ဘီးပေါက်လျှင် တိမ်း မမှောက်စေဖို့

အဝေးပြေး လမ်းများတွင် ကားတာယာ ရုတ်တစ်ရက် ပွင့်/ပေါက်ခြင်းသည် ယာဉ်မောင်းများ အတွက် အ သက် အန္တရာယ်များဆုံး မတော်တစ်ဆဖြစ်ရပ်များတွင် တစ်ခုအပါအ၀င်ဖြစ်ပါသည်။ 

HILUX SURF, PRADO, LAND CRUISER စသော 4×4 SUV အမြင့်ကားများ အတွက် အဆိုပါ တာယာ ပွင့်ခြင်းများ ပို၍ ဆိုးပါသည်။ အခြားကားများ တာယာပွင့်လျှင် ထိန်း၍ ရနိုင်သောလည်း 4×4 SUV အမြင့်ကားများ တာယာပွင့်လျှင် တိမ်းမှောက်ရန် ၉၀% သေချာသည်။

ယခုခေတ် အဆင့်မြင့် နည်းပညာများကြောင့် တာယာ ပွင့်ထွက်မှု အကြိမ်ရေလျော့နည်း လာသော်လည်း ယာဉ်မောင်းများ၏ အသက် အန္တရာယ်ကို ချိန်းခြောက်ဆဲဖြစ်သည်။ ထို့ကြောင့် “ရုတ်တစ်ရက် တာယာပွင့် ခဲ့လျှင်´´ဆောင်ရွက်ရန် အောက်ပါ အချက်(၆)ချက်ကို အကြံပြုအပ်ပါသည်။

၁။ (အကောင်းဆုံးစည်းကမ်း) စိတ်ချရသော သတ်မှတ် အရှိန်နှုန်းအောက်တွင်သာ မောင်းနှင်ပါ။

တာယာပွင့်စဉ် အရှိန်လျော့နည်းလေ သင့် အသက်ရှင်ရန် အခွင့် အလမ်းများလေ ဖြစ်သည်။ 80 မှ 90 km/h နှင့် 120 မှ 140 km/h အရှိန်နှုန်းနှစ်ခု အနက် အသေအပျောက် အချိုးမှာ (၁း၁၀) ဖြစ်ပါသည်။ 130 km/h အရှိန်နှင့် မောင်းစဉ် တာယာပွင့်၍ သင်ဘာမှ မဖြစ်လျှင် မဟာကံထူးရှင်ဖြစ်သည်။

၂။ တာယာပွင့်စဉ် ဘရိတ် ရုတ်တစ်ရက်မနင်းရ

အပြော လွယ်သလောက် အလုပ်ခက်ပါသည်။ ယာဉ်မောင်း၏ အလေ့အထနှင့် ဦးနှောက် အယူအဆအရ ကားရုတ်တစ်ရက် တစ်ခုခု ချို့ယွင်းသည်နှင့် ဘရိတ် အုပ်မိတတ်ကြပါသည်။ ကားတာယာ ပွင့်၍ ထိန်း သိမ်း ရခက်နေစဉ် ရုတ်တရက် ဘရိတ်အုပ်ခြင်းသည် ပိုမို၍ ထိန်းရခက်စေပြီး တစ်ဘက်သို့ ဆွဲချသွားလိမ့် မည်။

၃။ ရုတ်တစ်ရက် အရှိန်မြှင့်ခြေနင်း (လီဗာ) ကို မလွှတ်ရ

ကားတာယာပွင့်စဉ် မိမိ နင်းထားသော လီဗာကို ရုတ်တစ်ရက် မလွတ်ဘဲ ဖြေးညင်းစွာ လျှော့ချရန် ဖြစ်ပါ သည်။ လီဗာကို (၃) စက္ကန့်ခန့် ယခင်အတိုင်း ဆက်နင်းထားပြီးမှ ဖြည်းဖြည်းလျှော့ချပါ။ ပွင့်နေသော တာယာခွေ ၏ ဆွဲအားကြောင့် ကားမှာလည်း အလိုလို အရှိန်လျော့သွားမည် ဖြစ်ပါသည်။ သင့်ကား၏ CRUISE CONTROL (အလိုအလျောက်မောင်းစနစ်) ခလုတ် ဖွင့်ထားလျှင် အမြန်ပိတ်ပါ။

၎။ ရှေ့တည့်တည့် သွားရန် အကောင်းဆုံး ကြိုးစားထိန်းပါ

ရှေ့ ကားဘီး ပွင့်ပါက သင့်ကား၏ တည်ငြိမ်မှုကို အပြင်းထန်ဆုံး ထိခိုက်မည်ဖြစ်ရာ သင့်ကား၏ ၀ဲ/ယာသို့ ဆွဲချမည်ဖြစ်သည်။ `၀ဲ´သို့ ဆွဲလျှင် `ယာ´ဘက်သို့ စတီယာရင် ချိုးချပါ။ `ယာ´သို့ ဆွဲလျှင် `၀ဲ´ဘက်ချိုးချပါ။ ဤအလုပ်ကို လျင်မြန်စွာနှင့် ရဲရင့်စွာ လုပ်ရန်လိုပါသည်။ သို့မှသာ ကားမှာ လမ်းအတိုင်း တည့်တည့်တစ်ရွတ်တိုက် ရွေ့မည်ဖြစ်သည်။

၅။ သွေးမပျက်ဘဲ တည်ငြိမ်စွာ ထိန်းရန်

အဓိက အချက်ဖြစ်သော ကား၏ တည်ငြိမ်မှု၊ တည့်တည့် သွားမှုသည် အရေးကြီးပါသည်။ ရုတ်တစ်ရက်  အများကြီး စတီယာရင် ချိုးကွေ့မှုသည် ကားကို တိမ်းမှောက်ပြီး၊ သုံး/လေးပတ် လိမ့်စေနိုင်သည်။ ကားကိုထိန်းချုပ်နိုင်သည် အထိ စတီယာရင်ကို လိုသလို ထိန်းညှိ၍ စိတ်ချသောနေရာတွင် ရပ်ရန်ဖြစ်ပါသည်။

၆။ ကား အရှိန်လျော့လာပြီး စိတ်ချစွာ ရပ်နည်း

ကားကို ပထမအဆင့် ထိန်း၍ ရပြီ ဆိုလျှင် ဂီယာဒေါင်း၍ အရှိန်လျှော့ပါ။ (Auto Gear ဆိုလျှင် 2/L သို့ ဆွဲချပါ)။ အချက်ပြမီးပြပြီး အမြန်လမ်းပေါ်မှ ဘေးမြေသားပေါ်သို့ ဆင်းပါ။ တာယာ ကျွတ်သွား၍ ကျန်သောကားဘီးခွေကို မနှမြောပါနှင့် ဒီတိုင်း ဆက်မောင်းပါ ။ ကား ရပ်သွားလျှင် စုံ အချက်ပြမီး (Hazard Light) ဆက်ဖွင့်ထားပါ။

#Pyi Sae

World-Myanmar