20 May 2017

ကိုလက်စထရောကို လျှော့ကျစေပြီး သွေးတိုး ကျစေတဲ့အပြင် ဆီးချို ထိန်းညှိပေးနိုင်တဲ့ စောင်းလျားသီး



အသီး ရဲ့ ပုံစံက ကြယ်ပုံလေး ရှိလို့ Star Fruit ကြယ်သီးလို့လည်းခေါ်ကြတဲ့ စောင်းလျားသီး ကို စာဖတ်သူတို့ သိကြမှာ ပါနော်။ 
အ၀ါရောင်အစင်း ရှိပြီး ချိုချဉ် အရသားလေးရှိတဲ့ ဒီအသီးက ကယ်လိုရီ မပါတဲ့အသီးဖြစ်ပြီး Antioxidant ကြွယ် ၀စွာပါဝင်ပါတယ်။ 

ဒါ့အပြင် ဗီတာမင် B၊C၊ ဖောလိတ်အက်ဆစ်နဲ့ တခြားကျန်းမာရေး အတွက် အထောက် အကူပြုတဲ့ ကွန်ပေါင်းဒြပ်တွေ အများအပြား ပါဝင်နေပါတယ်။




သွေးဖိအားကို ထိန်းညှိပေးနိုင်ခြင်း
ပိုတက်ဆီယမ်ဓါတ်ကြွယ်ဝလို့ သွေးဖိအား တက်တာကို အကောင်းဆုံး လျှော့ကျစေပါတယ်။ ဒီအသီးကို ပုံ မှန်စားပေးမယ် ဆိုရင်တော့ သွေးဖိအား တက်တာကို ထိထိရောက်ရောက် ထိန်းထားပေးနိုင်မှာပါ။

ကိုလက်စထရော ကျဆင်းစေခြင်း
အမျှင်ဓါတ်တွေကြွယ်ဝစွာ ပါဝင်တဲ့ စောင်းလျားသီး က မကောင်းတဲ့ ကိုလက်စထရောတွေကို လျှော့ချပေးပါတယ်။ သွေးတွင်းကိုလက်စထရော များတာဟာ နှလံးသွေးကြောဆိုင်ရာရောဂါ ကိုဖြစ်ပွားစေပါတယ်။ ဒါ့ကြောင့် သွေးတွင်း မကောင်းတဲ့ ကိုလက်စထရော ကို လျှော့ချပြီး နှလုံးရောဂါကို ကာကွယ်လိုက်ရအောင်ပါ။

ကိုယ်ခံအား စနစ်ကောင်းမွန်စေခြင်း



ဗီတာမင် C ကြွယ်ဝစွာပါဝင်ပြီး ကိုယ်ခံအားစနစ်ကို ကောင်းမွန်စေပါတယ်။



အိပ်မပျော်ခြင်းကို ကုသပေးပြီး အိပ်ရေးဝစေခြင်း
စောင်းလျားသီးမှာ မဂ္ဂနီဆီယမ်ကြွယ်ဝစွာ ပါဝင်ပြီး နှစ်ခြိုက်စွာ အိပ်ပျော်စေပါတယ်။ ဒီအစားကို စားပေးရင် အိပ်မပျော်တဲ့ဝေဒနာတွေကို ဖယ်ရှားပေးနိုင်ပါတယ်။

အစာချေ စနစ်ကောင်းမွန်စေခြင်း




အမျှင်ဓါတ်တွေကြွယ်ဝစွာ ပါဝင်လို့ အစာချေစနစ်ကို ကောင်းမွန်စေပြီး ရေဓါတ်လည်း ပါဝင်လို့ အူမကြီးကို သန့်စင်ပေးနိုင်ပါတယ်။ ဒါ့ကြောင့် တစ်ခြား အစာချေ လမ်းကြောင်း ဆိုင်ရာ ပြဿနာဖြစ်ပွားမှုကို ကာကွယ်ပေးနိုင်ပါတယ်။

အသားအရေ အတွက်ကောင်းမွန်ခြင်း
စောင်းလျားသီးမှာ Flavonoid ဓါတ်ကြွယ်ဝစွာပါဝင်ပြီး အရေပြားရောဂါအမျိုးမျိုးကို ကာကွယ်ပေးနိုင်ပါ တယ်။

ကိုယ်ဝန်ဆောင်မိခင် အတွက်ကောင်းမွန်ခြင်း
ဗီတာမင် B9 ပါဝင်ပြီး ကိုယ်ဝန်ဆောင်မိခင်တွေ အတွက် အထူးကောင်းမွန်ပါတယ်။ သန္ဓေသား ဖွံ့ဖြိုးမှုကို တိုးတက်စေပါတယ်။

ဆီးချို ထိန်းချုပ်ပေးခြင်း


ဆီးချိုဝေဒနာရှင်တွေ အတွက် စားဖို့ သင့်တော်တဲ့ အသီးထဲမှာ စောင်းလျားသီး ပါဝင်ပါတယ်။ သကြားဓါတ်ပါဝင်မှု နည်းပြီး အမျှင်ဓါတ်ကြွယ်ဝစွာ ပါဝင်လို့ ဆီးချိုကို ထိန်းချုပ်ပေးပါတယ်။

မျက်လုံး ကျန်းမာရေးကို တိုးတက်စေခြင်း
ဗီတာမင် A ကြွယ်ဝစွာ ပါဝင်လို့ မျက်လုံး ကျန်းမာရေးကို တိုးတက်စေပါတယ်။

သတိပြုရန် ....  ကျန်းမာရေး အတွက် အကျိုးကျေးဇူးများစွာ ရှိနေပေမယ့် ကျောက်ကပ်ဝေဒနာ ခံစားနေရသူတွေတော့ မစားသင့်ပါဘူး။ Oxalic အက်ဆစ် ပါဝင်လို့ ဘေးထွက် ဆိုးကျိုးဖြစ်စေပါတယ်။



No comments:

Post a Comment