11 June 2016

သေမင်း မမြင်နိုင်သောတရား





မြတ်ဗုဒ္ဓ ဟောကြားတော် မူသော နိဗ္ဗာန်ရောက်ကြောင်း ကျင့်ကြံ ပွားများ အားထုတ် ရမည့် အတို ဆုံး  
တရားတော်............

( သေမင်းမမြင်နိုင်သောတရား ) (၁)
====================
တရားဆွေးနွေးသည် ဟု သဘောထားကာလေ့လာ ကြပါကုန်.........

အခါခပ်သိမ်း အောက်မေ့မှု သတိ ရှိလျှက် မိမိကိုယ် ဟု စွဲယူမှု အတ္တာနု ဒိဋ္ဌိ ကိုနှုတ်ပါယ် လျှက် လောက ကို ဆိတ်သုန်းသော အားဖြင့် ရှုပါလော့………

ခုဒ္ဓကနိကာယ် မောဃရာဇ ပုဏ္ဏား ပုစ္ဆာ မှ........................
ဒါကို ကိုဘအောင် အရင် တင်ဘူးပါတယ် ။ အခု ဓမ္မမိတ်ဆွေများစွာ တိုး လာတော့ တရားကျင့် ဖို့လေ့ လာနေ သူတွေ ဘဝ နဲ့သံသရာကို သိလိုသူ တွေ တရားအတိုင်း နားလည် သလို တင်ပါတယ် ။ 

တရားဆွေးနွေးသည် ဟု သဘောထားကာလေ့လာ ပေးကြပါကုန်..................
ဒီနေရာ မှာ မင်းကွန်း ဆရာတော်ကြီး ဆုံးမတဲ့ လက်ရှိ အချိန် ထက်ကောင်းသော အချိန် မရှိပါ ။ ဆိုတဲ့အဆုံး အမ နဲ့ဆက်နွယ်ပြီး ရှင်း ပါ့မယ် ။

အတိတ် သည် ဖြစ်ပြီး သွားခဲ့ပြီ ။ အနာဂတ် သည် ရောက်မလာသေး ယခု လက်ရှိ အချိန် ဆိုတာကိုတော့ ဒီလိုမြင်အောင် ကြည့်သင့်ပါတယ် ။

မျဉ်းတစ်ကြောင်း ဆွဲပါ အဲ့ဒိ မျဉ်းကို သွားနေတဲ့သဘောသက်ရောက် အောင်မြှားခေါင်းတပ်ပေး လိုက် ပါ ။ အဲ့ဒီမျဉ်း ကို အချိန်ကာလ မျဉ်း လို့ မှတ် ယူလိုက်....... နောက် သူ့အောက်ကနေမျဉ်းပြိုင် တစ်ကြောင်း ဆွဲ သူ့ကိုလဲမြှားခေါင်း တပ် ပါ့မယ် ။ 

သူ့ကိုတော့ မိမိ ခန္ဓာကိုယ်ကြီး လို့မှတ်ပါ မြှားခေါင်း တပ်ပြီးမျဉ်း ပြိုင် ဆွဲရတာ ကတော့ အချိန် ကာလ နဲ့ယှဉ်ပြီး သွား နေတယ် ။ မရပ်ဘူး ဆိုတဲ့သဘောပါ ။

ဘုရားရှင် က မျက်တောင် တစ်ခပ် ကာလလေးမှာ ရုပ်ဖက် က ကုဋေ ငါးထောင်ကျော်ဖြစ်ပျက် ချုပ်သွားကြ တယ် ။ လို့ဟောကြားခဲ့သလို ယနေ့ သိပ္ပံပညာ ကလည်း ကလပ်စည်းလေးတွေ ဟာ ကန်ရေပြင် မှာ မိုးစက် ကျ သလိုမျိုး အဆက်မပြတ်ပေါက်ကွဲ ပျက်စီးနေ တယ် ဆိုတာ သိထားကြပါပြီ ။

တရား ကျင့်သူများဟာလည်း ခန္ဓာကိုယ်ကြီးဖေါက် ပြန် ပျက်စီးနေတာကို တရား မှတ်ရင်းလက်တွေ့ သိနေကြ ပါပြီ ။ ဒါကြောင့် ခန္ဓာ ရဲ့ဖြစ်ပျက် ဟာ အချိန် နဲ့ယှဉ်ပြီး သွားနေတယ် ဆိုတာကို အလွယ် တစ်ကူမြင်ဖို့ ပါဘဲ ။ ဒါကို သဘောပေါက် လက်ခံရင် ရှေ့ဆက် ပါ့မယ် ။

မျဉ်းပြိုင်နှစ်ကြောင်း ကိုဖြတ်ပြီး အတည့် ဆင်းတဲ့ မျဉ်းတစ်ကြောင်း ကို ကျနော် ဆွဲပါတယ် ။ အဲ့ဒီ မျဉ်း ဟာ ခန္ဓာကိုယ်ပြင်ပက လာပြီး ထိခတ်တဲ့ အပြင်အာရုံခြောက်ခု ထဲက တစ်ခု လို့မှတ်ပါ ။
( အာရုံတွေ ဘယ်လောက်များများ စိတ် ကတော့ တစ်စိတ်သာပေါ်ပါ တယ်) အပြင်က လာတဲ့ မျဉ်း ခန္ဓာမျဉ်းကြောင်းကို ထိတဲ့နေရာမှာ အဝိုင်း သေးလေး တစ်ခု ဝိုင်းပါတယ် ။ အဲ့ဒိ အဝိုင်းလေး ဟာ သိသဘောပေါ် တဲ့နေ ရာလေးပါ ။

အာရုံ နဲ့ဒွါရ တိုက်ပြီး ခန္ဓာငါးပါးပေါ်ပါတယ် ။ အဲ့ဒိ ခန္ဓာ ငါးပါး ဟာလည်း အာရုံ ဒွါရ တိုက်တဲ့နေရာမှာ လာပေါ်ပြီး အဲ့ဒိနေရာမှာတင် တစ်ပေါင်းတည်း ဖြစ်သလို တစ်ပေါင်းတည်း ချုပ်ပါတယ် ။

အဲ့ဒိမှာ သိ သဘောလေးပေါ်ပါတယ် ။ အာရုံသိ ပါ ။ ဒါကို ဘုရားရှင် က ဘဝ လို့သတ်မှတ်ပါတယ် ။ ဖွားသေ ဘဝ ပါ ဖွားပြီးသေပါတယ် ။


အများသိသော မိခင်မွေးရာမှသည် သင်းချိုင်း မှာ ဆုံးသောဘဝ ကို မဆိုလို ပါဘူး ။
ဒီနေရာ မှာ အပိုင်း ၁ လို့ သဘောထားပြီး နားပါ့မယ် ။
 


စိတ်ဝင်စား သူရော အကြံပြုလိုကြတဲ့ဓမ္မ မိတ်ဆွေ များ comment.မှာ အကြံပြုနိုင်ကြပါတယ် ။
မှားရင်လည်းပြင်ပေးကြပါလို့တောင်းပန်ပါတယ် ။

အားလုံးအေးချမ်းကြပါစေ...
သူတော်ထုံးဖြင့် တရားနှလုံး သွင်းနိုင်ကြပါစေ ။

( ကို ဘေ အာ င် )


( သေမင်း မမြင်နိုင်သောတရား - ၂ )
==========================
ဒီနေရာမှာတော့ ကိုဘအောင် ပထမပိုင်း မှာ တင်ပြခဲ့တဲ့ အာရုံသိ နေရာလေးကို ဘဝ ဟုခေါ်ကြောင်း ထိုနေရာလေးကို ဖွားသေ ဘဝ ဟု ဆိုလိုကြောင်း ဆက်ပါ့မယ် ။


ခန္ဓာကိုယ်ကို ဖြတ်သော မျဉ်းအား ဆွဲလိုက်သောအခါ ထိုထိမှတ်နေရာလေး ကို အာရုံ ဒွါရ တိုက်ပြီး သိ သဘောပေါ်ပါသည် ။

အဆင်း နဲ့မျက်စိ အနံ့နဲ့နှာခေါင်း အသံ နဲ့နား စသဖြင့် တိုက်မိသော အခါ ထိုနေရာမှာ အာရုံသိ သဘောပေါ်ပြီးနောက် နှလုံး အိမ်တွင် မှီသော စိတ် သည် ထို အာရုံဒွါရ တိုက်သောနေရာ မှ သိသဘောကို ယူ၍ မူလနှလုံး အိမ် တွင် ထိုအာရုံကို ကျက်စား ပါသည် ။


ဘုရားရှင်ပေးတဲ့ဥပမာ က...........
ပင့်ကူ တစ်ကောင် ဟာ ကြိုးခြောက်ကြိုး သွယ်ထားပြီး အလယ် မှာနေတယ် ။ အစာဖြစ်တဲ့ပိုးကောင် မိရင် သွယ်ထားတဲ့ခြောက်ကြိုးက လှုပ်သွားတဲ့ကြိုး အတိုင်းသွားပြီး အစာ ကို ယူလာကာ မူလနေရာဖြစ် တဲ့ အလယ် မှာပြန် ကျက်စား သလိုပါဘဲလို့ စိတ် နဲ့အာရုံ ဒွါရ တိုက်တဲ့သိသဘောကို ရှင်းပြပါတယ်။


ဘုရားရှင် က အာရုံသိ ခန္ဓာ ငါးပါးသည် ဘဝ တစ်ခုလုံး၏ ဖွားသေ သူ့ကို ဘဝ ဟုခေါ်သည် ။ အာရုံ မသိဘဲ အိပ်ပျော်နေသော အချိန် ကိုဘုရားရှင် က ဘဝမြုံသည် ဟု အမိန့်ရှိပါသည် ။

 သေသောသူ သည် ခံစားစရာ နား မျက်စိ လျှာ ကိုယ် နှာခေါင်း များ ရှိသော် လည်းသူ့မှာ သိသဘော မပေါ်တော့ သဖြင့် ဘဝ မရှိ ဘဝ ဆုံးပြီ ဟု ဆို သည် ။

လူသေနှင့်တူသော အိပ်ပျော် နေသူကိုပင် ခံစားသိ မရှိသောကြောင့် ဘုရားရင် က ဘဝမြုံ သည်ဟု သုံးခဲ့သဖြင့် ဘုရားရှင် ဆိုလို သောဘဝ မှာ ကိုယ်လုံးကြီး ကို မဆိုလိုဘဲ ကိုဘအောင်ပြထားသော ခံစားသိနေရာလေးကို ဘဝဟု ဆိုလိုကြောင်းမြင်သာသွားပါပြီ ။

ထိုသို့ဆိုခြင်းကြောင့်ရှေ့တွင် ဆိုခဲ့သော ခန္ဓာငါးပါးပေါင်း အသိပေါ် ထို ခန္ဓာ ငါးပါး ကို ဘဝဟု ဆိုပါမည် ။
ထို့ကြောင့် မိုးကုတ် ဆရာတော်ကြီး က အာရုံဒွါရ က မွေးသော ခန္ဓာ ခွေး မဟောင် တဲ့ခန္ဓာ ဟုသုံးခဲ့ပြီး ထိုခန္ဓာ ကို ရှုခိုင်းခဲ့ခြင်းဖြစ်ပါသည် ။

ဘန္ဒေကရတ္တ သုတ် တွင် အတိတ်ခန္ဓာ ကိုလည်း အစဉ် မလိုက်ရာ အနာဂတ် ခန္ဓာ ကိုလည်းမတောင့်တရာ အတိတ် ခန္ဓာသည် ချုပ်ပြီးပြီ အနာဂတ် ခန္ဓာ သည်ရောက် မလာသေး ပစ္စုပ္ပန်ဖြစ်သော သဘောတရား ကို ထိုထိုဖြစ်ဆဲ ခဏ ၌ သာလျှင် ဝိပသ၁နာ ရှုသော ပုဂ္ဂိုလ် သည် တွန့်တိုခြင်း ပျက်ဆီးခြင်း မရှိသော ဝိပသ၁နာ ရှုမှုကို အဖန်ဖန် ပွားများရာ၏ ။ ဟု အလုပ်ပေးလမ်း ညွှန်ပါသည် ။

ထိုသို့ ဘုရားရှင် အလုပ်ပေးလမ်းညွှန်မှု အရ တရားရှုမှတ်သော သူသည် အချိန် ကာလ မျဉ်းကိုဖြတ်သော မျဉ်းဆုံသော အချိန် ( ထို အချိန်ကား ယခု လက်ရှိ အချိန်ဖြစ်သည်) ခန္ဓာ မျဉ်းကိုဖြတ်ချိန်ပေါ်သော အာရုံသိ ခန္ဓာငါးပါး တို့ရဲ့ဖြစ်ပျက် သဘောကို မဆုတ်မနစ် ပွားများ ရှုရန်ဖြစ်ပါသည် ။

အာရုံဒွါရ တိုက်ပြီး ခန္ဓာငါးပါးပေါ်ကာ ထိုနေရာ ၌ဖြစ်ပြီး ပျက်သွားသည်ကို သိရန် ရှုရန် လိုသဖြင့် ဆရာတော်ကြီး များ က ဝိပသ၁နာ ဆိုတာ ကိုယ့်အသေ ကိုယ်ရှု တာ ရှေ့ကဖြစ်ပျက် နောက် က မဂ် ဟုဟောပါသည် ။

ဒီနေရာမှာ အပိုင်း ၂ လို့ သဘောထားပြီးနားပါမည် ။
ဘဝဆက်ခြင်း နဲ့သံသရာ ကိုနောက် အပိုင်းမှာ ဆွေးနွေးကြပါမည် ။

သတ္တဝါမှန် သရွေ့ တရားတွေ့
ချမ်းမြေ့ သာယာရှိကြပါစေ................




( ကို ဘေ အာ င် )


No comments:

Post a Comment