သြဂုတ် ၁၇ ရက် က ကျင်းပသည့် ဆီးဂိမ်းစ် အမျိုးသမီးဘောလုံး ပြိုင်ပွဲတွင် အိမ်ရှင် မလေးရှား အသင်းအား အနိုင် ရခဲ့သည့် မြန်မာ အမျိုး သမီးအသင်းသည် ဟိုတယ် သို့ အပြန်တွင် အခက်အခဲ များစွာနှင့် ရင်ဆိုင်ခဲ့ရကြောင်း သိရ သည်။
မြန်မာ အမျိုးသမီးအသင်း လိုက်ပါ စီးနင်းသည့် ကားအား မောင်းနှင်သည့် ယာဉ်မောင်း အပြောင်းအလဲဖြစ်ပေါ်ခဲ့သောကြောင့် ကွင်း၌ အချိန်ကြာမြင့်စွာ စောင့်ဆိုင်း ခဲ့ရပြီး အိမ်ရှင် အသင်းကို ဂိုးပြတ် အနိုင်ရ ပြီး ဖြစ်ပွား ခဲ့သောကြောင့် မလေးရှားနိုင်ငံ၏ စီစဉ်ဆောင်ရွက်မှုများနှင့် ပတ်သက်၍ ဝေဖန်မှုများ မြင့်တက်လျက်ရှိသည် ။
” ပြိုင်ပွဲ ကြီးကြပ်သူရဲ့ ပြောကြားချက်အရ ပထမ ယာဉ်မောင်းက နေမကောင်းလို့ ဆိုပြီး အိမ် ပြန်သွားပါတယ်။ နောက်တစ်ယောက်ကို ပြောင်းလဲ ခဲ့ပေမယ့် အချိန်မီ ရောက်မလာခဲ့ပါဘူး။
ယာဉ်မောင်း အပြောင်းအလဲမှာ တစ်ခြားယာဉ်မောင်း တစ်ဦးကို ပြောင်းခဲ့ပေမယ့် စထွက်ထွက်ချင်းမှာ
အန္တရာယ်ဖြစ်နိုင်တဲ့ အနေအထားမျိုးနဲ့ ကြုံခဲ့ရပါတယ်။
ဒါကြောင့် ပြိုင်ပွဲ ကြီးကြပ်သူကို စောဒက တက်တော့မှ အဆင်ပြေသွားတာပါ။ ဒီကိစ္စနဲ့ ပတ်သက်ပြီး မြန်မာနိုင်ငံ အိုလံပစ်ကော်မတီမှ တစ်ဆင့် ပြိုင်ပွဲ ကျင်းပရေးကော်မတီ ကို ကန့်ကွက်စာ ပို့လိုက်ပါပြီ။ နောက်တစ်ခါ ဒါမျိုး မဖြစ်အောင် လုပ် ဆောင်တာပါ ” ဟု မြန်မာနိုင်ငံ ဘောလုံးအဖွဲ့ချုပ် MFF တာဝန်ရှိသူ တစ်ဦးက ပြောကြားခဲ့သည်။
ဆီးဂိမ်းစ် ပြိုင်ပွဲကို အိမ်ရှင် အဖြစ် ခြောက် ကြိမ်မြောက် လက်ခံ ကျင်းပနေသည့် မလေးရှားနိုင်ငံသည် ပြိုင်ပွဲအတွက် စီစဉ်ဆောင်ရွက်ထားမှုများ အားနည်းခြင်း တို့ကြောင့် ဝေဖန်မှု များစွာ ရင်ဆိုင်နေရကြောင်း သိရ သည်။
Credit to Eleven
No comments:
Post a Comment