12 December 2015

ဘုရားရှင် မကယ်နိုင်တဲ့ မိသားစု




အရှင်မဟာမောဂ္ဂလာန် ကိုယ်တော်မြတ် ဂိဇ္ဈကုဋ်တောင်ဘက် ကြွနေစဉ် လမ်းမှာပြိတ္တာလေးယောက် ကို တွေ့ လိုက်တော့ တအံ့ တသြနဲ့ မေးလိုက်မိတယ်။

“ပြိတ္တာမ၊ မြင်ရတာ စိတ်မချမ်းသာ လိုက်တာ။ 

တစ်ယောက် က ရဲရဲတောက်နေတဲ့ သလေး စပါး ဖျင်းတွေ ကို ခေါင်းပေါ် မှာ ဖြန့်ကြဲပြီး ပူလောင်တဲ့ ဒဏ်ကို မပြတ် ခံစားနေရတယ်။ 
တစ်ယောက် ကတော့ တင်းပုတ် နဲ့ ကိုယ့်ခေါင်း ကို ပြန်ရိုက်ခွဲနေတယ်။ 
တစ်ယောက် ကတော့ ကိုယ့် အသားအသွေး ကို ပြန်ဖဲ့ စားနေတယ်။ 

နင် ကတော့ ညစ်ပတ်တဲ့ မစင်တွေကို စားနေတယ်။ ဘယ်လို အကုသိုလ်ကြောင့် ခုလို ခံစားရတာ လဲ ပြော ပါဦး”

မှန်ပါဘုရား။ ဒါ တပည့်တော် တို့ အရင်က မိသားစုတွေ ပါ။ ရဲရဲတောက်လောင်နေတဲ့ သလေး စပါးဖျင်းတွေ ကြဲနေတဲ့ သူ က သားပါ ဘုရား။ လူ့ဘ၀ တုန်းက အမေ ကို ညဉ်းဆဲ ခဲ့လို့ပါ။ 

တင်းပုတ် နဲ့ပြန်ထုနေတဲ့ ကောင် က လင်ပါ။ ကောက်ကျစ်စဉ်း လဲ တဲ့ ကုန်သည်ပေါ့ဘုရား။ 
ကိုယ့်အသား ကို ဖဲ့စားနေတာက ချွေးမ ပါဘုရား။ သူမ ကတော့ အိမ်မှာ အသား ချက်တော့ မသိအောင် အသားတွေ ခိုးစား ခဲ့တယ်။ မေးတော့ မစားဘူး လို့လိမ်တယ်။ အဲဒါကြောင့် ခုလိုဖြစ်နေတာပါ။ 

တပည့်တော်မ ကတော့ အဲဒီတုန်း က တစ်အိမ်လုံး ကို ဦးစီးတဲ့ အိမ်ရှင်မ ပါ။ အရမ်း ကပ်စေးနဲခဲ့တယ်။ ဥစ္စာ ရှိသား နဲ့ မရှိဘူးလို့ လိမ်ခဲ့တယ်။ ၀ှက်ခဲ့တယ်။ သူများကို ပေးကမ်း ကူညီခြင်းမရှိခဲ့ဘူး။ 

“ငါ့အိမ် မှာ ဘာ ပစ္စည်းမှ မရှိဘူး။ ရှိရဲ့သားနဲ့ လှိူ့ဝှက် ခဲ့ရင် မစင် စားရပါစေသား” လို့လိမ်ခဲ့တယ်။ အဲဒီ မကောင်းတဲ့ ကံတွေကြောင့် တပည့်တော် မ ခုလို ပိုးလောက်ပြည့်နေတဲ့ မစင်တွေ စားနေရပါတယ်ဘုရား။


 
“အိုး.. တယ်လည်း အပြစ်ကြီးလှပေတယ်။”
မှန်ပါဘုရား၊ ဒါကြောင့် ကုသိုလ်ကံ၊ အကုသိုလ်ကံ ဆိုတာ အချည်းအနှီး မဖြစ်ပါဘူး။ အကျိုး ပေးမြဲပါပဲဘုရား။ အကျိုးမပေးပဲ နဲ့ မနေပါဘူး။ ဒါကြောင့်လဲ မကောင်း တဲ့ ပိုးလောက်တွေ ပြည့်နေတဲ့ မစင်တွေ စားနေရ တာ ၊ သောက်လည်းသောက်နေရ တာပါဘုရား။
 
အရှင်မဟာမောဂ္ဂလာန် ကိုယ်တော်မြတ်လည်း သက်ပြင်းရှည် ချကာ ပြိတ္တာ မိသားစုနှင့် ကံ၊ ကံ ရဲ့အကျိုး၏ ဆန်းကြယ်မူ ကို သံဝေဂဖြစ်ပြီး စိတ်မကောင်းစွာ နဲ့ပဲ ပြန်ကြွ လာပါတော့တယ်။

မကောင်းတာ လုပ်မိ သူကို ဘုရားတောင် မကယ်နိုင်ပါဘူး။ သူ့ လုပ်ရပ်ကို သူကိုယ်တိုင် ပဲ ပေးဆပ်ရမြဲပါပဲ။ ကိုယ်တော်မြတ် လည်း စိတ်မကောင်းဖြစ်ရုံက လွဲလို့ ဘာမှ မတတ်နိုင်။ 

ဘုရားရှင် ကို အသိပေးလျှောက်ထားပြီးတော့ လက်ရှိ လူ့ဘ၀ ရရှိနေ တဲ့ နောင်လာနောက်သား များကို ဒီပြိတ္တာ မိသားစု ကို ဥပမာပြပြီး မကောင်းတာ မလုပ်မိအောင် နိုးဆော်ဖို့ပဲ ရှိပါတယ်။

“ပုညံဝ သုခံ ဇနေတိ၊ အပုညံ ဒုက္ခံ ဇနေတိ။
တသ္မာ ပုညံဝ ကာတဗ္ဗံ၊ အပုညံ န စ ကာတဗ္ဗံ။”

“ ကောင်းကံဟာ ကောင်းကျိုးကို ဖြစ်စေတယ်။
မကောင်းကံဟာ မကောင်းကျိုးကို ဖြစ်စေတယ်။
 

ဒါကြောင့် ကောင်းကံ ကို ပြုရမယ်။
မကောင်းကံ ကို မပြုအပ်ပါဘူး။”


ဒါကြောင့် စာဖတ်သူများ အားလုံး လည်း ဒီပြိတ္တာ မိသားစု ကို ဆင်ခြင် သတိဝင်ပြီး မကောင်းကျိုး ကို ဖြစ်စေ တဲ့ ကံ များကို အတက်နိုင်ဆုံးရှောင်ပါ။ 

 ကောင်းကျိုးကို ဖြစ်စေမယ့် ကောင်းကံတွေ ကို တက်နိုင်သမျှ ဆည်းပူးပါလို့ တိုက်တွန်းလိုက်ရပါတယ်။



Credit: ရွှေစမ်းမြေ အရှင်က၀ိဓဇသာရ
 
  http://www.searchmyanmar.com/link/frame/cid/54248

No comments:

Post a Comment