မန္တလေး နန်းမြို့တော်ကို တည်ဆောက်ခဲ့သူ (သို့) ဗိသုကာ ပညာ ထူးချွန်လွန်းတဲ့ ပန်းပဲမင်းကြီး အကြောင်း

ပန်းဘဲမင်းကြီး သည် စိတ် ခက်ထန်၏။ မင်းယောက်ဖ၊ မိဖုရားမောင်က အစ အပြစ် ရှိလျှင် ရှိသလို ဆုံးမထုထောင်းသည်။ မင်း ကိုလည်း ရဲဝံ့စွာ လျှောက်တင်တတ်သည်။ ရာထူးမမက်၊ မဟုတ်မခံ သတ္တိရှိသည် ၊ ရဲရင့်သည်။ အပြစ်ရှိသူကို ရိုက်နှက် ဆုံးမလျှင် ၀င်ရောက် တားမြစ်ခြင်း မရှိ။ ကြည့်နေတတ်သည်။ အရိုက်ခံရသူပြေးလျှင် ချမ်းသာပေးသည်။ ထိုအခါမှ ရယ်မောတော့သည်။

ပန်းဘဲမင်းကြီး ၏ ငယ်မည်သည် ဦးမှို ဖြစ်သည်။ အင်းဝသား ဇာတိ မှူးရိုး မတ်ရိုးဖြစ်သည်။ ဘကြီးတော် လက်ထက်တွင် လက်သုံးတော်ကြီးကိုင် ရာထူးကို ရသည်။ စရွံမြို့ကို စားသည်။ ရွှေဘိုမင်း ပုဂံမင်းတို့ လက်ထက်တွင် ပန်းဘဲဝန်၊ အတွင်းဝန်ကြီး၊ သေနတ်ဝန်ကြီး၊ ဆောက်လုပ်ရေးဌာန ၀န်ကြီး စစ်ဝန်ကြီးတို့ အဖြစ် ဆောင်ရွက်ခဲ့သည်။ 

ပန်းဘဲမင်းကြီးသည် မန္တလေး နန်းတော် မြို့တော်ကို ဦးစီး တည်ဆောက်ခဲ့သည် ။ လုပ်သားပေါင်း မြောက် မြားစွာဖြင့် နန်းမြို့နေရာကို ခုတ်ထွင် ရှင်းလင်းသည်။ ပြကြီး၊ ပြငယ်၊ ကျုံးတော်၊ အုတ်မြို့ရိုး စသည်ဖြင့် ပိုင်းခြားရာတွင် ခြေလှမ်းကို အတိုင်းအတာ ထား၍ ငုတ်တိုင်စိုက်သည်။ 

နန်းမြို့တော်ကို မြင်းမိုရ်တောင် သဏ္ဌာန်နဲ့ ဖန်ဆင်း ဆောက်လုပ်သည်။ နန်းတော်ကို အမရပူရ နန်းတော်ပုံအတိုင်း ဆောက်သည်။ နန်းတော်ဟောင်း က အချို့ကို မန္တလေးနန်းတော်သစ်တွင် အသုံးပြုသည် ။ ခြေလှမ်းဖြင့် တိုင်းတာပြီး ပန္နက်ချ တွင်းတူးသည်။

နန်းတော် အထက်ဆင့်ရှိ ပြာသာဒ်၊ ထုပိကာ၊ စုလစ်မွမ်းချွန် တို့ကိုလည်း မျက်စိဖြင့် တိုင်းထွာ စီမံသည်။ ခန့် ခွဲ ဆောက်လုပ်စေသည်။ မင်းကြီးသည် မြေကြီးပေါ်မှာ ရပ်၍ မျက်စိ တစ်ဖက်မှိတ်ကာ အထက်ဆင့် ကို မော့ကြည့်သည်။ လက်နှင့် အတိုင်းအထွာ ပြုသည်။ အတိုအရှည် အပိုအလို တို့ကို မျက်စိဖြင့်ကြည့် မှန်းချက်အတိုင်း ညွှန်ကြားစေခိုင်းသည်။ 

သို့ဖြင့် ပုံစံကျ နန်းမြို့တော်ကြီး ဖြစ်လာသည်။ ပန်းဘဲမင်းကြီး ၏ အတိုင်း အထွာ အမှတ်အသား သည် သူ့ခြေနှင့် သူ့ မျက်စိတွင်သာ ထားသည်။ ခြေဖြင့် ထွာသည်။ မျက်စိဖြင့် ကြည့်မှန်း တိုင်းဆသည်။ သို့ဖြင့် လိုရာအတိုင်း မစောင်းမရွဲ့ အတိအကျ ရသည်။ 

တည်ဆဲ နန်းမြို့တော်နှင့် ကျုံး တို့သည် ပန်းဘဲမင်းကြီး၏ ခြေလှမ်း ကို တာဖွဲ့၍ တည်ခဲ့ခြင်းဖြစ်သည် ။ ဤနည်း အတိုင်း မြို့တွင်းတွင် ပြကွက် ချ၍ ရာထူးကြီးငယ် အလိုက် အကွက်ရိုက်ကာ ၀င်းတော် အိမ်တော်များကို ဆောက်လုပ်စေသည်။

အိမ်တော်ရာ ဘုရား၊ လောကမာရဇိန် စေတီ၊ မြောက်ပြင် စံကျောင်း သာသနာပိုင်တိုက် တို့ကို ပန်းဘဲ မင်းကြီး ပင်လျှင် စီမံဆောက်လုပ်သည် ။ ၁၂၃၃ ခုနှစ်တွင် ပန်းဘဲ မင်းကြီးသည် မင်းတုန်းမင်း ကိုယ်စား ရွှေ တိဂုံစေတီတော် ကို ထီးတော် တင်ရန် ရန်ကုန်မြို့သို့ ရောက်လာသည်။ 

ထိုအချိန်က ရန်ကုန်သည် အင်္ဂလိပ်လက်အောက်တွင် ရှိ၍ အင်္ဂလိပ်ကို ခွင့်တောင်းရသည်။ အင်္ဂလိပ် က ထီး တင်ရက်ကို တနင်္ဂနွေနေ့ ပေးသည်။ မင်းတုန်းမင်း က အင်္ဂါနေ့ ကို လိုချင်သည်။ ပန်းဘဲမင်းကြီးသည် တနင်္ဂနွေနေ့တွင် ထီးတော် မတင်ဖြစ်အောင် သူ့ အတတ်ပညာဖြင့် စီမံသည်။ အင်္ဂါနေ့ကျမှ ထီးတော် တင်

 ဖြစ်အောင် ဆောင်ရွက်ပေးသည်။

ပန်းဘဲမင်းကြီး ၏ ဦးနှောက် ထဲတွင် ပုံသေနည်း တို့ ရှိနေသည်လား မသိ။ စေတီ တည်လိုလျှင်၊ ကျောင်းဆောက်လိုလျှင်၊ ဖိနပ်တော် အဆောင်မည်မျှ ခင်းလျှင်၊ ဉာဏ်တော် မည်မျှ ပြာသာဒ်ဘုံ ဘယ်နှစ်ဆင့် ထား လျှင် ကျောင်းတိုင် အကွာအဝေး ဘယ်လောက် စသဖြင့် အသေးစိတ်ကို ပြောပြနိုင်၏။ 

သူ့တွင် စာရွက်ပြာ (Blue Print) အဆောက်အအုံ ပုံစံ မရှိ။ အတိုင်းအထွာ ကိရိယာ မရှိ။ စိတ်မှတ် ပညာဖြင့် နှုတ်က အလျင်အမြန် ပြောပြနိုင်ခြင်းဖြစ်၏။ ပုံသေနည်း အတိုင်း နှုတ်တိုက် ရနေလို့သာ ပြောပြနိုင်ခြင်း ဖြစ်သည်ဟု ယူဆရ၏။ အတိုင်းအထွာ ကိရိယာပစ္စည်း ပုံသေနည်း သက်သေခံ တို့ မကျန်၍ မြန်မာ လူမျိုးတို့ ညံ့ဖျင်းသည်ဟု ပြောလိုလျှင် သက်သေပြစရာ များကား များလှသည်။ မန်းနန်းမြို့ အပါအ၀င် တစ်နိုင်ငံလုံးရှိ ဘုရားဂူကျောင်း တန်ဆောင်း ပြာသာဒ် တို့ကိုကြည့်လျှင် သိနိုင်တော့၏။

မှော်ဘီ ဆရာသိန်းကြီး သည် မြန်မာမှု အမျိုးသား ပညာရှိ တစ်ဦးဖြစ်၏။ မြန်မာမှု ရှေးဟောင်းနှောင်းဖြစ်တို့ကို လေ့လာလိုက်စားသည်။ သိသမျှကို စိစစ် ဖော်ထုတ်သည်။ ပန်းဘဲမင်းကြီး စာတမ်းငယ် (essay) သည် မှော်ဘီဆရာသိန်း စုဆောင်း ထားသော အတ္ထုပ္ပတ္ထိ တစ်ခု ဖြစ်၏။ မြန်မာ တို့၏ အတတ်ပညာ စွမ်း ရည် ကို ဖော်ထုတ်ပြသသည်။

 မြန်မာတို့ အပေါ် အထင်သေးသူတို့ကို စိန်ခေါ်သည်။ အားရနှစ်သက်ဖွယ် လှုပ်ရှား တက်ကြွဖွယ် ကောင်းသည်။ အတတ်ပညာ ဟူသည် ဘယ်ပုံ ဘယ်နည်း တတ်သည်က အရေးကြီးသည် မဟုတ်ပေ။ ထိုအတတ်ပညာကို ဘယ်ပုံဘယ်နည်း အသုံးကျအောင် အသုံးချခြင်းသည်သာလျှင် အရေးကြီးပေသည်။ 

ဤသည်ကို ပန်းဘဲမင်းကြီး ၏ စွမ်းဆောင်မှု သက်သေခံ တို့ဖြင့် မယုံသူတို့ကို မှော်ဘီ ဆရာသိန်းကြီး က စိန်ခေါ်လိုက်ခြင်း ဖြစ်သည်။ ပန်းဘဲမင်းကြီးသည် အတတ်ပညာ ရှိ၏။ သူ့ အတတ်ပညာသည် သူ၏ လျှို့  ၀ှက်ချက် ပင်ဖြစ်၏။ သို့သော် သူ့ အတတ်ပညာ၏ အသုံးချမှု တို့ကိုကား လျှို့ဝှက်ထား၍ မရ။ မြင်နေတွေ့နေရ၍ မယုံ စရာကား မရှိပေ။

ပန်းဘဲမင်းကြီး၏ ဤ စာတမ်းငယ်သည် သုတ ပညာကို ပေးသလို ရသ ခံစားမှုကိုလည်း ပေါင်းစပ် ဖွဲ့စည်း ပေးသည်။ မြန်မာ တို့၏ ဗိသုကာ အတတ်ပညာကို ပန်းဘဲမင်းကြီး၏ ထုဆစ် သွန်းလုပ် အားထုတ် တည်ဆောက်မှု တို့ကြောင့် အံ့သြရသည်။ ဂုဏ်ယူရသည်။ 

အလျှံမစဲ ပီတိဖြာဝေရသည်။ ထိုမျှ မက ပန်းဘဲ မင်းကြီး ဖန်တီး စွမ်းဆောင်ပေးခဲ့သည့် ကုံလုံကြွယ်ဝသော မြန်မာ့အလှတို့ကိုလည်း စွဲလမ်းနှောင်ဖွဲ့စွာပင် ယနေ့ထက်တိုင် ရှုမြင်တွေ့မြင် နေနိုင်ပေသည်။

Saw Thi Ha