိယဈာန်။
(၁၄)။တတိယဈာန်။
(၁၅)။စတုတ္ထဈာန်။

(၄)။သုဂတော=ကျိုးရှိဟုတ်မှန် နှစ်တန်သော စကားကိုသာ မိန့်ကြားတော်မူတတ်သော မြတ်စွာဘုရား။(ဝါ)ကျိုးရှိဟုတ်မှန် သူခံသာသော စကားနှင့် ကျိုးရှိဟုတ်မှန် သူမခံသာသောစကား ဤနှစ်ပါးကိုသာ မိန့်ကြားတော်မူတတ်သော မြတ်စွာဘုရား။

(၅)။လောကဝိဒူ=သတ္တလောက၊သြကာသလောက၊သခါင်္ရလောက တည်းဟူသော လောကသုံးခွင်ကို အကုန်အစင်သိမြင်တော်မူသော မြတ်စွာဘုရား။

(၆)။အနုတ္တရော ပုရိသဒမ္မသာရထိ=မယဉ်ကျေးကြငြား သတ္တဝါများကို ယဉ်ပါးလေအောင် သွေးဆောင် ဆုံးမခြင်း၌ တုဘက်ကင်းတော်မူသော မြတ်စွာဘုရား။

(၇)။သတ္တာဒေဝမနုဿာနံ= လူ နတ် ဗြဟ္မာ သတ္တဝါတို့၏ ဆရာတစ်ဆူ အစစ်ဖြစ်တော်မူသော မြတ်စွာဘုရား။

(၈)။ဗုဒ္ဓေါ=သစ္စာလေးပါး အမှန်တရားကို ပိုင်းခြားထင်ထင် သိမြင်တော်မူသော မြတ်စွာဘုရား။(ဝါ)သစ္စာလေးအင်ကိုယ်တိုင်မြင်၍ တပည့်တွေကိုလဲ သိစေတော်မူသော မြတ်စွာဘုရား။

(၉)။ဘဂဝါ=ဣဿရိယ စသည် ဘုန်းခြောက်လီနှင့်စုံညီပြည့်ဝတော်မူသော မြတ်စွာဘုရား။

(က)။ ကိုယ်တော်မြတ်၏ စိတ်တော်ကို စိုးပိုင် နိုင်နင်းတော်မူခြင်းတည်းဟူသော ဣဿ ရိယဘုန်းတော်။
(ခ)။ မဂ်ဖိုလ်နိဗ္ဗာန် ကိုးတန်သော လောကုတ္တရာတရားတည်းဟူသော ဓမ္မဘုန်းတော်။
(ဂ)။ ဟုတ်တိုင်းမှန်စွာ သုံးဖြာသော လောကတွင် ပျံ့နှံ့ကျော်စေရခြင်းတည်းဟူသော ယသဘုန်းတော်။
(ဃ)။ အင်္ဂါကြီးငယ် တင့်တယ် ပြည့်ဖြိုး အချိုးတကျ သပ္ပာယ်တော်မူလှခြင်း တည်းဟူသော သိရီ ဘုန်းတော်။
(င)။ အလိုတော်ရှိတိုင်း မဆိုင်းခဏ ပြီးစီးတော်မူရခြင်း တည်းဟူသော ကာမဘုန်းတော်။
(စ)။ အရဟတ္တ မဂ်ဥာဏ်၊သဗ္ဗညုတဥာဏ်တိုင်အောင် ရစေနိုင်သည့် ကြံ့ခိုင် ကြီးမားသော ဝီရိယတော်တည်းဟူသော ပယတ္တ ဘုန်းတော်။ ဤ ဘုန်းတော်ခြောက်စုံနှင့် ကုံလုံပြည့်ဝတော်မူသော မြတ်စွာဘုရား။

ဤသို့လျှင် အရဟံစသား ဂုဏ်ကိုးပါးနှင့် ထူးခြား ကုံလုံ ပြည့်စုံတော် မူသော မြတ် စွာ ဘုရားကို တပည့်တော်သည် ကြည်ညိုမြတ်နိုး လက်စုံမိုး၍ ရှိခိုးကန်တော့ပါ၏ မြတ်စွာဘုရား။

ဘုရားဂုဏ်တော် ပွားရခြင်းအကျိုး (လင်္ကာ)
^^^^^^^^^^^^^^^^^^^^^^^^^^^^^^^^^^^^^^^^^
စေတီပမာ ၊စိတ်မှာတည်ကြည်။
ရောက်မည်နတ်ရွာ၊တွေ့ကာသိလွယ်။
မြတ်နွယ်အမျိုး၊ရိုကျိုးခံရ။
ပြည့်ဝအင်္ဂါ၊ဆင်းလှစွာဖြင့်။
သာယာခံတွင်း၊ကြိုင်သင်းမွှေးကြူ။
ကြီးမူပညာ၊နတ်ရွာထက်ရွှင်။
လျှင်မြန်ဆန်းကြယ်၊ကောင်းကြွယ်စကား။
ဆိုနိုင်ငြားသည်၊ဘုရားဂုဏ်တော်ပွားကျိုးတည်း။

ကျမ်းကိုး။ ။ချမ်းမြေ့ဆရာတော်(လူငယ်သင် အခြေပျိုးဗုဒ္ဓဘာသာစာအုပ်)

ဓမ္မရေချမ်းစင်

http://goldenfuture999.blogspot.my/

http://lemthit.blogspot.my/