ငါခံစားနေရတဲ့ အပူတွေ များလှချည်လား ။
ငါ့လောက် ပူလောင်တဲ့သူ ရှိကော ရှိပါဦးမလား ။
ငါ့ကျမှပဲ ဒီလို အဆိုးတွေချည်း တွေ့နေရပါလား ။
ဒီကမ္ဘာပေါ်မှာ ငါ့အပူက အပူဆုံးပါလား သူများတွေ
ငါ့လောက် ပူမယ် မထင်ဘူး ။
ဒီလိုအတွေးတွေနဲ့
စိတ်ပမ်း လူနွမ်း ဖြစ်နေခဲ့တာ ။ စိတ်ညစ်တာတွေ ပြေအောင်
တရားစာအုပ်တွေ လိုက်ဖတ်လိုက်တယ် ။
ဟာ -
ဘုရားရှင်လည်း အဆဲ ခံရတာပါပဲလား ။
ဘုရားရှင်လည်း လူတောထဲမှာ အရှက်ခွဲခံရ တာပဲလား ။
ဘုရားရှင်လည်း တံတွေးနဲ့ထွေးတာ ခံရတာ ပဲလား ။
ဘုရားရှင်လည်းဝေဠုဝ ရွာမှာ တစ်ဝါတွင်းလုံး ဆွမ်းမစားရလို့
ဂျုံ နဲ့ ပဲ ဆွမ်းကိစ္စပြီးတာပါပဲလား ။
ဘုရားရှင်လည်း
လူသေအလောင်းက အဝတ်ကို ခွါပြီးဝတ်ရုံရတာပါပဲလား ။
ဘုရားရှင်လည်း ဒေဝဒတ် ရန်ရှာတာကို ခံရတာပါပဲလား ။
နောက်ထပ် တရားစာအုပ် တစ်အုပ်ကို ထပ်ပြီး ဖတ်ကြည့် လိုက်တယ် ။
ငါပူတယ် ဆိုတဲ့ အပူက ...
ပဋာစာရီ ရဲ့ ခြေဖျားတောင် မမှီပါလား ။
အနာထပိဏ် သူဋ္ဌေးကြီးလည်း ဆင်းရဲသွားလို့ မိန်းမကို မြတ်ရိတ်ပြီးကျွေးဖူးတယ် တဲ့လား ။
တစ်ရာ့တစ်ပါးသော ပြည့်ရှင်မင်းကြီး တစ်နိုင်ငံလုံး ကုန်အောင် လှူမယ်ဆိုတဲ့ ပဒေသရာဇ်မင်းကြီးလည်း ဆင်းရဲသွားလိုက်တာ
သေခါနီးတော့ ဇီးဖြူသီး တစ်ခြမ်းပဲ လှူ စရာရှိတော့တယ် တဲ့ ။
သြော်....
ငါ့ကိုယ် ငါ ပူလောင်လှချည်ရဲ့ ဆိုပြီးနှလုံးသွင်းထားတာ ။
`ရှက်ဖို့ကောင်း လိုက်တာကွာ´
ဇာတ်တော်တွေထဲက တရားထူး ရသွားသူတွေဟာ အကြီးစား ဒုက္ခသည်တွေ ချည်းပါလား ။ ဒုက္ခအကြောင်း မသိဘဲ တရားထူး ရတဲ့သူ တစ်ယောက်မှ မတွေ့မိဘူး ။
အင်း ………………
အရင်းစစ်လိုက်တော့ ခန္ဓာ ရထားလို့ကိုး ။
ခန္ဓာရသူတိုင်း မကင်းနိုင်တဲ့ ဒုက္ခတွေပါလား ။
အသိတစ်ခု လင်းလက်သွားပြီ ။ လာခဲ့စမ်း လောကဓံ
လောကဓံ ကို ဒေါကန်မနေတော့ဘူး။
ဒုက္ခ ဆိုတာ ...
တရားထူးရမဲ့ သူတွေရဲ့ အရင်း အနှီးဆိုတာကောင်းကောင်း သိလိုက်ပြီ ။
ဒုက္ခသစ္စာ ကို
သံဝေဂ ဥာဏ် နဲ့ပေါင်းပြီး
မဂ္ဂသစ္စာ ဆိုက်အောင်လုပ်ပြကြရမယ် ။
Credit : မှတ်စုကြမ်း /ရွှေမြိုင်
No comments:
Post a Comment