01 May 2016

ဒိဋ္ဌိပြုတ်အောင် ဘယ်လို ရှုမလဲ

Zaw Lin's photo.


(၁) ထွက်လေ ဝင်လေ လေးကို  ရှုနေတာ က ကာယာနုပဿ        နာ။
 

(၂) ဝမ်းနည်းတယ်၊ ဝမ်းသာတယ်၊  ချမ်းသာတယ်၊ ဆင်းရဲတယ် ဆိုတဲ့ ခံစားချက်လေး ကို ရှုနေတာ က ဝေဒနာနုပဿ      နာ။
 

(၃) ကိုယ့် သန္တာန်မှာဖြစ်တဲ့   လောဘနဲ့ ယှဉ်တွဲလာတဲ့ စိတ်၊ ဒေါသ နဲ့ ယှဉ်တွဲလာတဲ့ စိတ်၊ မောဟ နဲ့ ယှဉ်တွဲလာတဲ့ စိတ်  ဒီ စိတ်ကလေး ကို ရှုနေတာက စိတ္တာနုပဿ        နာ။
 

(၄) ကြံတွေးမှု၊ ကြံစည်မှုတွေ၊  ရုပ်ခန္ဓာ ဓာတ် သဘောတွေကို  ရှုနေတာ က ဓမ္မာနုပဿ       နာ။


အဲ့ဒီလို မိမိ သန္တာန်မှာ ရှိတဲ့ သဘာဝ တရားတွေကို  အမှန်မြင်အောင် ကြည့်တတ်ဖို့ လိုအပ်တယ်။
 

၁။ အဲ့ဒီ အမှန်မြင်အောင် ကြည့်တာကိုပဲ  သမ္မာဒိဋ္ဌိ လို့ ခေါ်ပါတယ်။ သမ္မာဒိဋ္ဌိ ဆိုတဲ့ အမှန်မြင်နိုင်ဖို့ အတွက်...
 

၂။ သမ္မာသင်္ကပ္ပဆိုတဲ့  မှန်မှန် ကန်ကန် စဉ်းစားတတ်ဖို့ လိုတယ်။
 

၃။ အဲ့ဒီလို မှန်မှန် ကန်ကန် စဉ်းစားတတ်ဖို့ အတွက်  သမ္မာဝါယာမ ဆိုတဲ့ ကြိုးစားဖို့ လိုအပ်တယ်။
 

၎။ အဲ့ဒီလို ကြိုးစားဖို့ အတွက်  သမ္မာသတိ ဆိုတဲ့ စိတ်စိုက်ဖို့ လိုတယ်။
 

၅။ အဲ့ဒီ သမ္မာသတိ  ခေါ်တဲ့  အာရုံ တစ်ခုထဲမှာ စိတ်ကို ငြိမ်အောင် ထားတာက သမ္မာသမာဓိ ပါ။
 


ဒီလို ပေါင်းစပ် လိုက်တဲ့ မဂ္ဂင် (၅) ပါး ကို  "ကာရာပက မဂ္ဂင်(သို့) ကာရက မဂ္ဂင်" လို့ ခေါ်တယ်။
တရားဓမ္မ ကျင့်ကြံ ကြိုးကုတ် အားထုတ်တဲ့ အခါ  ဒီ မဂ္ဂင် ငါးခုဟာ ဟန်ချက် ညီညီနဲ့  အလုပ် လုပ်သွားပြီ ဆိုရင်ဖြင့်  သဘာဝတွေ ကို အမှန်အတိုင်း သိနိုင်မှာဖြစ်တယ်။




ဆိုကြပါစို့...................................
ထွက်လေ ဝင်လေလေး ကို  ရှုမှတ်နေတယ် ဆိုရင်  ထွက်လေ ဝင်လေလေး ကို  သူ့ သဘာဝလေး အတိုင်း
မသိ သိအောင် ကြိုးစား တာဟာ သမ္မာဝါယာမ။
 

အဲ့ဒီ ထွက်လေ ဝင်လေလေး ကို  အမြဲတမ်း သတိ ကပ်ထားတာက သမ္မာသတိ။
 

ထို ထွက်လေ ဝင်လေ အာရုံ တစ်ခုထဲပေါ်မှာ  စိတ်ကိုငြိမ်အောင် ထားတာက သမ္မာသမာဓိ။
 

ထွက်လေ ဝင်လေလေး ရဲ့သဘာဝ ကို  စဉ်းစားတွေးခေါ်နေတာ က သမ္မာသင်္ကပ္ပ။
 

 ဟော... အဲ့ဒီလို လေးခုပေါင်းစပ်လိုက်တဲ့ အခါ  ဘာပေါ်လာတုန်း ဆိုရင်  ထွက်လေ ဝင်လေလေး ရဲ့သဘာဝ တရား ကို  အမှန်မြင်လိုက် တဲ့ သမ္မာဒိဋ္ဌိ ဆိုတာ ပေါ်လာတော့တာပါပဲ။
 

ဘာကို အမှန်မြင်သလဲ ဆိုတော့  ထွက်လေ ဝင်လေလေး ဟာ  သူ့ သဘာဝ ထွက်လေ ဝင်လေပဲ၊
"ငါ မဟုတ်ပါလား" ဆိုတဲ့ အယူမှန် သွားတာကို  သမ္မာဒိဋ္ဌိ အမှန်မြင်ခြင်း လို့ခေါ်တယ်။
 

ငါ  မဟုတ်ဘူး ဆိုတဲ့ အမြင်ဟာ အမှန်မြင်ပေါ့။ အဲ့ဒီ အမှန်မြင်လိုက်တဲ့ အခါ  ရုပ်နာမ် ဓမ္မ သင်္ခါရတွေ နဲ့ ပတ်သက်ပြီး  " ငြီးမွေ့မှု " ဆိုတာ ပေါ်လာတယ်။
 

ငြီးငွေ့ လာတာနဲ့ တစ်ပြိုင်နက်တည်း  " တွယ်တာမှု " ဆိုတာ မရှိတော့ဘူး။  တွယ်တာမှု မရှိတာနဲ့ တစ်ပြိုင်နက်  " လွတ်မြောက် " သွားတာပဲ။

အဲ့ဒီလို  အဆင့်ဆင့် အကျိုးရှိ သွားအောင် မြတ်စွာဘုရားက  ကာယ၊ စိတ္တ၊ ဝေဒနာ၊ ဓမ္မ လို့ဆိုတဲ့
သတိပဋ္ဌာန် အာရုံလေးပါးပေါ်မှာ  လူတိုင်း လူတိုင်း ဟာ  ဘယ်အချိန် မှာပဲဖြစ်ဖြစ်  မိမိတို့ အားလပ်တဲ့ အချိန်လေးမှာ  အာရုံစိုက်ပြီးတော့ ကြည့်မယ် ဆိုရင်  ခုနကပြောတဲ့ အသိဥာဏ်တွေ အားလုံးပေါ်လာကြ မှာ ပါတဲ့ ။


အဲ့ဒီလို ပေါ်လာတဲ့ အခါမှာ ဝိမုတ္တ " လွတ်မြောက်မှု " ဆိုတာကို  ရလာမှာဖြစ်ပါတယ်။



 ကျေးဇူးတော်ရှင်
ပါမောက္ခချုပ် ဆရာတော် ဘုရားကြီး



 Zaw Lin

No comments:

Post a Comment