မျောလွင့်သွားတဲ့ " ရိုးသားဖြောင့်မတ်ခြင်း "

"တော်ထက်" တဲ့ လူတစ်ယောက်က
" ရိုးသားဖြောင့်မတ်ခြင်း " ကို
ရေထဲ လွှတ်ချ စွန့်ပစ်ခဲ့တယ်။

"ရိုးသားဖြောင့်မတ်ခြင်း" ဟာ
ကူးရင်း ခတ်ရင်း ကျွန်းငယ်လေး
တစ်ခုပေါ် ရောက်လာခဲ့တယ်။

"ရိုးသားဖြောင့်မတ်ခြင်း" ဟာ
သဲသောင်ပြင်မှာ အနားယူရင်း
တစ်ယောက်ယောက် လာရင်
အကူအညီတောင်းဖို့ စောင့်နေခဲ့တယ်။

တစ်အောင့်ကြာတော့ အဝေးကနေ
သီချင်းသံ တစ်သံ လွင့်လာတာကို
သူကြားလိုက်မိတယ်။

သူ ချက်ချင်းထရပ်ပြီး
အသံလာရာဆီကြည့်လိုက်တော့
လှေငယ်လေး တစ်စီး သူ့ဘက်ကို
ဦးတည်ပြီး လှော်ခတ်လာတာကို တွေ့လိုက်တယ်။

လှေရဲ့အလံပေါ်မှာ"ပျော်ရွှင်ခြင်း"လို့
ရေးထားတာကို တွေ့တော့
"ရိုးသားဖြောင့်မတ်ခြင်း " က
လှမ်းအော်တယ်။

"ပျော်ရွှင်ခြင်းရေ... ပျော်ရွှင်ခြင်းရေ..
ငါ ရိုးဖြောင့်ခြင်းပါ။ ငါ့ကို လှေကြုံ စီးခွင့်ပြုပါ"

"ရိုးဖြောင့်ခြင်း" အကူ အညီတောင်းတာကို
"ပျော်ရွှင်ခြင်း"ကကြားတော့ ရယ်ပြီး ...

"ဟား.. ဘယ်ဖြစ်မလဲ၊
ရိုးသားဖြောင့်မတ်ခြင်း ရှိရင်
ငါဘယ်ပျော်တော့မလဲ။ ဒီလောကမှာ
ကြည့်စမ်း.. အမှန်တရားတွေပြောလို့
မပျော်ရွှင်ရတဲ့ လူတွေ အများကြီး။
ဆောရီးပဲ.. နင့်ကိုငါ မကယ်နိုင်ဘူး"

ပြောပြော ဆိုဆို
"ပျော်ရွှင်ခြင်း" ထွက်သွားခဲ့တယ်။
ပျော်ရွှင်ခြင်း ထွက်သွားတော့
"နေရာ" ဆိုသူရောက်လာပြန်တယ်။
နေရာကိုတွေ့တော့ ရိုးဖြောင့်ခြင်းက

"နေရာ.. နေရာ.. ငါ ရိုးဖြောင့်ခြင်းပါ။
ငါ့ကို နင့်လှေနဲ့ အတူ ကမ်းကပ်ခွင့်ပေးပါ"
လို့တောင်းဆိုပြန်တယ်။

နေရာက လှေကို အဝေးကြီးလှော်သွားပြီး...
"မဖြစ်ဘူး.. မဖြစ်ဘူး.. နင့်ကို
ငါ့လှေပေါ် မတင်နိုင်ဘူး။ အခုလို ငါ့နေရာရဖို့
မလွယ်ခဲ့ဘူး။ နင့်ကိုသာခေါ်သွားရင်
ငါ့နေရာတောင် ငါထိန်းထားနိုင်မှာ
မဟုတ်ဘူး" လို့ဆိုခဲ့တယ်။

ရိုးဖြောင့်ခြင်းဟာ စိတ်ပျက် လက်ပျက်နဲ့
နေရာရဲ့နောက်ကျောကို ငေးကြည့်နေခဲ့တယ်။

သူ့ရဲ့အကြည့်မှာလည်း နားမလည်မှု၊
တွေဝေမှုတွေ ရောယှက်နေခဲ့တယ်။
ဒီလိုနဲ့ သူဆက်စောင့်နေခဲ့တယ်။

တစ်အောင့်ကြာတော့
စည်းချက်မညီတဲ့ အသံနဲ့အတူ
"ယှဉ်ပြိုင်ခြင်း" ရောက်လာခဲ့တယ်။
ရိုးဖြောင့်ခြင်းက ဝမ်းသာအားရ ခေါ်တယ်။

"ယှဉ်ပြိုင်ခြင်းရေ.. ယှဉ်ပြိုင်ခြင်း..
နင့်လှေနဲ့အတူ ငါလိုက်ခဲ့လို့ရမလား"

"မင်း ဘယ်သူလဲ။ မင်းက ငါတို့အတွက်
ဘယ်လောက် အကျိုးအမြတ်ပေးနိုင်မှာလဲ"
လို့ ယှဉ်ပြိုင်ခြင်းက ပြန်မေးတယ်။

သူ မကောင်းလည်း ကိုယ်ကောင်းပါ

❖ မြတ်စွာဘုရားက . . . လောကမှာတဲ့ ....

❖ တစ်ချို့လူတွေက . . .
ကိုယ့်အပေါ်မှာ ပတ်ဝန်းကျင်က ကောင်းလို့  ကိုယ်ကကောင်းနေတာ ။
ဆိုလိုတာက သူများတွေက တော်နေလို့ ကောင်းနေတဲ့  သူတော်ကောင်း ဖြစ်နေရတာ။

❖ တစ်ချို့ကျတော့ . . .
ကိုယ့်ပတ်ဝန်းကျင်က သိပ်ကောင်းတယ်လေ။
ပတ်ဝန်းကျင်က ကိုယ့် အလိုအတိုင်းပြည့်နေတော့  သဘောကောင်းလိုက်တာ။
ပတ်ဝန်းကျင် အဆိုးနဲ့ တွေ့ရတဲ့အခါမှာ . . သဘောကောင်းသလား၊ မကောင်းဘူးလား?
ဆိုတာကို ဆုံးဖြတ်ကြည့်ရမယ်။

❖ တစ်ချို့ကျတော့လည်း . . .
တစ်စုံတစ်ခုရပြီးတော့ ဦးစားပေးခံနေရလို့ သဘောကောင်းနေတာလည်းရှိသေးတယ်။
ဦးစားပေးခံရလို့ သဘောကောင်းနေတာမျိုးဟာလည်း ရှိတတ်ပါတယ်။

❖ အဲဒီလို ပုဂ္ဂိုလ်မျိုးဟာ တစ်ကယ်သဘောကောင်းတာမျိုး မဟုတ်ပါဘူး။
ပတ်ဝန်းကျင်ကောင်းနေတာကြောင့်ဆိုရင် တစ်ကယ် ယဉ်ကျေးတဲ့ ပုဂ္ဂိုလ်မျိုး မဟုတ်ဘူး။
" နိဝါတ" ဘယ်တော့မှ စိတ်မဆိုးတဲ့ ပုဂ္ဂိုလ်မျိုး မဟုတ်ဘူး။
" ဥပသန္တ" စိတ်နှလုံးငြိမ်းအေးတဲ့ ပုဂ္ဂိုလ်မျိုး မဟုတ်ဘူး။ 

❖ ငါဟာ တစ်ကယ် သဘောကောင်းတဲ့သူလား ?
ပတ်ဝန်းကျင်ကောင်းလို့ ကောင်းတာ၊ စိတ်မဆိုးတတ်တာလား ?
စိတ်ဆိုးစရာမရှိလို့ စိတ်မဆိုးတာလား ?
စိတ်ဆိုးစရာတွေ့ရင် စိတ်ဆိုးမှာပါလား ?

အဆင့် အတန်း မရှိသူများ၏ လက္ခဏာ

၁။ စကားကို လိမ်ညာ ပြောတတ်ခြင်း .. ။

၂။ လိုတစ်မျိုး မလိုတစ်မျိုး ပြောတတ်ခြင်း .. ။

၃။ အခုတစ်မျိုး နောက်တစ်မျိုး ပြောတတ်ခြင်း .. ။

၎။ ကိုယ့်တစ်ဖက်ထဲ ကြည့်၍ ပြောတတ်ခြင်း .. ။

၅။ ငြင်းခုံ၍ အမှားများကို ပြောတတ်ခြင်း .. ။

၆။ မရှိဘဲ ကြွားဝါ၍ ပြောတတ်ခြင်း .. ။

၇။ ရိုင်းစိုင်းစွာ ဆဲဆို ပြောတတ်ခြင်း .. ။

၈။ ကိုယ့် ကိစ္စကို တာဝန် မယူခြင်း .. ။

၉။ ကတိသစ္စာ မတည်ခြင်း .. ။

၁၀။ အမှန်တရားကို လက်မခံခြင်း .. ။

၁၁။ ကိုယ့်အမှားကို ၀န်မခံခြင်း .. ။

၁၂။ ဘာသာတရားကို လေးစားမှု မရှိခြင်း .. ။

၁၃။ အမှန် အမှားကို ခွဲခြား မသိခြင်း .. ။

ဘုရားဂုဏ်တော် ရွတ်ဖတ် ပူဇော်ခြင်းအကျိုး

ပုထုဇဉ် လူသား အပေါင်း တို့သည် နေ့စဉ်နှင့် အမျှ စား၊ ဝတ်၊ နေ၊ ရေး အရေးကြီး သုံးပါး ကို ဆောင်ရွက်နေကြ၏။ ဉာဏ လုပ်သားများ ကလည်း ဉာဏ အလျှောက် ကာယ လုပ်သားများကလည်း ကာယ အလျှောက် လုပ်ကိုင်နေထိုင်ကြရ၏။

ထို အလုပ်ခွင်တွင် ကာယ လုပ်သားပဲဖြစ်ဖြစ်၊ ဉာဏ လုပ်သားပဲဖြစ်ဖြစ်၊ အကုသိုလ် စိတ်ရိုင်းများ မဝင်စေရန် ဗုဒ္ဓဂုဏ်တော် တစ်ခုခုကို စိတ်ထဲမှာ ပွားနေလျှင် ကုသိုလ်စိတ်တွေဖြစ်ပြီး အလွန် အကျိုးထူးများရရှိပါ၏။ စာရေးသူ၏ တူမလေး ကျောင်းဆရာမလေးခေါ် အေးကျော့ သည် စာသင်ခန်းထဲမှာပဲဖြစ်ဖြစ်၊ အနားယူ ခန်းမှာပဲဖြစ်ဖြစ် ဗုဒ္ဓ၏ အရဟံ ဂုဏ်တော်ကိုပဲ အမြဲ ပွားများနေတတ်၏။

ယင်း အကျိုးကျေးဇူးကြောင့် အိမ်ထောင်ကျသော အခါမှာလည်း သူတော်ကောင်း တရားကို လက်ကိုင်ထားသူ အများအကျိုးကိုဆောင်ရွက်တတ်သူ ပညာရေးမှူး တစ်ဦးဖြင့် အိမ်ထောင်ကျခဲ့ရ၏။

အိမ်ထောင်ကျပြီးတော့ သားကောင်း ရတနာ (၃) ဦးကို ရရှိခဲ့ပြန်၏။ အကြီးဆုံးသော သားရတနာက ဝိဇ္ဇာဘွဲ့နှင့် ဓမ္မစရိယ တန်းအောင်မြင်ပြီး ပရိယတ္တိစာသင်တိုက်ကြီး တစ်တိုက်မှာ ပဓာန၊ နာယက ဆရာတော်တစ်ပါး ဖြစ်နေ၏။

သားလတ် မှာ တပ်မတော် တွင် ဗိုလ်ကြီးအဆင့် ရာထူးဖြင့် အမှူထမ်းဆောင်နေ ပါ၏။ သားငယ် ကတော့ အိမ်ထောင်မပြုပဲ မိခင်ကြီးကို စောင့်ရှောက်ပြုစုနေပါ၏။ ဤကား မြတ်ဗုဒ္ဓ၏ အရဟံ ဂုဏ်တော် တစ်ပါးပင် ဖြစ်ပါသေး၏။ မြတ် ဗုဒ္ဓ၏ ဂုဏ်တော်တစ်ပါးစီကို ပွားရသော အကျိုးကျေးဇူးများကို ဖော်ပြပါမည်။

၁။ အရဟံ ဂုဏ်တော် ပွားလျှင်၊ ဘေးရန်ကင်းကျန်းမာ၏၊ လာဘ်လာပေါများ၏၊ နေရာထိုင်ခင်းကောင်းကောင်း နေထိုင်ရ၏။

၂။ သမ္မာသမ္ဗုဒ္ဓေါ ဂုဏ်တော်ကို ပွားများလျှင်၊ စိတ်ရွှင်လန်း၏၊ ဉာဏ်ပွင့်လင်း၏၊ စာမေးပွဲတွေ လွယ်လွယ်ကူကူအောင်မြင်၏။

၃။ ဝိဇ္ဇာစရဏသမ္ပန္နာ ဂုဏ်တော် ပွားလျှင်၊ ဝိဇ္ဇာပညာဖြင့် အသက်မွေးရ၏၊ ပြိုင်ဘက်မရှိ တတ်မြောက်ကျွမ်းကျင်ရ၏။

၎။ သုဂတော ဂုဏ်တော် ပွားလျှင်၊ စကားစစ်ထိုးနိုင်၏၊ အမှုအခင်းနိုင်၏၊ အရောင်း အဝယ်ကောင်း ၏၊ အရေးကြီး ကိစ္စပြောဆိုအောင်မြင်၏။

၅။ လောကဝိဒူ ဂုဏ်တော်ကို ပွားလျှင်၊ လောကရေး၊ လူမှုရေး အဖြာဖြာတို့ကို ရှင်း ရှင်း လင်းလင်း ပိုင်ပိုင်နိုင်နိုင်သိ၏။

၆။ အနုတ္တရော ဂုဏ်တော်ကို ပွားလျှင်၊ လူ၊ နတ်တို့၏ အလယ်တွင်ကျော်ဇော၏၊ လူတစ်ကာ ချစ်ခင်ခြင်း လေးစားခြင်းကိုခံရ၏။

၇။ သတ္တာဒေဝမနုဿ နံ ဂုဏ်တော်ကို ပွားလျှင်၊ နှုတ်စ၊ လျှာစ ထက်မြက်ရ၏၊ ဆိုတိုင်းရ၏၊ ပြောတိုင်းအောင်၏၊ ကြံတိုင်းပြီးမြောက်ရ၏။ (စိတ္တဇ၊ ဝေဒနာရှင်များကို ဤ ဂုဏ်တော်ကိုရွှတ်ပြီး ရေမန်းထုတ်လျှင် ပျောက်ကင်းရ၏။)

၈။ ဗုဒ္ဓေါ ဂုဏ်တော်ကို ပွားလျှင်၊ ဘေးဆိုး၊ ရန်ဆိုး၊ ကြမ္မာဆိုး၊ အမျိုးမျိုး မှ လွတ်ကင်း၍၊ ချမ်းသာခြင်း အမျိုးမျိုးနှင့်ပြည့်စုံရ၏။

၉။ ဘဂဝါ ဂုဏ်တော် ကို ပွားလျှင်၊ ဘုန်းတန်ခိုးကြီး၏၊ တေဇော် အနုဘော်ကြီး ၏၊ မိမိပြောသမျှ၊ ဟောသမျှ၊ အောင်မြင်ရ၏။

ဗုဒ္ဓဘုရားရှင်လက်ထက်တော်က “သုဘူတိ” အမည် ရှိသော ရဟန်း မထေရ် တစ်ပါး ရှိခဲ့၏။ ထိုမထေရ် ဘဝ တစ်ခုတွင် ဗုဒ္ဓ၏ ဂုဏ်တော်များကို အမြဲမပြတ် ရွတ်ဖတ်ခဲ့၏။ ထိုဗုဒ္ဓါနုဿ တိ ဘာဝနာ ကုသိုလ်ကြောင့် ကမ္ဘာပေါင်းများစွာ အပါယ်တံခါး ပိတ်၍၊ နတ်သားဘဝ အကြိမ်သုံးသောင်း ဖြစ်ခဲ့ရ၏။ သိကြားမင်းဘဝ အကြိမ် (၈၀) ဖြစ်ခဲ့ရ၏။

စကြာမင်း အဖြစ် အကြိမ် တစ်ထောင် ဖြစ်ခဲ့ရ၏။ ရိုးရိုး ပဒေသရာဇ်၊ ဧကရာဇ် မင်း အဖြစ်ကား မရေမတွက်နိုင်အောင် ဖြစ်ခဲ့ရ၏။ ဖြစ်လေရာဘဝတိုင်း စည်းစိမ်ဥစ္စာများ၏။ လျှော့ပါးခြင်းမရှိ။ ယခုနောက်ဆုံး ဂေါတမဗုဒ္ဓဘုရားရှင် လက်ထက်တော်တွင် ထိုမထေရ်သည် အဘိညာဉ်နှင့် ဈာန်ဝင်စားသောအရာတွင် အမြတ် ဆုံး ဧတဒက်ဘွဲ့ကို ရရှိ၏။ ရဟန္တာ မထေရ်မြတ်ကြီးဖြစ်ပြီး နိဗ္ဗာန်အငြိမ်း ဓာတ်ကြီးသို့ အပြီးတိုင် စံဝင်သွားတော်မူပါတော့၏။

ဂုဏ်တော် ပွားရခြင်း အကျိုးကျေးဇူးများက များပြားလှ၏။ အကျိုး (၁၇) မျိုးကို ပွားများသူတိုင်း ရရှိပါ၏။

၁။ မိမိ ခန္ဓာကိုယ် အတွင်းသန္တာန်သည်၊ စေတီအိမ်နှင့် တူသည်ဖြစ်၍ သူတစ်ပါးတို့၏ ပူဇော်မှု လေးစားမှုကို ခံယူရ၏။

တက္ကနိုလိုဂျီ နှင့် မြန်မာပြည်

၂၀၁၇ ခုနှစ် ဇန်နဝါရီ လကုန်ပိုင်းမှာ အမျိုးသား ဇာတ်ရုံမှာ ပြုလုပ်တဲ့ နိုဘယ်စာ ပေ ပွဲတော်မှာ ကိုဘသစ် နဲ့ တွေ့ဆုံခဲ့ပါ တယ်။ ကျွန်တော်တို့နှစ်ယောက်ထုံးစံ အ တိုင်း လက်ဖက်ရည်ဆိုင်ဝင်ကာ စကား တွေ ဖောင်ဖွဲ့တော့တာပါပဲ။

‘ကိုဘသစ် ပြီးခဲ့တဲ့လက ရန်ကုန် နည်းပညာတက္ကသိုလ် (YIT)က ကျောင်း သားတွေ ကန်တော့တယ်ဆို” “ဟုတ်တယ်ဗျ။ ကျွန်တော်က အဲဒီ မှာ ရှစ်နှစ်လောက် ဆရာလုပ်ဖူးတယ်ဗျ။ ခင်ဗျား နည်းပညာတက္ကသိုလ်လို့ ပြော တော့ ကျွန်တော် ရုတ်တရက်ကြောင်သွား တယ်”

‘ဘာဖြစ်လို့လဲ’

“ကျွန်တော်တို့ ကတော့ အဲဒီ တက္ကသိုလ်ကို ရန်ကုန်စက်မှုတက္ကသိုလ် (RIT) လို့ပဲခေါ်တာနှုတ်ကျိုးနေတယ် ။ ဆရာတွေ ကော ကျောင်းသားတွေကော အများကြီး လာကြတယ်။ တက္ကသိုလ်ဝင်း တစ်ခုလုံး ပြည့်လျှံသွားတာပါပဲ။ ပျော်စရာကြီးပါပဲ”

“ကောင်းဗျာ ကျွန်တော်တို့နိုင်ငံက တော့ ဆရာတွေကို ကန်တော့တဲ့အစဉ်အ လာထိန်းသိမ်းတာ အင်မတန်ကောင်း တယ်။ ဒါနဲ့ယနေ့မှာ တက္ကနိုလိုဂျီ (Technology)ကို နည်းပညာလို့ ဘာသာပြန် ထားပါတယ် မဟုတ်လား”

“ ဟုတ်ပါတယ်။ အရင်ကတော့ တက္ကနိုလိုဂျီ (Technology) ကို စက်မှု လို့ ဘာသာပြန်ခဲ့ပါတယ်။ အမှန်တော့ စကား လုံးလေးတွေကို အငြင်းပွားမနေဖို့တော့ လိုပါတယ်။ အရင်ကတော့ စက်မှုထွန်း ကားတယ်ဆိုပြီး တက္ကနိုလိုဂျီတွေ တိုး တက်တာကို ပြောတာပါ။ ကမ္ဘာကြီးဟာ စက်မှုထွန်းကားပြီး တိုးတက်လာတယ်ဆို တာကို သဘောပေါက်ကြပါလိမ့်မယ်”

“ဟုတ်ကဲ့ ကိုဘသစ်၊ ကျောက်ခေတ် လူသားတွေဟာ မီး ကို စတင်တွေ့ပြီးတဲ့ နောက် ရွာတွေ တည်ဆောက်နေထိုင်လာ ကြတယ်။ အဲဒီမှာပဲ ကြေး နဲ့သံကို အသုံး ပြုတတ်လာတယ်။ နည်းပညာစတင်ထွန်း ကားလာတာပေါ့ဟုတ်လား”

“မှန်ပါတယ်။ ဒါပေမဲ့ အဲဒီပစ္စည်း တွေကို အသုံးအဆောင်တွေ လုပ်ကြသ လို လက်နက်တွေလည်းလုပ်ကာ တစ်ဦး နဲ့ တစ်ဦးစစ်ပြုတာတွေရှိခဲ့ပါတယ်။ လက် နက်ကောင်းရင် ကောင်းသလို တစ်ဖက် သားကိုအနိုင်ရတာကြောင့် လက်နက်လုပ် တဲ့စက်မှုအတတ်တွေ နည်းပညာတွေဟာ ကမ္ဘာ့မှာ အတိုးတက်ဆုံး ဖြစ်လာခဲ့ပါတယ်။”

ကိုဘသစ် က စစ်ပွဲတွေကို အမြဲအ ပြစ်တင်တတ်သူ ဖြစ်တယ်။
“ကျည်ဆန်တစ်တောင့် ဟာ လူတစ် ယောက်ကို ထမင်း တစ်နပ် ကျွေးလို့ရ တယ် ။ ဒီ ကျည်ဆန်ဆိုတာ ကျွန်တော် တို့ လူသားတွေ ရဲ့ သယံဇာတ အရင်းအမြစ် တွေ”

‘လူတွေက လောဘတွေကြီးကြ တာကိုး’ “အတ္တတွေကြီးတာဗျ။ အမေရိကန် ပြည်ထောင်စုမှာ ခုမှတက်လာတဲ့ သမ္မတ ဒေါ်နယ်ထရမ့်ကလည်း အမေရိကန်ပထမ (American First) ဆိုပြီး ကြွေး ကြော်တယ်။ တရုတ်ကလည်း တောင်တ ရုတ်ပင်လယ်မှာရှိတဲ့ ကျွန်းတွေအားလုံး ဟာ သူပိုင်တယ်လို့ ကြေညာတယ်”

ဘာကြောင့် မောက်မာ
************************
တစ်ကယ်တော့ နိုင်ငံကြီးများဟာ အ တော်လေးမောက်မာနေကြတာကို တွေ့ နေရတယ်။ ‘ဘာကြောင့် ဒီလိုမောက်မာနေကြ တာလဲ ကိုဘသစ်’

“ချမ်းသာကြတာပါတယ်။ တက္ကနို လိုဂျီတွေ သူတို့မှာ ရှိတယ်။ သူတို့ က ကမ္ဘာ ကြီး ကို အမျိုးမျိုး ကစားလို့ရတယ်။ ကျွန် တော်က ချမ်းသာတဲ့သူတွေ အကြောင်းနဲ့ သူတို့ရဲ့ဂိမ်းတွေကိုပြောခဲ့တယ်လေ။ မှတ် မိတယ် မဟုတ်လား”

“ကျွန်တော် မှတ်မိပါတယ်။ အမေရိ ကန်က ချမ်းသာသူ ခြောက်ယောက်၊ မက္က ဆီကိုက တစ်ယောက်နဲ့ စပိန်က သူဌေး တစ်ယောက်၊ စုစုပေါင်းရှစ်ယောက်ရဲ့ပိုင် ဆိုင်မှုဟာ ကမ္ဘာ့ လူဦးရေ ထက်ဝက် ၃.၆ ဘီလျံရဲ့ ပိုင်ဆိုင်မှုတွေနဲ့ ညီတယ်ဆိုတာ”

မလေးရှားနိုင်ငံ ၏ သမိုင်းဖြစ်ရပ်များနှင့် မလေးရှားရောက် ဗုဒ္ဓ သာသနာတော် သမိုင်း

မလ္လာယုနိုင်ငံတော် မလေးရှားနိုင်ငံ သည် အရှတိုက် ၏ အရှေ့တောင်ဘက် အစွန်းထိပ်နှင့် ဘော်နီယိုခေါ် ကာလီမာတန်ကျွန်း ၏ မြောက်ဘက်တွင် တည်ရှိပြီး၊ မလေးရှားနိုင်ငံ ၏ မြောက်ဘက်တွင် ထိုင်းနိုင်ငံနှင့် တောင် ဘက်ခြမ်းတွင် အင်ဒိုးနီးရှားနိုင်ငံတို့နှင့် နယ်နိမိတ်ချင်း စပ်ဆက်လျှက် တည်ရှိပါသည်။ 

မလေးနိုင်ငံ ၏ အကျယ်အ၀န်း မှာ ပျမ်းမျှ စတုရန်းမိုင် (၁၂၇၃၁၆) ကျယ်ဝန်းပြီး နိုင်ငံ၏မြို့တော်မှာ “ကွာလာလမ်ပူ” ဖြစ်ပါသည်။ ၁၉၉၂ ခုနှစ် ဇူလိုင်လ တွင် ကောက်ခံထားသည့် မှတ်တမ်း များအရ လူဦးရေမှာ ၂၂.၂ သန်းခန့် ရှိပါသည်။ 

မလေးရှားနိုင်ငံ၏ နောက်ခံ သမိုင်း ရာဇ၀င်မှာ တရုပ်နွယ်များ မှ ဆင်းသက် လာကြခြင်းဖြစ်ကြောင်း လေ့လာတွေ့ရှိရပါသည်။ B.C,1500,2000 ခန့်တွင် တရုတ် ပြည်၊ ယူနန်ပြည်နယ် အတွင်း မှ မွန်ဂိုနွယ်ဖွား တရုပ် များသည် မလေးကျွန်းဆွယ် ရှိ ကျွန်းစုများသို့ရောက်ရှိ အခြေချခဲ့သည်မှ မလေးနိုင်ငံသည် စတင် ခဲ့ခြင်းဖြစ် သည်။ ထို မွန်ဂို တရုပ် များသည် မလေးကျွန်းစွယ် ကို မလက္ကာမြို့ပြ တည်ထောင်၍ အုပ်ချုပ်ခဲ့ကြလေသည်။

ထိုသို့ မလက္ကာမြိုပြ တည်ထောင်၍ အုပ်ချုပ်ခဲ့ ကြသည့် ဘုရင် တို့အားလည်း (မလက္ကာ ဘုရင်) များဟုသာ ခေါ်ဆိုခဲ့ကြပါသည်။ ထို အချိန်ကာလတွင် မလေးကျွန်းစွယ် ကို မလေးရှားနိုင်ငံဟု အမည်တွင် သ မှတ်ခဲ့ခြင်း မလေးရှား မတွင်းသေးပေ။ (Melayu)“မလ္လာယုနိုင်ငံတော်” ဟုသာ အမည်တွင်ခဲ့ကြပါသည်။ မလ္လာယုနိုင်ငံခေါ် မလေးရှားနိုင်ငံသို့ ဗုဒ္ဓ သာသနာတော်သည် B.C,309 ဘုရားရှင်တော်မြတ် ပရိနိဗ္ဗာန် စံလွန်တော်မူပြီးနောက် နှစ်ပေါင်း (၂၅၀) ခန့် အကြာ တတိယ သင်္ဂါယနာ တင်ပြီး ချိန်မှ စတင်၍ရောက်ရှိခဲ့ပြီး ထိုမလေးကျွန်းစွယ် ကိုလည်း သုဝဏ္ဏ ဘူမိဒေသတွင် ပါဝင်ကြောင်းကို ပညာရှင်တို့က ယူဆကြပါသည်။ 

တိကျ ခိုင်လုံသော သမိုင်း အထောက်အထားများ အရ မလေးရှားနိုင်ငံတွင် သာသနာနှစ်(၉၀၀)နှင့် (၁၀၀၀) အတွင်း ခရစ်နှစ် ၄-ရာစုနှင့် ၅-ရာစုတွင်း အိန္ဒိယ ၌ အသုံးပြုသော သက္ကတ္တ ဘာသာဖြင့် ရေးထိုး ထားသော ဗုဒ္ဓ ဘာသာကျမ်းစာ ကျောက်ချပ် များစွာ တို့ကို မလေးရှားနိုင်ငံ အနှံ့တွင် တွေ့ရှိခဲ့ရပါသည်။ 

ထို့အပြင် အဘိဓမ္မာ ကျမ်းမှ ဂါထာတော် သုံးပုဒ်အား ရေးထိုးထားသည့် ရွှံ့အုတ်ချပ် ကိုလည်း တွေ့ရှိရပြီး၊ အုတ်ကျောင်းတိုက် ၃-တိုက်နှင့် စေတီတော် (၅) ဆူ ကို ဘုရင်နှင့် သံဃာတော်များကြီးမှုး၍ ပြည်သူ၊ ပြည်သား၊ ဒကာ၊ ဒကာမအများ စုပေါင်းကာ လှုဒါန်းကာ တည်ဆောက်ထားခဲ့ကြကြောင်း ရေးထိုးထားသည့် ကမ္ဗည်းမော်ကွန်းကိုလည်းတွေ့ရှိခဲ့ကြပါသည်။ 

နခွန်ရှရီ ဓမ္မရာဇ် ခေါ် နခွန်ရှရီ တမ္မရတ် ဘွဲ့တော် ရှိသည့် စေတီတော်ကြီး ကိုလည်းတွေ့ ရှိရသဖြင့် ခရစ်နှစ် (၅) ရာစု ခန့်ကပင် မလေးရှားနိုင်ငံ၌ ဗုဒ္ဓ သာသနာတော်ရောက်ရှိ ပြန့်ပွားနေပြီး နေလို လလို ထွန်းပ ခဲ့ကြောင်း သိရှိရပေသည်။ ရှေ့းအခေါ် (သီရိဝိဇယနိုင်ငံ) ယခု (အင်ဒိုနီးရှား)နိုင်ငံသည် ခရစ်နှစ် (၇) ရာစုတွင် ဗုဒ္ဓဘာသာ၊ သာသနာ ထွန်းလင်းမှု အားကောင်းသည့် ဗုဒ္ဓနိုင်ငံတော်ဖြစ်ခဲ့ ပြီး မလေးရှား ကျွန်းစွယ်များ သို့ ဗုဒ္ဓသာသနာတော်ပြန့် ပွားအောင် အထောက်အပံ့ ဖြစ်ခဲ့လေသည်။ 

တရုပ် သုတေသီ ရဟန်းတော် အီချင်း ၏ (၇) ရာစု ကုန်ခါနီး သွားရောက်ခဲ့သည့် (သီရိဝိဇယနိုင်ငံ) ခရီးသွားမှတ်တမ်းတွင် “သီရိဝိဇယ (ခ) အင်ဒိုနီးရှားနိုင်ငံတွင် ဗုဒ္ဓသာသနာတော် လွန်စွာ ထွန်းကားနေပြီး ရေမြေခြင်း ထိစပ်ဆက်စပ်လျှက်ရှိသည့် မလ္လာယုကျွန်း (ခ) မလေးရှားနိုင်ငံ စသော နိုင်ငံများသို့ လည်း ဗုဒ္ဓသာသနာတော် ဖြန့်ဝေပေးနေပြီး” ထေရ၀ါဒကို အဓိကထား လက်ခံကျင့်သုံးနေခဲ့ကြပြီး မဟာယာန ၀ါဒ အနည်းငယ်သာရှိကြောင်းကို မှတ်တမ်းတင်ထားတာတွေ့ ရပါသည်။ မလ္လာယု ကျွန်းခေါ် မလေးရှားနိုင်ငံသည် မူဆလင် တို့၏ အတင်း အဓမ္မ ဘာသာရေးအား မတိုက်ခိုက် မသိမ်းပိုက်မှီ အချိန်ကာလ များတွင် ဗုဒ္ဓသာသနာတော် ထွန်းကား ပြန့်ပွားမှုမှာ လွန်စွာအားကောင်းလေ၏။

မလ္လာယု ဘုရင် ကိုယ်တော် တိုင်ပင် ၀ိနည်းတော်ကို နားလည် တတ်ကျွမ်းလို၍ သင်ကြား တတ်မြောက်ခဲ့ ခြင်း ကို ထောက်ရှု၍ မလေး တွင် ဘုရင်နှင့် ပြည်သူ၊ ပြည်သား တို့၏ ဗုဒ္ဓ သာသနာတော် အား ကြည်ညို ထောက်ပံ့မှုကို သိရှိနားလည် ခန့်မှန်းနိုင်ကြမည် ဖြစ် ပါသည်။ 

တရား ထိုင်တဲ့အခါ သမာဓိ မြန်မြန်တက်တဲ့နည်း

တရားထိုင်တဲ့အခါ သမာဓိ မြန်မြန်တက်တဲ့နည်း လေး မသိသေးတဲ့သူတွေအတွက် မျှဝေပေးချင်တယ်။

ဝင်လေ ထွက်လေကို သေချာစောင့် ဖမ်းနေရပါတယ်။ ကိုယ်ခန္ဓာက ယားတယ်ဆိုလဲ ယားတဲ့ပေါ် ဖြစ်ပျက် မမှတ်ဘဲ။ အာရုံက နှာသီးဖျားပေါ်မှာ ရှိနေပေးပါ။

ဥပမာ- သီချင်းသံတွေ ဘယ်လောက်ဆူညံပါစေ အာရုံက တစ်ခြားနေရာရောက်နေတဲ့ သူတွေအနေနဲ့ ဘာစာသားတွေ ဆိုသွားတယ်ဆိုတာတွေ ကျယ်လောင်နေတာဘဲဆိုတာတွေ မသိနိုင်သလိုပါဘဲ။

တကယ် တရားထိုင်တဲ့အခါမှာ လူတော်တော်များများက ဘာကို ဘယ်လို ထိုင်ရမယ်ဆိုတာ မသိကြပါဘူး။ နားလည်သူတွေကို မေးမြန်းကြတာတွေလဲ နည်းပါတယ်။ ကြာကြာထိုင်ပေမယ့် သမာဓိမတက်။ ဒုံရင်းက ဒုံရင်းဖြစ်နေကြတာ။ မထိုင်တတ်ကြလို့ပါ။

နှာသီးဝမှာ ထားတယ်ဆိုရာမှာ စလုံးရေ စတဲ့ သူတွေအနေနဲ့ ပြဿနာ တစ်ရပ်က အတွေးလေးတွေ ဝင်လာတာပါဘဲ။

အတွေးတွေ မဝင်ရဘူးလို့ ပြောလို့မရပါဘူး။ ဒါပေမယ့် သတိကပ်လိုက်တဲ့အခါ အတွေးကို ဖျက်လိုက်ပါ။ ငါ အတွေးဝင်သွားပါလားဆိုတဲ့အတွေးနဲ့အပြိုင် ငါတရားထိုင်နေပါလားဆိုတာ သိပါ။

ပြီးရင် နှာသီးဖျားမှာ ဆက်ထားပါ။ အတွေးပေါ်မှာ ဖြစ်ပျက်လေး ဖြစ်သွားပါလားဆိုတဲ့ ဟာလေး နှလုံးသွင်းနိုင်ရင် ပိုကောင်းပါတယ်။ အက်မင်ကို တရားပြတဲ့အဘတစ်ယောက်ပြောဘူးသလို လူတွေက ငါခု ဘာလုပ်နေတယ်ဆိုတာ မသိကြဘူး။ သတိကပ်ပြီး သိခဲ့ရင်လဲ မကောင်းမှုနဲ့ မတရားမှုဆိုတာလဲ တော်တော်နည်းသွားမယ်ကွတဲ့။

အဘပြောချင်တာက ဒေါသထွက်နေချိန် ဒါမှမဟုတ် ထွက်ပြီးချိန်မှာ ငါဒေါသထွက်နေပါလား ပူလောင်လိုက်တာ ငါဒေါသထွက်လိုက်ပါလား အကျိုးမရှိလိုက်တာ မှားသွားတယ်ဆိုတဲ့ ခံစားချက်မျိုးကို သိတဲ့အသိပါ။ လူတွေက ဒေါသထွက်ပြီးလဲ ငါဘာဖြစ်ခဲ့တယ်ဆိုတဲ့ အသိမရှိ။ ထွက်တုန်းလဲ အသိဆိုတဲ့ သတိမရှိမှတော့ မဂ္ဂင်လမ်းနဲ့ အဝေးကြီးပါတဲ့။ ထားပါတော့။ ဆက်ပြောမယ်-

တရားနိမိတ်တွေ ပေါ်လာရင်လဲ ထူးဆန်းအံ့သြမှုတွေ ထဲမှာ မျောပါမသွားဘဲ။ ငါ တရားထိုင်နေတယ်ဆိုတဲ့ အတွေးလေးနဲ့ ဖြတ်ပစ်ရပါမယ်။

ဒီနေရာမှာ သမထနဲ့ ဝိပဿနာခွဲဖို့ လိုပါလိမ့်မယ်။ သမာဓိ ထူထောင်တဲ့အထိက သမထနည်းနဲ့တူတူပါဘဲ။ သမာဓိ အားကောင်းလာပြီဆို အာရုံထူး နိမိတ်ထူး ခံစားချက်ထူး ပုဂ္ဂိုလ်ထူးတွေနဲ့ တွေ့လာတဲ့အခါမှာ သမထက အဲ့အာရုံတွေပေါ်မှ နှစ်သက် မြောပါသွားပါတယ်။ ရလာတဲ့ ဈာန်သေးသေးလေးအပေါ်မှာ နှစ်သက်မြတ်နိုးတာက သမထပါ။

ဝိပဿနာက ဘာအာရုံတွေဘဲလာလာ အပျက်ဆိုတဲ့ ဘက်ကို ရှေ့ရှုရမှာပါ။ ပျော်ဝင်မသွားရပါဘူး။ အနတ္တမှာ လမ်းဆုံးမှ ဝိပဿနာပါ။

ဒီနည်းလေးက တန်ဖိုးသိတဲ့သူတွေအတွက် အရမ်းအသုံးဝင်ပါလိမ့်မယ်။ ဒီနည်းလမ်းလေးကို ရှေးကျမ်းစာ တစ်အုပ်ထဲမှာ ဖတ်ရတာပါ ဖြတ်လမ်းနည်းလေးပါ။

တစ်ခြား ထိုင်နည်းတွေလဲ မှန်ပါတယ်၊ တစ်ကယ်လဲ ထိရောက်ပါတယ်။

_____________________________________________________

အာနာပါန စတင် အားထုတ်သူ၏ ထိုင်ပုံ နည်းစနစ်
..........................................................................

တင်မလ္လင်ခွေဖြစ်စေ မိန်းမထိုင်ဖြစ်စေ အဆင်ပြေသလို ထိုင်နိုင်ပါတယ် ။ အထက်ပိုင်း ကိုယ်ကိုဖြောင့်မတ်စွာထားဖို့လိုပါတယ်။ တစ်ခါ တစ်ရံ လေရှူသွင်းတာကို လိုက်တာ များပါက နောက်သို့ လန်တတ် ပါတယ်။ လေထုတ်မှုနောက်သို့လိုက်တာ များပါက အရှေ့သို့ ငိုက်တတ်ပါတယ်၊ ဒါမျိုး မဖြစ်စေရန်မတ်ဖို့လိုအပ်ပါ တယ် ။ 

တင်းပါးအောက်မှာ လက်နှစ်လုံး စာလောက် ခေါင်းအုံးလေးဖြစ်စေ သင့်တော်မည့် အဝတ်စောင် စသည်တို့အား ထား၍ ထိုင်မည် ဆိုပါက အလိုအလျောက် ခါးမတ်လာပါလိမ့်မည်။ အာနာပါန အားထုတ်သူ သည်
ခါးမတ်ဖို့က အလွန် အရေးကြီးပါတယ် ။ ခါးမတ်မှ လေကို မှန်မှန်ဖြောင့်ဖြောင့်ရှူသွင်း ရှူထုတ် လုပ်နိုင်ပါ မယ် ။

အဝတ်အစားတို့အားလည်း တင်းကျပ်မနေဖို့လိုအပ်ပါတယ် ၊ ပြေလျော့သော အဝတ် တို့ကိုဝတ်သင့်ပါ တယ် ၊ ရာသီဥတုကို လိုက်ပြီး အဝတ်အစားကို ဝတ်သင့်ပါတယ် ။ တင်မလ္လင်ခွေ ထိုင်တဲ့နေရာမှာ ခြေထောက်နှစ်ချောင်းအား ထပ်၍ မထိုင်သင့်ပါဘူး ၊ ဘယ်ဖြစ်စေ ညာဖြစ်စေ ရှေ့သို့တစ်ချောင်းထားနောက်သို့တစ်ချောင်းထား ၍ ထိုင်ပါက ကြာရှည်ထိုင်နိုင်ပါလိမ့်မယ် ။ 

လက်နှစ်ဖက်လည်း ဘယ်လက်ဖဝါးပေါ် ညာလက်ဖဝါး တင်၍ ထိုင်နိုင်ပါတယ် ၊ ဒါမှ မဟုတ် အဆင်ပြေသလို ထားနိုင်ပါတယ်။ ( လက်နှစ်ဖက် ထပ်ထားတဲ့နေရာမှာ လက်မနှစ်ခုအား ထိ၍အတင်း ဖိတွန်းမထားရပါ) လက်သည် လိုရင်း မဟုတ်ပါ ခါးရှေ့သို့မငိုက်ရန် အထိန်းဖြစ်ပါတယ် ။ 

သင့် ခန္ဓာကိုယ်သည် ကုလားထိုင် တစ်လုံးလိုဖြောင့်နေပါပြီ ။ရှေ့ခြေနှစ်ခြောင်း တင်ပါးနှစ်ခုတို့၏ လေးချောင်းထောင် ထားသော ကုလားထိုင် ကဲ့သို့ မတ်နေပါပြီ ။ အာနာပါန စတင် အားထုတ်တော့မယ် ရှေ့ကဖြစ်သော ဝမ်းသာ စရာ ဝမ်းနည်း စရာ အတွေးတွေ မဝင်အောင် စောင့်ထိန်းမယ် ဆိုပြီး စိတ်ကိုမွေးမြူပါ။

တရား အားလိုခြင်သော ဆန္ဒ အားမွေးမြူကာ မလျော့သော ဝီရိယ အစဉ်မပြတ်သော သတိဖြင့် အားထုတ် ပါ ။

_____________________________________________________

အာနာပါန အားထုတ်စ ယောဂီ များတွင် ဖြစ်လေ့ဖြစ်ထ ရှိသော အခက်အခဲလေးများ
..........................................................................................................................

အသံ သည် သမာဓိ၏ ဆူးငြောင့် ဖြစ်သည်ဟု ဆိုသည့် အတိုင်း ပတ်ဝန်းကျင် ၏ အသံ တို့ကြောင့် စိတ်အနှောက် အယှက်ဖြစ်တတ်ပါတယ်။ ဒါကို စိတ်ထဲတွင် မကျေမနပ် မဖြစ်သင့်ပါ ၊ တောတောင်ထဲသည်ပင် ကျေးငှက် သားရဲ တိရစ္ဆာန် တို့၏ အသံပင် ရှိသေး၏ ။ မိမိစိတ်၌ မကျေမနပ်မှုကြောင့် ဒေါသ စိတ်တို့ ဝင်ရောက် သဖြင့် ကမ္မဋ္ဌာန်း ဆုတ်ယုတ်တတ်၏ ။ ဒီ အသံတို့အားလည်း ကြားရကောင်းမလားဟု မိမိကိုယ်လည်း အပြစ် မတင်သင့်ပါ ။ 

ဒီအချိန်သည် အသံများ မကြားရလောက်အောင် ဖြစ်ပေါ်စေသော သမာဓိ မျိုးကား မဟုတ်သေးပေ ။ ကြားသင့် သလောက်ကြားနိုင်သေး၏ ။ ငါသည် ခန္ဓီ ပါရမီ ဖြည့်သည် ဟူ၍ မိမိကိုယ်ကို ဆုံးမကာ သတိကြီးစွာဖြင့် လေကိုသာ မှတ်နေပါ ။

ယောဂီများတွင်ဖြစ်တတ်ခြင်းမှာ နှာသီးအတွင်းကို လိုက်မိ၍ တင်းကျပ်မှုကို ခံရတတ်ပါတယ် ။ ထိုသို့ဖြစ်လာလျှင် အတွင်းသို့ မလိုက်မိစေရန် သတိကြီးစွာ ထား၍ နှာသီးဖျား (သို့) အထက်နှုတ်ခမ်း ၌သာ ဝင်လေထွက်လေကို သာ မှတ်နေပါ ။ ပူမှု အေးမှု မာမှု တင်းမှု တို့အားနှလုံးမသွင်းရပါ ။ ဓာတ်ဘက်သို့ရောက်၍ ကမ္မဋ္ဌာန်း ဆုတ်ယုတ်တတ်ပါတယ် ။ 

သမာဓိသည် အားကောင်း လာပါက တစ်ခါတစ်ရံ မျက်နှာပြင် ဒါမှမဟုတ် နှာသီးဖျား တို့၌ ပိုးရွ တို့ သွားသကဲ့သို့ ဖြစ်တတ်ပါတယ် ။ ထိုသို့ဖြစ်ပေါ်လာပါက ကမ္မဋ္ဌာန်းကို ရပ်ပြစ်ခြင်း မပြုပါနှင့် ၊ စိတ်ရှည် သည်းခံစွာ လေကိုသာ မှတ်နေပါ မကြာမှီပင် ပျောက်သွားတတ်ပါတယ် ။ ကမ္မဋ္ဌာန်းကို ရပ်ပြစ်ခြင်းပြုလိုက်ပါက အမြဲ တစ်စေ လာနေတတ်ပါတယ် ။ သတိကြီးစွာဖြင့် လေကိုသာ မှတ်နေပါ။

____________________________________________________

အာနာပါန သမာဓိကို အောင်မြင်ပေါက်မြောက်ခြင်း (ပထမပိုင်း)
*****************************************************************

သမထပိုင်း ရဲ့ အဆင့်လေးဆင့်( ၀င်လေ ထွက်လေ ရှစ်မျိုး)

သမာဓိ ထူထောင်တဲ့ အပိုင်းမှာ ကမ္မဋ္ဌာန်းလေးဆယ် ရှိတဲ့ အနက် ကြိုက်တဲ့ ကမ္မဋ္ဌာန်းနှင့် သမာဓိ ကို ထူထောင်နိုင်ပါ တယ်။ အာနာပါန ကမ္မဋ္ဌာန်း ကို အတို ချုပ်ပြီး သမာဓိ ထူထောင်ပုံပြောဖို့ ရည်ရွယ်ထားတယ်၊ ဒီတော့ ဘုရားရှင်က ဒီ အာနာပါန ကမ္မဋ္ဌာန်းကို ညွှန်ကြားတဲ့အချိန်အခါမှာ...............

နံပါတ်တစ် ဒီဃ - အရှည်၊

နံပါတ်နှစ် ရဿ      -  အတို၊

နံပါတ်သုံး သဗ္ဗကာယ- ပဋိသံဝေဒီ - အစ အဆုံး အကုန်လုံး၊

နံပါတ်လေး ပဿ       မ္ဘယံ - ငြိမ်းအောင် ကျင့်ပါ ဆိုပြီး အဆင့် ဘယ်နှစ်ဆင့် ချမှတ်ပေးသလဲ၊ လေးဆင့်၊ ဒါ သမာဓိ ပိုင်း၊ ဒီတော့ အဲဒီလေးဆင့် စလုံးမှာ ယောဂါဝစရ ပုဂ္ဂိုလ်က ဘယ်လို အားထုတ်ရမလဲ၊

သော သတောဝ အဿ         သတိ သတောဝ ပဿသတိ။ (မ-၁-၇၀။)

သတိမြဲဖို့ -

အရှည် မှာလည်း သတိမြဲရမယ်၊ အတို မှာလည်း သတိမြဲ ရမယ်၊ အစ အဆုံး အကုန်လုံး မှာလည်း သတိမြဲနေရမယ်၊ ငြိမ်းအောင်ကျင့် တဲ့နေရာ မှာလည်း သတိမြဲရမယ်လို့ ဒီလိုဆိုလိုတယ်၊

ဒီတော့ အရှည်မှာလည်း ၀င်သက် ထွက်သက်က နှစ်မျိုး၊ အတို ကျတော့လည်း ၀င်သက် ထွက်သက်က နှစ်မျိုး၊ အစအဆုံး အကုန်လုံး ထင်ထင် ရှားရှား သိရာ မှာလည်း ၀င်သက် ထွက်သက် က နှစ်မျိုး၊ ငြိမ်းအောင်ကျင့် တဲ့ အပိုင်းမှာလည်း ၀င်သက် ထွက်သက် နှစ်မျိုးပဲ၊ ပေါင်းလိုက်တော့ ဘယ်နှစ်မျိုး ရှိသွားသလဲ၊ - ရှစ်မျိုး၊ ဒါက သမထပိုင်း အတွက် ကွက်ပြီး ပြောတာပါ။

အချိုမှုန့် ဆိုတာ ဘာလဲ.... ? ဘယ်လောက်များ အန္တရာယ်ပေးနှိုင်လဲ.......?

ချစ်မိတ်ဆွေ.......
သင့် အိမ်ထဲမှာ သင်နှင့် အတူ သင့်မိသားစုကိုပါ အသံတိတ် သတ်ဖြတ်သွားနိုင်တဲ့ လူသတ်သမားကို သင် ကိုယ်တိုင် အိမ်ထဲသို့ ဖိတ်ခေါ်ထားမိသလားဆိုတာ မိတ်ဆွေ ကိုယ်တိုင် စီစစ်သင့်ပါပြီ။

ရေရှည် မှန်မှန် စားသွားရင် ဒီလောက် အန္တရာယ် များပါတယ် ဆိုတဲ့ အချိုမှုန့် ဆိုတာ Monosodium glutamate (MSG) လို့ခေါ်တဲ့ ဒြပ်ပေါင်း တစ်ခု ဖြစ်ပါတယ်။ Glutamic Acid လို့ခေါ်တဲ့ Amino Acid တစ်မျိုး ပါဝင်ပြီး စားစရာထဲ ထည့်လိုက်ရင် Free Glumate တွေ အဖြစ်ကို ပြောင်းလဲသွားကာ အစားအသောက်တွေရဲ့ အရသာ ကို ဓာတုနည်း နဲ့ လျှာပေါ်မှာ ဆပွား တိုးပေးလိုက်တာ ဖြစ်ပါတယ်။

အချိုမှုန့်ဟာ ဟင်းခတ် ပစ္စည်းတစ်ခု ဟုတ်ပါသလား... ? ပုံမှန် သုံးသင့်တဲ့ ဟင်းခတ် အမွှေးအကြိုင် တစ်ခု လုံးဝ မဟုတ်ပါ။ နည်းနည်း စားစား များများ စားစား ရေရှည် စားရင် အန္တရာယ် ကတော့ ရှိတာပါပဲလို့ ပညာရှင်များက ပြောကြားပါတယ်။ 

Good Manufacturing Practice (GMP) လို့ခေါ်တဲ့ ကမ္ဘာ့ အဆင့် ထုတ်လုပ်မှု စနစ်ကောင်း (GMP စနစ်) ရဲ့ အစားအသောက်တွေ ထုတ်လုပ်တဲ့ နေရာမှာ အချိုမှုန့် လုံးဝ မပါပါဘူး။ အချိုမှုန့်ကို ရေရှည်ပုံမှန် စားသုံးသွားရင် ဘာဆိုးကျိုးတွေ ရှိလာနိုင်မလဲ။

(၁) ဆီးချို  မဖြစ်အောင် ထိန်းသိမ်းပေးတဲ့ အင်ဆူလင်ဟော်မုန်း (Insulin) ရဲ့ လုပ်ငန်း ဆောင်တာမှာ အနှောင့် အယှက် တစ်ရပ် ဖြစ်စေလို့ ဆီးချိုဖြစ်စေဖို့ ကောင်းကောင်း အထောက်အကူပြုပါတယ်။

(၂) အစာ အလွန်အကျွံ စားချင်စိတ်ကို တိုးပွားဖြစ်ပေါ်စေသလို အ၀လွန်ခြင်းကို တားဆီးပေးတဲ့ ဟော်မုန်း များကိုပါ ပိတ်ဆို့လို့ အ၀လွန်ခြင်းကို ဖိတ်ခေါ်ပါတယ်။ အ၀လွန်ခြင်း ရောက်လာရင် သွေးတိုး၊ ဆီးချို၊ နှလုံးသွေးကြောပိတ် စတဲ့အဖော် အပေါင်းတွေပါ ပါလာပါလိမ့်မယ်။

(၃) ဦးနှောက် ဆဲလ်တွေကို မြန်မြန် ပျက်စီး ယိုယွင်း စေပါတယ်။ မှတ်ဥာဏ် ကို အရွယ် မတိုင်ခင် ပျောက် ဆုံးစေပြီး မေ့တတ်တဲ့ ရောဂါတွေ ဖြစ်စေဖို့ အလားအလာ အရမ်း များစေပါတယ်။ အချိုမှုန့် ကို မွေးကင်းစ ကတည်းကနေ စပြီး စားတဲ့ ကလေးတွေမှာ ဥာဏ်ရည်ပိုင်း ယုတ်လျော့မှု ရှိတာကို တွေ့ရှိ ရပါတယ်။

(၄) ဂျာမနီနိုင်ငံမှာ အချိုမှုန့် သုံးစွဲမှုကို လုံးဝဖြတ်တောက် ရှောင်ကြဉ်ဖို့ အမျိုးသားအဆင့် ကြေငြာချက်တွေ ဥပဒေတွေ အလန့်တစ်ကြား ထုတ်ခဲ့ရဖူးပါတယ်။ ဂျာမန် ကျန်းမာရေး ပညာရှင်တွေ ဘာတွေ့ရလို့လဲ ဆိုတာ စာဖတ်သူတို့ သိပါသလား။ အချိုမှုန့် စားတဲ့ ကိုယ်ဝန်ဆောင်တွေ မွေးလာတဲ့ ကလေးတွေဟာ အင်ဆူလင်ဟော်မုန်း စွမ်းရည် ကျဆင်း၍ မတိုးတော့ခြင်း (Insulin-resistant) မွေးရာပါ ဖြစ်လာတာ တွေ့ရပါတယ်။ ဒါကြောင့် ဒီကလေးတွေဟာ ကြီးလာရင် ဆီးချိုဖြစ်ဖို့ သေချာ သလောက် ဖြစ်ပါတယ်။ ဒီအချက်ဟာ ဖွံ့ဖြိုးဆဲနိုင်ငံတွေရဲ့ ဆီးချိုဖြစ်ပွားနှုန်း မြင့်မားနေတဲ့ အချက်တွေထဲက တစ်ခု အပါအ၀င် ဖြစ်ပါတယ်။

(၅) နောက်တစ်ချက်က ကိုယ်ဝန်ဆောင် မိခင်တွေ အချိုမှုန့် စားတဲ့ အကျင့်ကြောင့် မွေးလာတဲ့ ကလေးတွေ ရဲ့ medulla oblongata, thalamus, or hypothalamus ဆိုတဲ့ ဦးနှောက် အစိတ် အပိုင်းတွေမှာ ရှိတဲ့ အာရုံကြောဆဲလ်တွေကို ပျက်စီးစေပါတယ်။ 

ဒီနေရာတွေဟာ အစားအသောက် စားချင်စိတ်ကို အဓိက ထိန်းချုပ်တဲ့ ဦးနှောက် ဧရိယာတွေ ဖြစ်လို့ ဒီလို ကလေးတွေဟာ ကြီးလာရင် အစားအသောက် အလွန်အကျွံ စားတဲ့ အကျင့်ရှိကာအ၀လွန်ပြီး ရောဂါတွေ ထူစေတတ်တာ ကမ္ဘာတစ်ဝန်း လေ့လာတွေ့ရှိ ထားပါတယ်။(ဒါဟာ အချို့မှုန့်ကပေးတဲ့ အမျိုးသား ကျန်းမာရေး/ လူမှုရေး ၀န်ထုပ်ဝန်ပိုး (National Health/Social Burden) ဖြစ်ပါတယ်။ ဒါ့အပြင် အချိုမှုန့် ၀ယ်ယူတင်သွင်းရတဲ့အတွက် နိုင်ငံနဲ့လူမျိုး အကျိုးရှိစေမယ့် တခြားအရာတွေဝယ်ယူဖို့ နိုင်ငံခြားငွေ လျော့စေလို့ တိုင်းပြည်အတွက်လဲ နစ်နာပါတယ်)

ဒီဇင်ဘာ ၃၁ တွင် စကြ၀ဋ္ဌာ နာရီများ၌ တစ် စက္ကန့်  ထပ်တိုးမည်

ကမ္ဘာကြီး သည် ထုထည်ကြီးမားသော်ငြား ပင်လယ် သမုဒ္ဒရာ ဒီရေ တို့ ၏ အရှိန်ကြောင့် အရှိန်တုန့် နှေးသွားလေ့ ရှိရာ နှစ်ပေါင်း ၁၀၀ အတွင်း တစ်ရက်လျင် ၂ မီလီ စက္ကန့် နှုန်း အရှိန်တန့် လျက် လည်ပတ်လာခဲ့သဖြင့် စကြ၀ဋ္ဌာ အက်တမ် နာရီများနှင့် အချိန်ကိုက်ညီမှု မရှိတော့သည့် အတွက် ၂၀၁၆ ခုနှစ် ဒီဇင်ဘာလ ၃၁ ရက် ည ၁၂ နာရီ တိတိတွင် နာရီများမှာ ၅၉ စက္ကန့် ပြီးလျင် သုည သုညပြမည် မဟုတ်ဘဲ ၅၉ စက္ကန့် ပြီး လျင် ၆၀၊ ထို မှ သုည သုည ဆက်လက် ပြသသွားကာ အချိန် ကို တစ်စက္ကန့် စောင့်ဆိုင်းစေမည်ဖြစ်ကြောင်းသိရသည်။ 

ကမ္ဘာကြီးဟာ ထုထည်ကြီးမားလှတယ် ဆိုပေမယ့်လည်း ပင်လယ်သမုဒ္ဒရာတွေ ရဲ့ ဒီလှိုင်း အတက်အကျတွေကြောင့် တစ်ရက် ကို နှစ်မီလီ စက္ကန့် လောက်တော့ တုန့် သွားလေ့ ရှိပါတယ်။ နှစ်ပေါင်းကြာမြင့်လာတဲ့အခါ ကမ္ဘာလည်ပတ် တဲ့နှုန်း နဲ့  ၂၄ နာရီပြည့်တာနဲ့  စကြ၀ဋ္ဌာထဲ ပို့ ထားတဲ့ အက်တမ် နာရီတွေ ရဲ့  ၂၄ နာရီပြည့်တာနဲ့ က မကိုက်တော့ ပါဘူး။ 

အဲဒါကြောင့် စကြ၀ဋ္ဌာ စံတော်ချိန်ကို တစ်စက္ကန့် စောင့်ဆိုင်းစေရခြင်းဖြစ်ပြီး အချိန် နာရီမှာ တစ်စက္ကန့် တိုးထည့်ရခြင်းဖြစ်ပါတယ် ဟု သုတေသီတစ်ဦးကပြောပြသည်။ လွန်ခဲ့တဲ့ ရာစုနှစ်ဝက်လောက် ကတည်းက သိပ္ပံ ပညာရှင်တွေက အချိန်ကို နက္ခတ်တာရာ အပေါ်အခြေခံ တွက်ချက် ခြင်း မပြုဖို့  သဘောတူညီခဲ့ကြပါတယ်။ 

ပလတ်စတစ် ဆန် ဟုတ်မဟုတ် သိနိုင်ဖို့ ဒီလိုစစ်ဆေးမယ်

တရုတ်နိုင်ငံ က နှစ်စဉ် ဆန် တန်ချိန်ပေါင်း ၂၀၀ကျော် ထုတ်လုပ်ပြီး ကမ္ဘာပေါ်မှာ ဆန် ထုတ်လုပ်မှု အများဆုံး နိုင်ငံ တစ်နိုင်ငံဖြစ်ပါတယ်။

ဒါပေမဲ့ မကြာသေးခင်က Korean Times သတင်းဌာန က တရုတ်နိုင်ငံကနေ အန္တာရာယ် များတဲ့ ပလတ်စတစ် နဲ့ ပြုလုပ်ထားတဲ့ ဆန် ကို ထုတ်လုပ်လာတယ်လို့ သတင်းထုတ်ပြန်ခဲ့ပါတယ်။

အဲဒီသတင်းမှာ ဆန် လို အနံ့ ရှိပြီး ပလတ်စတစ် နဲ့ အာလူး က ရတဲ့ ကစီဓါတ်တွေနဲ့ ပြုလုပ်ထားတဲ့ ဆန် အတုတွေ ရောင်းချနေတယ်လို့ ဖော်ပြထားပါတယ်။ နောက်ထပ် စုံစမ်းစစ်ဆေးမှု အရ အဲဒီ ဆန် အတုမှာ ဆန် အစစ်လို ပြုလုပ်ထားတဲ့ ပလတ်စတစ်တွေ အများအပြား ပါဝင်နေတာပါပဲ။ 

အန္တရာယ်များလွန်း တဲ့ ပလတ်စတစ်ဆန် ဟုတ်မဟုတ် သိနိုင်ဖို့ စမ်းသပ်နိုင်တဲ့ နည်းလမ်းတွေကို မျှဝေပေးလိုက်ပါတယ်။



ငရုတ်ဆုံ နဲ့ စစ်ဆေးမယ်

ဆန်ကို ငရုတ်ဆုံ ငရုတ်ကျည်ပွေ့နဲ့ ထောင်းကြည့်လိုက်ပါ။ ဆန် က အဖြူရောင် အမှုန့်ဖြစ်သွားရင်တော့ ဆန် အစစ်ဖြစ်ပြီး ငရုတ်ဆုံ မှာ အ၀ါရောင် အစွန်းအထင်း ကျန်ခဲ့ရင်တော့ ပလတ်စတစ် ဆန်ဖြစ်ပါတယ်။

မီး နဲ့ စစ်ဆေးမယ်

ဆန်စေ့ ကို မီးရှို့ကြည့်ပါ။ မီးလောင်သွားတယ် ဆိုရင် ပလတ်စတစ် ဆန် (သို့) ဆန် အတု ဖြစ်ပါတယ်။

ရေ နဲ့ စစ်ဆေးမယ်

ရေ ထည့်ထားတဲ့ ခွက်ထဲကို ဆန် စားပွဲတင်ဇွန်း ၂ ဇွန်း ထည့်ပါ။ သဘာဝဆန် အစစ် ဆိုရင် ရေထဲ ကို မြုပ် ၀င်သွားမှာဖြစ်ပါတယ်။ 

ဒန်းစီးနေတဲ့ သမီးလေး

ကျနော့် သမီးလေးမှာခြောက်နှစ်မျှ သာ ရှိပါသေးသည်။ သူ့ ဆံပင်တွေက နီနီ ၀ါဝါ။ သူမို့ပြုံးလျှင် သွားကျဲကျဲ ငုတ် တိုလေးတွေကို မြင်နေရသည် မို့ အရုပ် ကလေး တစ်ရုပ်နှင့်ပင် တူနေသေးတော့သည်။ သမီး က ဘောလုံး ကန်ချင်သည် ဆို၍ ဘောလုံးကန် ဖိနပ် တစ်ရန်နှင့် ခြေသလုံးကာလေး တစ်စုံ ၀ယ်ပေးလိုက်သည်။ သမီးလေးမှာ ပျော်လို့မဆုံး။ 

“လကုန်မှာ ဖွင့်မယ့် ဘောလုံးသင် တန်း တက်မယ်နော်”ဟု ပြောရင်းက ခုန်ပေါက်နေတော့သည်။ စင်စစ် သမီးလေး ဘောလုံးဘက် စိတ်ရောက်သွားသည်မှာ သူ့ သူငယ်ချင်း ချာလီ ကြောင့် ဖြစ်ပါလိမ့်မည်။ “အေးလေ .. သူတို့ အရွယ်က အပေါင်းအသင်း ခင်တတ်တာကိုး”။ ကျနော် နှလုံး သွင်းနိုင်ပါသည်။ 

သမီး ဆန္ဒကို မတားပါ။ ပြီးတော့ ကျနော် ကိုယ်တိုင်က ကံကြမ္မာ ဆိုသည်ကို မယုံချင်ဘဲ ယုံမိနေသည်။ သမီး လေးငယ်ငယ် သုံးနှစ် သမီးလောက်က သူ့ကိုယ်ပေါ်သို့ ခွေးလေး တစ်ကောင် ခုန်တက်ဖူးသည်။ ထို စဉ် ကတည်းက သမီးမှာ ခွေး ကြောက်သွားတော့သည်။ ကျနော်တို့ မိသားစုလည်း ခွေးမွေး ရသည့် ဒုက္ခမှ လွတ်ငြိမ်းခွင့်ရခဲ့သည်။

နေ့တိုင်း လိုလိုပင် သမီးလေးက ကျနော့် ရင်ခွင်ထဲသို့ ကျနော့် လည်ပင်း ကို တက်တတ်သည်။ သူ့ လက်သေးသေးလေး တွေနှင့် ကျနော့် လည်ပင်း ကို ဖက်တတ်သည်။ သူ့ မျက်နှာသေးသေးလေးကိုလည်း ကျနော့် ရင်ဘတ်ကြား ၀ှက်ထားတတ်သည်။ ကျနော့် နှလုံးသားမှာလည်း ကျပ်ခိုးစင် ထက်က ဒိန်ခဲတုံးကြီးလို အရည်ပျော် သွားရတော့သည်။

 ဘောလုံး သင်တန်းမှ ပြန်ချိန် ရောက်ပြီဆိုလျှင် ကျနော်တို့ တစ်အိမ်လုံး သမီး အသံဖြင့် သည်းသည်း လှုပ်နေတော့သည်။ “ဖေကြီးရေ”ဟု သံကုန်သံရင်း ဟစ်ပြီး ကျနော့် ခြေထောက်တွေကို ပြေးပွေ့တတ်သည်။ ကျနော့် အတွက်တော့ သမီး အသံ မှာ ဆည်းလည်းသံ ၊ သမီးလေး ၏ မြူးကြွဟန် မှာ မုစလိန္ဒာ အိုင်ထက် မှ ကုမုဒြာကြာ ဖြစ်တော့သည်။

 “ဖေဖေကြီးကို ချစ်တယ်” ဆိုသည့် မရိုးနိုင်သော သီးချင်း ကိုလည်း သမီးက မကြာခဏ ဆိုတတ်ပါသည်။ စကားလုံးဖြင့် ဖော်ပြခြင်းငှာ မစွမ်းသာသော “အပျော်” များနှင့် အတူ ဘာရယ်မှန်းမသိ သော “အကြောက် ”များက ကျနော့် ရင်ကို မွှေနှောက်လာသည်။ “ဒီရွှေရောင် ကာလလေး ဘယ်တော့ဆုံးမလဲ။”  “နောက် ဘာတွေ ဖြစ်ဦးမလဲ။” ဖြစ်နိုင်လျှင်တော့ သမီးလေး ကို မကြီးစေချင်ပါ။ ကာလရထား ကို လှမ်းတားလို့ ရနိုင်မည် ဆိုပါက ရင်ဘတ်နှင့် တား ထားလိုက်ချင်ပါသည်။

သမီး အဒေါ် “ခေး ”နှင့် အဖွဲ့ကျသွားရာမှ သမီး က မြင်းစီး သင်ချင်သည်ဟု ဆိုလာပြန်သည်။ “ဂျော်ကီပိုး” က သမီးသွေး ထဲ ဘယ်လိုက ဘယ်လို ၀င်လာသည် မသိ။ စနေနေ့ ညနေတိုင်း ကျနော့်မှာ တာဝန်တစ်ခု ပိုလာရတော့သည်။ သမီးလေးကို “ဖောက်ခရော့” မြင်းဇောင်း သို့ လိုက်ပို့ရသည်။ သမီးကိုစောင့်ရင်း မြင်းထိန်းကြီး “အပ်မက်”နှင့် စကားစမြည် ပြောရသည်။ “အပ် မက်”က ဆေးလိပ် တစ်လိပ်ပြီး တစ်လိပ် ဖွာနေတတ် သည်။ 

လိမ်ယှက် ကခုန်နေမြဲ မီးခိုးငွေ့များကြားမှ သင်းပျံ့သော ၀ီစကီ ရနံ့ ကိုလည်း ရတတ်သည် ။ သူက သမီးကို ကြက်သွေးရောင် မြင်းကြီး တစ်ကောင်ပေါ် တင်ပေးလိုက်သည်။ မြင်းကြီး အကာမှာ လေ ဟုန်ခွင်း၍ အသော့နှင်တော့သည်။ ၀င်းထရံများ၊ ခင်တန်းလေးများကို လွှားခနဲ၊ လွှားခနဲ ခုန်လိုက်ရာ ကျနော့်မှာ ရင်မနေ ရတော့ သည်။ “အပ်မက်”ဆီ က မြင်းကျွေးသည့် စိတ်ငြိမ်ဆေး တောင်းသောက်ရတော့ မလို ရှိသည်။

သိပ်မကြာမီမှာပင် သမီးဝါသနာ ပြောင်းသွားပြန်သည်။ ဒီ တစ်ခါ ၀ါသနာသစ် က “ဟော်ကီ”။ ဟော်ကီ တုတ် ကို တ၀ှီးဝှီး လွှဲရိုက်နေသော သမီးကိုငေးရင်း ကျနော့်မှာ စိတ်မသက် မသာ ဖြစ်နေရသည်။ ငုပ်နေသော အကြမ်းပတမ်း စိတ်တွေကို ဟော်ကီ က လှုပ်နိုးလိုက်မှာ ကျနော် စိုးရိမ်သည်။ သမီး အရပ်ကလည်း ရှည်လာသည်။ ကိုယ်အလေးချိန်လည်း တိုးလာသည်။ သမီးမှာ တွန်းတွန်း တိုက်တိုက် ကစားတတ်သူလည်း ဖြစ်နေပြန်သည်။ သူနှင့် ရင်ဆိုင် တိုးရသူတွေမှာ အံသွားတွေ နဲ့ ကုန်သည်ဟု ကြားရ သည်။ 

သမီး ကို အရှက် အကြောက်ကြီးသူ မဖြစ်စေလိုသော်လည်း ရက်စက်ကြမ်းတမ်းသူတော့ မဖြစ်စေချင်ပါ ။ တစ်နေ့တွင် သမီးက ခြောက်နှစ် အရွယ် ကောင်လေး တစ်ယောက်ကို လည်ပင်း ညှစ်နေတာ မြင်လိုက်ရ သည်။ ကောင်လေးမြေကြီးပေါ် လဲအ ကျ သမီးက သူ့နံပါး ကို ပစ်ကန်ဖို့ ပြေးလာသည်။ မီးဖိုချောင်ပြတင်း မှ ငေးနေမိသော ကျနော့်မှာ မနေသာတော့။ အားရှိ အားကုန် အော်လိုက်သည် “ မလုပ်နဲ့ ”။ 

သမီးက ကျနော့်ကို ပြုံးပြပါသည်။ သူ့ အပြုံးမှာ မွေးကင်းစ ကလေးအပြုံးလို အပြစ်ကင်းစင်နေသည်။  ကောင်လေးကို ဆွဲထူပြီး တို့ကနန်း ဆိတ်ကနန်း လုပ်ပြသည်။ ကောင်လေးမျက်နှာမှာ လည်း ရယ်ကျဲကျဲ။ “သမီးတို့ ကစားနေကြ တာ”။ အလွန် ပူလောင်သော သက်ပြင်း တစ်ခု ကျနော့်ထွက်သက်တွင် ပါသွားသည်။

အနာဂတ် မှန်ကွဲစလေးများ

မြန်မာ အလုပ်သမားများနဲ့ ဈေးရောင်း ဈေးဝယ်တွေ ပျားပန်းခတ်နေတဲ့ မဲဆောက်  ဈေးကလေးဟာ စည် စည် ကားကား ရှိလှပါတယ်။ အဲဒီ အချိန်မှာ ဈေးဒေါင့် တစ်နေရာက လှုပ်လှုပ် ရှားရှား ဖြစ်သွားတာကို တွေ့  လိုက် ရတယ် ။ 

၁၂ နှစ် အရွယ်လောက် ရှိတဲ့ ကောင်မလေး တစ်ယောက်ဟာ လက်တစ်ဖက် က ၉  နှစ် အရွယ်လောက် ရှိတဲ့ ကလေးလေးကို လက်ကဆွဲ၊ တစ်ဖက်က ကော် သောက်ရေခွက်လေးကို ပြုတ် မကျအောင် ကိုင်ပြီး လူအုပ်ကြားထဲမှာ  ပြေးလွှား နေပါတယ်။ ကျနော်လည်း ဘေးမှာ ရှိတဲ့ ဈေးသည်   တစ်ယောက် ကို “ ဘာဖြစ်တာလဲလို့” မေးလိုက် မိပါတယ် ။ “သူတောင်းစား တွေကို ရဲက လိုက်ဖမ်းတာ ဖြစ်မှာ ပေါ့ တဲ့ ”

စိုးရိမ်စိတ်နဲ့ ကောင်းမလေးနဲ့ ကောင်လေး ထွက်ပြေးသွားတဲ့ ဘက်ကို ရင်မောစွာ ကြည့်လိုက် မိတယ်။ ကောင်မလေး နဲ့ ကောင်လေးကတော့ လူအုပ်ကြားထဲမှာ အလု အယက် ပြေးလွှားနေတုန်း ၊ ကော် သောက်ရေခွက်ကလေးထဲက အကြွေစေ့လေးတွေကို ပြုတ်မကျအောင် ထိန်းကိုင်၊ သူ့မောင်လေးကိုလည်း မကျန်ခဲ့အောင် လက်က စွဲစွဲမြဲမြဲကိုင် ၊ ဖမ်းမိရင် ဆိုတဲ့ သောက အပူတွေနဲ့ လွတ်ရာ လွတ်ကြောင်းကိုရှာ ၊ လူအုပ် ကြားထဲ ခယတဲ့ မျက်နှာလေးတွေနဲ့ အတင်းတိုး ပြေးလွှား လမ်းရှာ ဖျက်ခနဲ့ တွေ့လိုက်ရတဲ့ အချိန်လေးမှာ တင်ပဲ တစ်ကွက်ချင်း တစ်ကွက်ချင်း ပြန်မြင်ယောင်နေမိ၊ ကလေးတွေ လွတ်မြောက်ပါစေ။

“ ကန်စွန်းရွက် ယူအုံးမလား ဦး ၅ ဘတ်တန် အစည်းလည်း ရှိတယ်၊ ၂ ဘတ်တန် လည်း ရှိတယ်။ ၂ ဘတ်တန် ၃ စီး ယူရင် ၅ ဘတ်နဲ့ ယူ ဦး“ ဝယ်မယ်လို့တောင် မပြောရသေးဘူး စကားကို တောက်လျောက် ပြောသွားတဲ့ ကန်စွန်းရွက် စည်းတွေကို ပွေ့ပိုက်ပြီး လာရောင်းတဲ့ ကောင်မလေးကို ကျနော် ကြည့်မိ ပါတယ်။ 

အမဲရောင် ဘက်လုနေပြီ ဖြစ်တဲ့ ကျောင်းဝတ်စုံ အဖြူ အစိမ်း စကတ်လေးကို ဝင်ဆင်ထားတဲ့ ၁၁ နှစ် အရွယ်သာသာ ကောင်းမလေး တစ်ယောက်။ “ ၅ ဘတ်တန်နှစ်စီး ယူမယ် သမီး “ ကျနော်က ဆက်ပြီး “ သမီးကျောင်း မတက်ဘူးလား“ ကျောင်းတက်ရမယ့် အရွယ် ၊ ကျောင်းဝတ်စုံ ဝတ်ထားတာမို့ ကျနော်လည်း မေးမိ တာပါ။ “ သမီး အရင်က ရောင်ခြည်ဦး ကျောင်းမှာ တတ်တယ်။” သက်ပြင်း တိုး ညင်းစွာချရင်း ကောင်မလေးက ပြန်ဖြေ ပါတယ်။

ကျန်ရှိသော သက်တမ်း ကို ဘယ်လိုနေမလဲ

တစ်ခါတုန်းက ဂျပန် ဘုန်းကြီး တစ်ပါးဟာ နန်းတော်ထဲကို ၀င်လာခဲ့ပါတယ် ။ သူ ၀င်လာချိန်မှာ အစောင့်တွေ က မတားဆီးလိုက်နိုင်ပါဘူး။ ဒီတော့ ဘုရင်ကြီးဆီကို တန်းရောက် သွားတာပေါ့၊ ဘုရင်ကြီး ကလည်း ဂျပန် ဘုန်းကြီးကိုတွေ့လိုက်ရတော့ ချက်ချက်ပဲ မေးလိုက်ပါတယ်။

“ အရှင်ဘုရား………ဘာများ အလိုရှိပါသလဲ ” လို့ ဒီတော့ ဂျပန်ဘုန်းကြီး ကလည်း “ငါ အိပ်ဖို့ အခန်းကောင်းကောင်း တစ်ခု အလိုရှိတယ်”လို့ပြောလိုက်တယ် ။

ဘုရင်ကြီး ကလည်း“ အို…အရှင်ဘုရား နေရာ မှားလာပြီ။ ဒါ တည်းခိုခန်း မဟုတ်ဘူး။ နန်းတော်ပါဘုရား။ ”တဲ့............. ဂျပန်ဘုန်းကြီးလည်း “နေပါအုံး။ ငါ မေးပါအုံးမယ်။ မင်းပြောတဲ့ ဒီနန်းတော်မှာ မင်း အရင် ဘယ် သူနေသွား သလဲ” လို့ပြန်မေးလိုက်တယ်တဲ့ ။

ဘုရင်ကြီး က“ တပည့်တော် အရင် တပည့်တော် အဖေ နေသွားပါတယ်။ အခု တပည့်တော် အဖေ မရှိတော့ ပါဘူး။”လို့ပြန်ဖြေတယ် ။

ဂျပန် ဘုန်းကြီးကထပ်ပြီးမေးတယ်“မင်း အဖေ အရင်ကော ဘယ်သူနေသွားသလဲ”တဲ့ ...
ဘုရင်ကြီးက“တပည့်တော် အဘိုး နေသွားပါတယ်။ အခုတော့ မရှိတော့ပါဘူး ဘုရား”

ဂျပန် ဘုန်းကြီးက“မင်း အဘိုး အရင်ကော” ဘုရင်ကြီးက“တပည့်တော် အဘေး နေသွားပါတယ် ဘုရား”
ဂျပန် ဘုန်းကြီးက“ ဒါများကွာ….နန်းတော်တဲ့ ၊ မင်းအဖေလည်း နေပြီး ထွက်သွားရပြီ  မင်း အဘိုးလည်း နေပြီး ထွက်သွား ရပြီ၊ မင်း အဘေးလည်း နေပြီး ထွက်သွားရပြီ၊ မင်းလည်းနေပြီး ထွက်သွားရအုံးမယ် ။
ဒါ တည်းခိုခန်း မဟုတ်လို့ ဘာလဲကွာ” တဲ့ ။

ဂျပန် ဘုန်းကြီးပြောလိုက်တဲ့ စကား ကိုကြားလိုက်ရတော့ ဘုရင်ကြီးလည်း တစ်ခါမှ မစဉ်းစားဖူးတဲ့ “သြော် …….ငါဟာ တည်းခိုခန်းမှာနေနေ ပါလား”ဆိုတဲ့ အသိ လင်းခနဲ့ဝင်သွား ပါတော့သတဲ့။


(ဂျပန် ဇင် ပုံဝတ္ထု)

ဘုရင်ကြီးက ဂျပန် ဘုန်းကြီးကို အခန်းပေး မပေးတော့ စာထဲမှာ ဆက်ပြ မထားပါဘူး။ ပုံပြင်လေး ကတော့ဒါပါပဲ ။ တစ်ကယ်တော့ ဂျန်ပန် ဘုန်းကြီးပြောသလို အားလုံး အားလုံး ဟာ တည်းခိုခန်းမှာ ခေတ္တ ခဏ ၀င်တည်းနေကြရတာပါ ။


အချိန်တန်ရင် သတ်မှတ်ရက် စေ့ရင်ပြန်ကြ ရမှာပါ။
ဒီတော့ တည်းခိုခန်းမှာ ဘယ်လောက် အထိ နေခွင့်ရအုံးမလဲ……….?

ကျွန်တော်တို့ တွက်ကြည့်ရအောင် လူ့ဘ၀ သက်တမ်း ကို ယေဘုယျ အားဖြင့် ၇၅ နှစ်ပဲ နေခွင့်တော့မှာ
အသက် ၄၀ ရှိတဲ့ လူ တစ်ယောက်ဟာ တည်းခိုခန်း မှာ ၃၅ နှစ်ပဲနေခွင့် ရတော့မှာ။ အသက်၅၀ ရှိတဲ့ လူ တစ်ယောက် တည်းခို ခန်းမှာ ၂၅ နှစ် ပဲနေခွင့်ရတော့မှာပါ။ အသက် ၆၀ ရှိတဲ့သူ တစ်ယောက်ဟာ တည်းခိုခန်းမှာ ၁၅ နှစ်ပဲနေခွင့် ရတော့မှာပါ။

လက်ကျန် အချိန်က နည်းနေပါပြီး၊ ကျန်နေတဲ့ အချိန်က ကိုယ့် အတွက် သိပ် တန်ဖိုးရှိနေပါတယ်။ ဒီအချိန်ဟာ သူတစ်ပါး ကောင်းတာ မကောင်းတာကို ဝေဖန်နေရမယ့် အချိန် အရွယ်မဟုတ်တော့ပါဘူး။ ကိုယ် ကောင်းအောင်ပဲ နေရမယ့် အချိန်၊ အရွယ်ဖြစ်နေပါပြီ။ ဆိုလိုတာက သူတစ်ပါး ကောင်းတာ မကောင်းတာ ထက် ကိုယ်ကောင်း အောင်နေဖို့သာ အဓိကပါ၊

ဘယ်ဘက် စောင်း အိပ် လို့ ရရှိမယ့် သင် မသိသေးတဲ့ အကျိုးကျေးဇူး { ၆ } ချက်

အိပ် တာနဲ့ ပတ်သက်လို့ လူတော်တော် များများက သူတို့နှစ်သက်တဲ့ ပုံစံ ကို ရွေးပြီး အိပ်တတ်ကြပါတယ်။ ဒါပေမဲ့ အိပ်စက် တာဟာ တစ်နေ့တာရဲ့ ပင်ပန်း ၊ နွမ်းနယ်မှု ဒဏ်တွေကို အကောင်းဆုံး ပြန်လည် ခွန် အားဖြည့် တင်းတဲ့ အားဆေး တစ်ခွက်ဖြစ်တာကြောင့် နည်းမှန်၊ လမ်းမှန် နဲ့သာ သောက်သုံးမယ် ဆိုရင် ပိုပြီး အာနိသင် အစွမ်းထက် မှာပါ။ 

အိပ်စက်တာနဲ့ ပတ်သက်လို့ သုတေသီတွေရဲ့ တွေ့ရှိမှု အရ ညာဘက် စောင်း အိပ်တာထက် ဘယ်ဘက် စောင်းအိပ်တာ ဟာ ကျန်းမာရေး ရှုထောင့်အရ ပိုပြီး နည်းလမ်း မှန်ကန်ပြီး သင် မသိနိုင်တဲ့ အကျိုးကျေးဇူး ၆ ချက် ကို ရရှိ ခံစားရမှာ ဖြစ်တယ်လို့ အတည်ပြုထားကြောင့်  ပြန်လည် မျှဝေပေးလိုက်ပါတယ်။

၁။ ခန္ဓာကိုယ်ထဲက အဆိပ် အတောက်ဖြစ်စေတဲ့ အရာတွေကို ဖယ်ရှားပေးတဲ့ သွေးဖြူ  ဆဲလ်တွေရဲ့ လုပ်ဆောင် မှု (Lymphatic System) ကို တိုးတက်ကောင်းမွန်စေပါတယ်။

စေတနာပါမှ ဒါနဖြစ်တယ်

တစ်ခါတုန်းက ဗာရာဏသီပြည်မှာ အင်မတန် ချမ်းသာကြွယ်ဝတဲ့ သူဋ္ဌေးနှစ်ဦးရှိခဲ့ဖူးတယ်။ အဲဒီသူဋ္ဌေးနှစ်ဦးဟာ ငယ်သူငယ်ချင်းတွေ ဖြစ်တာမို့ တစ်ဦးနဲ့တစ်ဦး အင်မတန်ချစ်ခင်ကြသတဲ့။

ဒါပေမယ့် သူငယ်ချင်းသူဋ္ဌေးနှစ်ယောက်ဟာ တစ်ယောက်နဲ့ တစ်ယောက် စရိုက်ချင်းမတူကြဘူး။ သူဋ္ဌေးတစ်ယောက်က ဂုဏ်ပကာသနတွေကို ခင်မင်ပြီး အလွန်ကြွားဝါချင်တယ်။ စေတနာ သဒ္ဓါ မပါဘဲ နာမည်ကောင်း ရအောင် ဆိုပြီး အလွန်အကျွံ အလှူအတန်း လုပ်တယ်။ ကျန် သူဋ္ဌေး တစ်ယောက်ကတော့ လှူသင့် သလောက် လှူ  စားသင့်သလောက် စားပြီး ရိုးရိုးအေးအေးပဲနေထိုင်ပါတယ်။

ဒီလိုနဲ့နှစ် အနည်းငယ်ကြာတဲ့ အခါမှာ ဂုဏ်လိုချင်လို့ အလှူအတန်း အများကြီးလုပ်တဲ့ သူဋ္ဌေးဟာ တဖြည်းဖြည်း ပစ္စည်းဥစ္စာတွေ ဆုံးပါးပြီး ဆင်းရဲ သွားသတဲ့။ ဒါနဲ့ ဆင်းရဲသွားတဲ့ သူဋ္ဌေးဟာ သူ့မှာ ဘာမျှရောင်းချသုံးစွဲစရာ ပစ္စည်းမရှိတော့လို့ သူ ပြုလုပ်ထားတဲ့ ကုသိုလ်ကောင်းမှုတွေကိုပဲ သူငယ်ချင်း သူဋ္ဌေးထံရောင်းချ တော့မယ် လို့ စိတ်ကူးနဲ့ ဇနီးဖြစ်သူကိုပါ အတူခေါ်ပြီးတော့ သူငယ်ချင်း သူဋ္ဌေးထံကို ထွက်လာခဲ့တယ်။

အဲဒီလို ခရီးထွက်လာရင်း လမ်းခုလတ်မှာ အမောအပန်းဖြေကာ ပါလာတဲ့ ထမင်းထုပ်ကို စားမယ် ဆိုပြီးဖြေလိုက်တယ်။ ထမင်းထုပ်ကလည်း ငယ်ငယ်မို့ နှစ်ယောက်ဝေမျှပြီးစားရတယ်။ အဲဒီအခိုက်မှာ ခွေးပိန်ကလေး တစ်ကောင်ဟာ ယိုင်တိ ယိုင်ထိုးနဲ့ ဇရပ်နားကပ်လာသတဲ့။ အဲဒီအခါမှာ ထမင်းစားနေတဲ့ သူဋ္ဌေးဆင်းရဲက
ရှင်မရယ် ကြည့်စမ်းပါဦး ခွေးပိန်ကလေးဟာ အစာ မစားရတာကြာလို့ လမ်းကောင်းကောင်း မလျှောက်နိုင်တာနဲ့ တူပါရဲ့။ သနားစရာလေးကွာ။ အခုတို့စားနေတဲ့ထမင်းထုပ်ကို ခွေးက လေးကိုကျွေးလိုက်ရအောင်လို့ ဇနီးဖြစ်သူကို ပြောလိုက်တယ်။

ဇနီးဖြစ်သူကလည်း သဘောတူကြည်ဖြူစွာ သူတို့စားမယ့် ထမင်းထုပ်ကို ခွေးပိန်ကလေး ၀အောင်စားပါစေဆိုတဲ့စေတနာနဲ့ အကုန်လုံး ချကျွေးပါတယ်။ သူတို့နှစ်ယောက်ကတော့ ဇရပ်နဘေးက ရေအိုးစင်မှာ ရေ အ၀ ခပ်သောက်ပြီး ခရီးဆက်ခဲ့ကြသတဲ့။

ဒီလိုနဲ့ သူငယ်ချင်း သူဋ္ဌေးထံ သူတို့ဇနီးမောင်နှံ ရောက်သွားတဲ့အခါ သူငယ်ချင်းသူဋ္ဌေးကိုဆင်းရဲသွားတဲ့သူဋ္ဌေးက ငါတို့ပြုထားတဲ့ ကုသိုလ်ကောင်းမှုတွေ ရောင်းချဖို့ သူငယ်ချင်းထံ လာခဲ့တာပဲ။ သဘောတူ ၀ယ် မယ် ဆိုရင် တစ်ဘ၀လုံးပြုထားတဲ့ ကုသိုလ်အကုန်ရောင်းခဲ့မှာလို့ ပြောပြသတဲ့။

အဲဒီအခါ သူငယ်ချင်း သူဋ္ဌေးကလည်း ၀မ်းသာအားရနဲ့ ရောင်းသမျှ ကုသိုလ်ကောင်းမှုကို ၀ယ်ယူပါ့မယ်ဗျာလို့ ဆိုလိုက်ကာ ကုသိုလ်ကောင်းမှုများကို ချိန်ခွင်ထဲမှာ ထည့်ပြီးချိန်ခိုင်းပါတယ်။ အဲဒီအခါ စေတနာအရင်း မခံဘဲ ဂုဏ်ပကာသနတွေကို လိုချင်တာနဲ့ပြုလုပ်ခဲ့တဲ့ ကုသိုလ်တွေဖြစ်တာမို့ လေးတယ်လို့မရှိဘဲ ငွေဘက်ကပဲအမြဲ အလေးသာနေသတဲ့။ ကျောင်းကုသိုလ်၊ ဇရပ် ကုသိုလ်၊ ရေကန်ကုသိုလ်၊ ဘာကုသိုလ်ပဲ ထည့်ထည့် ကုသိုလ် ဘက်က အလေးမသာဘဲ ငွေဘက်ကဘဲအလေးသာနေတယ်။

ကျန်းမာရေး အတွက် ဂရုစိုက် ရမည့် နာရီများ

ကျန်းမာရေး အတွက် ဂရုစိုက်ရမည့် နာရီများ သုတေသန ပြုချက် အရ ည ဆိုင်း အလုပ်လုပ် သူများသည် ကျန်းမာရေး အခြေ အနေ ကမောက် ကမ ဖြစ်တတ်သည်။

အမျိုးသမီးများ ဆိုလျှင် ရာသီ မမှန်ခြင်း၊ အရိုးပွ ရောဂါဖြစ်ခြင်း၊ ရင်သား ကင်ဆာဖြစ်ခြင်း၊ ကိုယ်ဝန် မရ ရှိနိုင်ခြင်း စသည့် ရောဂါများ ပိုမို ဖြစ်တတ်သည်။ ည သန်းခေါင် ည ၁၂-နာရီ ၁၀-မိနစ် အထိ မအိပ်သေး သူများတွင် ခန္ဓာကိုယ် ၏ ဇီဝ ဖြစ်ပျက် ပြောင်းလဲ ဖြစ်စဉ် များသည် ကိုယ်တွင်း အရည် လောင်ကျွမ်းမှုကိုသာ အားကိုးရသည်။ ကိုယ်တွင်း အရည်လောင် ကျွမ်းမှုသည် အဆိပ် အတောက် ဖြစ်ပေါ်မှု များတတ်သည်။

ခန္ဓာကိုယ် ၏ 'သက်စောင့်ရည်' များကို အက်ဆစ်ဓါတ် ဖြစ်စေ နိုင်သည်။ ထို့ကြောင့် ခဏခဏ အိပ်ရေး ပျက် ခံ သူများသည် ဆေးလိပ်သောက်၊ အရက်သောက် သူများ ဖြစ်နိုင်သည့် ရောဂါမျိုးများ ငါးဆ ပိုဖြစ်နိုင် သည်။ 

ထို့ကြောင့် နေ့စဉ် အတတ်နိုင်ဆုံး ည ၁၁-နာရီ မတိုင်မီ အိပ်ရမည်။ မဖြစ်မနေ ည အလုပ်လုပ်ရန် ရှိသည် ဆိုလျှင်လဲ (အသား မပါသော) ညလယ်စာ စားလျှင် ခံသာသေးသည်။ နံနက် အခါ နေထွက်သည်။ ညနေရောက် လျှင် နေ၀င် သည်။ ဆောင်းရာသီ ပြီးလျှင် နွေရာသီ ရောက်လေသည်။ သဘာဝလော ကကြီးသည် အချိန် မှန်မှန်၊ စည်းချက် ကျကျ ဖြစ်ပျက်နေသည်။


လူ့ ခန္ဓာ ကိုယ်လဲ သဘာဝ လောကကြီးတွင် တည်ရှိပြီး အချိန် မှန်မှန်၊ စည်း ချက် ကျကျ လှုပ်ရှား မှသာ ကျန်း မာ ပျော်ရွှင်မည်။

ည ၉-နာရီ မှ နံနက် ၃-နာရီ = ခန္ဓာကိုယ် အားဖြည့်ချိန်

ည ၉-နာရီ မှ ည ၁၁-နာရီ = ရောဂါ ခုခံ ကာကွယ်စနစ် အချိန် (အလယ်တန်း အောက် ကလေး သူငယ်များသည် ရောဂါ ခုခံ ကာကွယ်စနစ် တည်ဆောက်မှု မပြည့်စုံ သေး သဖြင့် ည ၉-နာရီတွင် အိပ်နိုင်လျှင် ကောင်း၏)

ည ၁၁-နာရိ မှ နံနက် ၁-နာရီ = ရိုးတွင်း ချဉ်ဆီမှ သွေးနီ ဥ တည်ဆောက်ချိန်

နံနက် ၁-နာရီ မှ နံနက် ၃-နာရီ= အသည်း ၏ အချိန်

နံနက် ၃-နာရီ မှ နံနက် ၅-နာရီ= အသက်ရှု စနစ် အတွက် အချိန်

နံနက် ၄-နာရီ = ခန္ဓာကိုယ် ၏ သွေးခုန်အား အပျော့ဆုံး၊ နှလုံးခုန်နှုန်း အနှေးဆုံး အချိန်

ပီယ လက်စွပ် အကြောင်း

ပီယ လက်စွပ် အကြောင်းသည် အလွန် လျှို့ဝှက် နက်နဲသော လောကီ ပညာရပ်ဖြစ်ပါသည်။ သို့သော် အောက် လမ်းနည်း မဟုတ်ပါ။ အထက်လမ်းနည်း ဖြစ်ပါသည်။ အထက်နည်းဖြင့် ပီယသိဒ္ဓိကို ရရှိသောသူများသည် ထို တန်ခိုးကို အလွဲသုံးစား လုပ်လေ့မရှိပါ။ 

သစ္စာစောင့်သိ ရိုသေစွာ စောင့်ထိန်းလျှင် အထွတ် အထိပ် တိုင်အောင် ပေါက်မြောက်အောင်ပါသည်။ အလွဲသုံးစားပြုမိပါက ဘဝ တွင်သာ အရှက်တစ်ကွဲ အကျိုးနည်းစွာ နစ်နာ ဆုံးရှုံးမှုကြီးကြုံရခြင်း၊ အာကာလ မရဏ (သို့မဟုတ်) ဥပစ္စေတက ကံဖြင့် သေကြေ ပျက်စီးရခြင်းမျိုးဖြစ်ရုံမက၊ သေဆုံးပြီးနောက် အဝီစိ ငရဲသို့ ဇောက်ထိုး ကျတတ်လေသည်။

ပီယလက်စွပ် ကို အဂ္ဂိရတ် ဆရာများသာပြုလုပ်နိုင်ပါသည်။ ဖိုထိုးသော ဆရာများသာ လုပ်၍ ရပါသည်။ အမှန်ကား ပီယ လက်စွပ်သည် ဓာတ်လုံး လက်စွပ်ပင်ဖြစ်ပါသည်။ ဓာတ် ဝိဇ္ဇာများသာ သိပါသည်။ အဂ္ဂိရတ်လောက မှ ဆင်းသက် လာသော စကားပုံ တစ်ပုဒ်ကို လူအများသိကြားဖူးမည် ဖြစ်ပါသည်။

 "သံသေ တစ်ဆွေဝ၊ ပြဒါးသေ တစ်ပြေ (ပြည်) ဝ" ဟူ၏။ အမှန် က ဤ ဝါကျနှစ်ပုဒ် ၏ ရှေ့တွင် ဝါကျတစ်ပုဒ် မြုပ်ထားချက် ရှိခဲ့သည်။ ထို ဝါကျမှာ "သွတ်သေ ဝိယေဝ" ဟူ၍ ဖြစ်လေသည်။ အဂ္ဂိရတ် သမားများ သိ ကြ ပါသည်။ သွတ် ကို သေအောင် ဖိုထိုးနိုင်သူများ၊ သွတ် ဓါတ်လုံးရအောင် ထိုးနိုင်သူများ ချစ်ခင်သူ ဝပြောကြောင်း သိကြပါသည်။ 

သွတ် ဓါတ်လုံး လက်စွပ် ကိုပင် ပီယ လက်စွပ်ဟု ခေါ်ပါသည်။ ပီယ လက်စွပ် မည်မျှ စွမ်းသလဲဟု မမေးနှင့်။ လူအများ မသိသော အဂ္ဂိရတ် သမိုင်းတစ်လျှောက်တွင် သွတ် ဓါတ်လုံး ပီယ လက်စွပ်ကြောင့် ချစ်သူ ဝိုင်း ဝိုင်း လည်သည့် ပုဂ္ဂိုလ်ထူးများ အကြောင်း ကမ္ဘာ အရပ်ရပ်တွင်လည်း ရှိခဲ့သည်။ မြန်မာပြည်တွင်လည်း ရှိခဲ့သည်။ ထို ပညာရပ်ကို လေ့လာ လိုက်စားသူများသာ အတွင်းကျကျ သိကြပါသည်။ 

ကမ္ဘာ့ အလှ ဘုရင်မကြီး ကလီယိုပတ္တရာ တွင် ပီယလက်စွပ် ရှိခဲ့သည်ဟု ထိုလောကသားတို့က ဆိုသည်။ ရုရှားပြည် ဇာဘုရင် ၏ နန်းတော်တွင်းသို့ ဝင်ရောက် ခြယ်လှယ် ခဲ့သော ရပ်(စ်)ပျုတင် မည်မျှ စွံကြောင်း သိသူများသည်။ သူ့တွင် ပီယလက်စွပ် ရှိကြောင်း သိသူရှားလေသည်။ သူသည် ပီယလက်စွပ် ရသော တန်ဖိုးကို အလွဲသုံးစားပြုခြင်း၊ ကာမေသုမစ္ဆာကံ ကို အကြိမ်ကြိမ် ကျူးလွန်ခြင်း၊ သစ္စာမဲ့ခြင်း စသည် တို့ကြောင့် ဥပစ္စေဒကံ ထိုက်ကာ အသေဆိုးနဲ့သေခဲ့ရသည်။

 မြန်မာ့သမိုင်းတွင် အလွန် ထင်ရှားသော လောကီ ပညာကို တစ်ဖက်ကမ်း ခတ် တတ်ကျွမ်းသည့် ရဟန်နှစ် ပါး ရှိခဲ့ဖူးသည်။ ဓမ္မဓရ နှင့် ဓမ္မဥာဏ တို့မည်၏။ လောကီ ပညာ လိုက်စားသူတိုင်းက ထို ရဟန်းနှစ်ပါးအနက် ဓမ္မဥာဏ ရဟန်းက လောကီ ပညာရပ်တွင် သိသိ သာသာ ပိုမို လွန်ကဲကြောင်း သိပြီးဖြစ်ပါသည်။ 

မွန်ဘုရင်ကြီး ရာဇာဓိရာဇ် ၏ သမီးတော် ရှင်စောပု ကို အင်းဝ ဘုရင်နှင့် လက်ဆက်ပေးခဲ့ရာ မိုးညှင်းမင်းတရား လက်ထက်တွင် မိဖုရား ဘဝ မပျော်ပိုက်ကြောင်း သတင်းပါး သဖြင့် မိဖုရား ရှင်စောပု ကို အင်းဝနန်းတော် မှ ခေါ်ထုတ်၍ ဟံသာဝတီ အရောက် ပို့ဆောင်ပေးခဲ့ကြောင်း လူအများသိပြီး ဖြစ်ပါသည်။ အင်းဝနေပြည်တော်က ဘုရင့် မိဖုရားကို နန်းတော်တွင်းမှ ခေါ်ထုတ်ပြီး ကင်း အထပ်ထပ်ကို ကျော်ဖြတ်ကာ ဟံသာဝတီ အရောက် ပို့ပေးနိုင်သည့် စွမ်းဆောင်ချက်ကို တွေးကြည့်ပါက တန်ခိုးရှင် များသာ လုပ်နိုင်ကြောင်း ငြင်း ဆိုဖွယ်ရာ မရှိပြီ။ 

ဤမျှ တန်ခိုးကြီးသော ဓမ္မဓရနှင့် ဓမ္မဥာဏ တို့ကို ရှင်စောပု မွန်ဘုရင်မ ဖြစ်လာသော အခါ ချီးမြှောက်၍ သူတော်ကောင်းပြုလေသည်။ ထို့နောက် ထီးမွေနန်းမွေ ဆက်ခံစေရန် ထိုရဟန်း နှစ်ပါး အနက် တစ်ပါး ကို ရွေးလေသည်။ ဆွမ်းအုပ်နှင့် ရွေးသည်။ မဲ စနစ်ဖြင့် ရွေးသည်ဟု သာမာန် အဆိုရှိခဲ့သည်ကို လောကီပညာ လေ့လာလိုက်စားသူ တို့က မယုံကြည်ကြပေ။ 

ခွက်ပေါက် ပညာ ခေါင်းဖုံးအုပ်ထားသည် အရာဝတ္တု မှန်သမျှ ထွင်းဖောက် သိမြင်နိုင်သော လောကီပညာ တတ်ကျွမ်းသည့် ထို ရဟန်းနှစ်ပါးကို ဤနည်းဖြင့် ရွေး၍ မရကြောင်း ထို ရဟန်းနှစ်ပါး၏ လောကီ ပညာ တတ်ကျွမ်းပုံ အကြောင်း ဖတ်ဖူးကြားဖူး သူတိုင်းသိပါသည်။ 

အမှန် စင်စစ် ဓမ္မဥာဏ ရဟန်းသည် လောကီ ပညာရပ်တွင် အများ အားဖြင့် ဓမ္မဓရ ထက် ပိုမို တတ်ကျွမ်းသော် လည်း ဓမ္မဓရ ကား ဓါတ်လုံး အစွမ်းဖြင့် အောင်မြင် ထားသော ပီယ လက်စွပ်ရှင် ဖြစ်ခဲ့သည့် တစ်ခုတည်းသော အားသာချက်ကြောင့် မွန်ဘုရင်မ ရှင်စောပု ကိုယ်တိုင်လည်း ပိုချစ်သည်။ သမီးတော် ကလည်း သူ့ကိုမှ ပိုချစ်သည်။ ထို့ကြောင့် သူတို့ ပိုချစ်သော ဓမ္မဓရ ကိုသာ ရွေးခဲ့သည်။ 

ဓမ္မဓရ ရဟန်းသည်ကား သစ္စာ ရှိသည်။ ဘာသာ သာသနာတော် ကို ပို၍ နက်ရှိုင်းသည်။ သူ့အား မွန် ဘုရင် မ ရှင်စောပု က ထီးနန်းပေးအပ်သောအခါ ဓမ္မစေတီမင်း တွင်လေသည်။ သာသနာပြု မင်းတစ်ပါး ဖြစ်လေ သည်။ 

သွတ် ဓါတ်လုံး အကြောင်းနှင့် ပီယ လက်စွပ် အကြောင်းတော့ ရေးပြမှဖြစ်ပါတော့မည်။ သို့သော် အဂ္ဂိရတ်ပညာဆိုင်ရာ အသေးစိတ် အချက်အလက်များကိုမူ လူအများ သိရန် လွယ်မည် မဟုတ်၍ မဖော်ပြတော့ပါ။ မီးသွေး တစ်တင်း ကျအောင် ဖိုထိုးပြီးလျှင် တစ်လုံ ကျပါသည်။ 

သွတ် ဓါတ်လုံးရအောင် လုံးပေါင်း ၈၄၀၀၀ ၏ ဆယ်ပုံ တစ်ပုံဖြစ်သော ၈၄၀၀ ကျအောင် အနည်းဆုံး ထိုးရပါသည်။ ဖိုထိုးခန်း ၏ မျက်နှာကျက်တွင် ပိတ်ဖြူနှင့် အင်းကို အမိုးလုပ် ထားရပါသည်။ ကျောဘက်တွင်လည်း အင်း ကို ပိတ်ဖြူနှင့် ကပ်ထားရပါသည်။ ဖို၏ တည့်တည့် နံရံတွင်လည်း ပိတ်ဖြူနှင့် ထိုအင်း ကို ကပ်ထားရပါသည်။ အင်းဆံကား အောက်ပါ ဂါထာ ပင် ဖြစ်ပါသည်။

အထက်ပါ ရှင်သီဝလိ ဂါထာတော် ကို အလျား (၈) ကွက် အနံ (၉) ကွက် အင်းဘောင် ခတ်၍ စည်းမျဉ်း အတိုင်း ပိတ်ဖြူတွင် အင်းချရမည်။ အင်းဆံ စာလုံးသွင်းသောအခါ လက်ဝဲ မှ လက်ယာ သို့ အစဉ် အတိုင်း ရေးသွင်းရပါသည်။

အဆိုပါ အင်းချ ထားသော ဂါထာ ကို ဖိုထိုး သွင်းသော အခါ အာရုံ သွင်း၍ ရွတ်ဖတ်ရမည် ။ ဈာန် သွင်း၍ ရွတ် ဖတ်ရင်း ဖိုဆွဲ ရပါမည်။

ဖိုအောင် ၍ သွတ်ဓါတ် စီးသော ဓါတ်လုံး ကို လက်စွပ်ပြုလုပ် ဝတ်ဆင်ခြင်းဖြင့် ပီယ လက်စွပ်ဖြစ်လာလေတော့ သည်။

ထို ပီယလက်စွပ် ဆင်မြန်းသူသည် ဆန့်ကျင်ဘက် လိင်ကို ဆွဲဆောင် ချစ်ခင်အောင် ပြုလုပ်ရန် သက်သက်သာမက၊ အခြားအရေးကြီးသော ကိစ္စဟူ သမျှတွင် အလိုရှိတိုင်း အသုံးပြုနိုင်ပါသည်။